Erfaringskonferansen blir arrangert av DBT-teamet ved Nordfjord psykiatrisenter i samarbeid med Nasjonalt senter for selvmordsforskning og -forebygging, Institutt for klinisk medisin, Universitetet i Oslo.
Du kan finne konferanseprogrammet og meir informasjon på dbt.no - Klikk deg inn på seminar og konferansar. Alle som er interessert i DBT er velkomen til å delta.
Dialektisk atferdsterapi er ei spesialisert psykoterapiform som inkluderar både individualterapi og deltaking i ferdigheitsgruppe. DBT vart opprinneleg utvikla for å behandle personar med gjentatt sjølvdestruktiv åtferd og gjentekne sjølvmordsforsøk. I dag vert DBT særleg nytta til å behandle ungdom og vaksne med emosjonelt ustabil personlegdomsforstyrring. Nyare bruksområde er mellom anna behandling av eteforstyrring og posttraumatisk stressliding.
Fleire studiar har vist at behandlingsmetoden er effektiv. Stadig fleire stadar i Norge tar metoden i bruk for å behandle desse pasientgruppene. Teamet ved Nordfjord psykiatrisenter har eksistert sidan januar 2007.
På konferansen vil det bli presentert erfaringar med dialektisk atferdsterapi frå ulike stadar i Norge, og frå Nordfjord psykiatrisenter. Det vert vidare presentert førebelse forskingsresultat frå ein pågåande norsk effektsstudie av DBT for tenåringar med repeterande sjølvskading og suicidalitet. I tillegg tek ein sikte på å utforme planar for eit tettare samarbeid mellom dei norske fagmiljøa.
På bilete over ser du frå venstre: Astrid Torheim, Linda Os, Vigdis Loftesnes, Petter Bugge, Per Egil Hellebust, Sigrun Rinde. Det er for tida 7 personar i teamet. Eva Flyum var ikkje til tilstades når bilete blei teke. (Foto: Svein Rune Djuve).