Påmeldingsfristen til Helse Førde stafetten er no ute. Fjorårets rekorddeltaking på 81 lag er slått med 20 fleire lag. Dette er tal lag som deltok i hovudstafetten og ungdomsstafetten.
Leiar i Bedriftsidrettslaget ved Førde sentralsjukehus hadde håp om at rekorden på 81 lag skulle betrast dette året.
– Over 100 lag og mangledobling av talet på dei som tek løpet singel overgår alle forventningar, seier Tom Ole Dyrstad, leiar i Bedriftsidrettslaget ved Førde sentralsjukehus.
Det er og fleire lag frå Helse Førde dette året.
– Også dette er gledeleg. Ein av grunnane til er nok at vi har opna for at laga kan stille reine kvinnelag, seier Dyrstad.
Til barneløpet er det så langt meldt på 55 ungar. Påmeldingar til barneløpet er ope heilt fram til start.
Dyrstad oppfordrar til slutt alle som ikkje kan eller ønskjer å delta i sjølve løpet om å vere publikum og heie fram laga.
Publisert
11.06.2012 10:00 |
Endret
11.06.2012 10:14