Ved mistanke om akutt livstrugande skade eller sjukdom ringjer du 113. Du kjem då til Akutt Medisinsk Kommunikasjonssentral (AMK) for det fylket du oppheld deg i.
Sjukepleiarar med spesialopplæring og trening svarar deg, og sender eventuelt ut ambulanse, lege og luftambulanse på grunnlag av situasjonen.
- Snakk roleg og tydeleg!
Dei viktigaste opplysningane du blir spurd om er:
- Kor ringer du frå? (Kommune, stad)
- Kva telefonnummer ringer du frå?
- Kva har skjedd?
I tillegg kan operatøren stille spørsmål om pasienten og situasjonen for å kunne vurdere situasjonen best mogleg.
Sjekk alltid:
- Er pasienten vaken?
- Pustar pasienten normalt?
AMK Førde (Akutt Medisinsk Kommunikasjonssentral) svarar nødtelefon 113 for heile Helse Førde, i tillegg til mange legevakttelefonar.
AMK Førde koordinerer alle ambulanseressursar i fylket, (bil-, båt og luftambulanse) i samarbeid med legevaktsentralane på Nordfjordeid, Askvoll, Florø og i Lærdal.
AMK og legevaktsentralane har døgnvakt, og er knutepunkt mellom innbyggjarane og helsetenesta ved behov for øyeblikkeleg hjelp.
AMK og legevaktsentralane er ein del av ambulansetensta og den medisinske nødmeldetenesta i Helse Førde.
Publisert
03.08.2010 13:10 |
Endret
03.08.2010 13:17