Utskifting av CT i Lærdal 

I perioden frå demontering til oppstart vert det ikkje CT-tilbod i Lærdal. Pasientar som treng ø.hjelp eller ½ ø.hjelp må sendast til andre sjukehus.

– Tilvising av elektive undersøkingar skal, som før, sendast til radiologisk seksjon i Lærdal. Der vert det gjort ein gjennomgang av innkomne tilvisingar. Det som vert vurdert til ikkje å kunne vente, vert vidaresendt til Førde sentralsjukehus. Dei andre vert sett opp til time i Lærdal og kalla inn til undersøking etter 8. august, fortel Sveinung Ove Bjørkedal, avdelingssjef ved radiologisk avdeling i Helse Førde.

Det er sendt eige informasjonsbrev til kommunelegane i sjukehuset sitt nedslagsfelt.