Ambulansetenesta i Helse Førde skal sikre akuttmedisinsk beredskap og tilbod for innbyggjarane i Sogn og Fjordane fylke. Beredskapen er fordelt på 22 ambulansestasjonar, kor tenesta har 25 døgnambulansar og 5 dagambulansar.
Utover dette har har Helse Førde avtale med fem ambulansebåtar langs kysten av fylket.
Tenesta har 128,6 årsverk fordelt på våre stasjonar. Saman med vikarar og deltidsstillingar er nærare 170 personar knytt til ambulansetenesta.
Ambulanseleiinga har base i Førde, med sju områdeleiarar fordelt rundt om i fylket.
Tenesta har eigen undervisningsstab og driv utdanning av nyutdanna og meir erfarent personell. Mellom anna driv tenesta eigen ambulanseskule som gjev personell opplæring i tråd med NOU 76:2. Denne utdanninga er ei minimumsutdanning for å stette kompetansekrav i forskrift om akuttmedisinske tenester utanfor sjukehus.
Undervisningstaben tek på seg ulike kurs for private bedrifter og organisasjonar og tilpassar desse etter behov.
Ambulansetenesta har fylgjande lokaliseringar
Ambulanseområde Nordfjord: Selje - Vågsøy - Eid og Stryn
Ambulanseområde Ytre Sunnfjord: Bremanger - Svelgen og Flora
Ambulanseområde Sunnfjord: Gloppen - Jølster og Førde
Ambulanseområde Ytre Sogn: Gulen - Lavik - Fjaler og Askvoll
Ambulanseområde Midtre Sogn: Høyanger og Vik, Balestrand har privat drift
Ambulanseområde Sogn: Luster og Sogndal
Ambulanseområde Indre Sogn: Årdal - Lærdal og Aurland