Koordineringsrådet skal bidra til å utvikle og sikre kvaliteten på samarbeid og samhandling mellom kommunane og helseforetaket. Dette skal føre til betre tenester for brukarar og pasientar med somatiske/psykiske lidingar som treng eit samansett heilskapleg tenestetilbod i fylket. Rådet skal ta eit felles ansvar for at naudsynte avtalar og prosedyrar blir utarbeidd. Vidare skal det drøfte viktige omstillingstiltak i helsetenestene, det skal opprette samarbeidsgrupper ved behov og syte for brukarmedverknad. Koordineringsrådet har møte tre gonger i året eller etter behov.
Oppgåver:
-
Koordineringsrådet skal sjå til at avtalar om rutinar/prosedyrar for samhandling som er inngått mellom partane vert følgde.
-
Ved planlagte framtidige strukturelle endringar/omstillingar i organisasjonen som kan få konsekvensar for kommune- eller spesialisthelsetenesta, skal det takast initiativ til eit møte for informasjon, drøftingar og tilråding.
-
Koordineringsrådet skal sikre brukarmedverknad ved regelmessig å innhente synspunkt frå aktuelle brukarar/brukarorganisasjonar.
-
Koordineringsrådet skal opprette naudsynte samarbeidsgrupper ved behov, som kan jobbe fram gode rutinar/prosedyrar for samhandling.
- Rådet skal samle erfaring med bruken av rutinar/prosedyrar, samt ha ansvar for og mynde til å sørgje for naudsynt evaluering og revisjon av rutinar/prosedyrar og tiltak som vedkjem samarbeidet mellom kommunehelsetenesta og Helse Førde.
Samansetting:
Koordineringsrådet er sett saman slik: Ein representant frå KS, fire representantar frå kommunane utpeikte av regionråda, fem representantar frå Helse Førde (på klinikkdirektørnivå) og to representantar frå brukarutvalet. To medlemar i fagrådet deltek og i koordineringsrådet. Vidare har fylkesmannen, fylkeskommunen og KS-kontoret høve til å delta med ein observatør kvar med talerett. Leiinga alternerer mellom kommunane og helseforetaket. Helse Førde syter for den praktiske tilrettelegginga og sekretærfunksjonen. Medlemane i koordineringsrådet blir valde for to år.
Medlemer av Koordineringsrådet:
- Tove Hovland, utviklingssjef, Helse Førde, leiar
- Trude Brosvik, ordførar i Gulen, HAFS regionråd
- Ørjan Raknes Forthun, rådmann i Eid, Nordfjordrådet
- Gerd Dvergsdal, ordførar i Jølster, SIS regionråd
- Torodd Urnes, ordførar i Luster, Sogn regionråd
- Olav Lunden, ordførar i Leikanger, leiar i KS
- Berit Wetlesen, helse- og sosialsjef, Stryn, medlem i fagrådet
- Svein Lundevall, brukarrepresentant frå brukarutvalet, somatikk
- Gerd Bjørkedal, brukarrepresentant frå bukarutvalet, psykiatri
- Jon Bolstad, administrerande direktør, Helse Førde
- Vidar Vie, ass. direktør, Helse Førde
- Ole Christian Reusch, direktør klinikk for psykisk helsevern, Helse Førde
- Hans-Johan Breidablik, fagdirektør/medlem i fagrådet, Helse Førde
- Olav Hesjedal, direktør medisinsk klinikk, Helse Førde
Observatørar med talerett:
- Per Stensland, fylkeslege, Fylkesmannen i Sogn og Fjordane
- Åshild Kjelsnes, fylkesvaraordførar, Sogn og Fjordane Fylkeskommune
- Jan Ryste, dagleg leiar KS Sogn og Fjordane
Helse Førde HF held sekretærfunksjonen.
Publisert
15.09.2010 13:53 |
Endret
08.08.2011 15:06