Helse Førde, Psykisk helsevern, Vaksenhabiliteringa, 6807 Førde, telefon: 57839710,
e-post: vaksenhabilitering.postmottak@helse-forde.no

Fagrådgjevarar pr. 01.11.09:

Roland Schwarz, sosialpedagog (konstituert leiar)
Jan Ove Ødven, vernepleiar
Jan Kåre Garshol, vernepleiar
Annie L. Mathisen, barnevernspedagog
Solfrid Høyvik, spesialsjukepleiar
Eirik Dahl, spesialpedagog
Ivar Mæhle, lege, med spesialkompetanse innan medisinske og psykiatriske problemstillingar hos menneske med utviklingshemming.

Alle fagrådgjevarar har spesialisering på ulike felt.

Kontorfunksjon/sekretær:

Helga Endal

I tillegg leiger vi inn eksterne samarbeidspartnarar, bl.a.:

Jan Ole Almås, vernepleiar med spesialkompetanse innafor åtferdsanalytisk- og miljøretta arbeid.

Vaksenhabiliteringa si hensiktsformulering:

• Vaksenhabiliteringstenesta er ei ambulant spesialistteneste i Sogn og Fjordane, som er organisert under Psykiatrisk klinikk ved Førde sentralsjukehus.
• Vi yter tenester til menneske (over 18 år) med funksjonshemming som følgje av medfødt eller erverva skade eller sjukdom, som medfører kognitive og åtferdsmessige funksjonsproblem
• Menneske med åtferdsproblem, psykiske lidingar, og menneske med utviklingshemming, er ei høgt prioritert målgruppe
• Arbeidsforma er førebygging, støtte, behandling i pasienten sitt heimemiljø, og tiltak i akutte kriser
• Tenestene blir ytt til den einskilde, deira nettverk, og tiltaksapparatet i kommunane og helsetenesta

Arbeidsmetodar: Vi er ei teneste som mellom anna har til oppgåve å gje rettleiing til tenesteapparatet i kommunane, og direkte oppfølging av brukar. Tenesta er ambulant, og vi gir bistand lokalt, og poliklinisk. I dei fleste tilfella er det heilt avgjerande for oss å møte brukarane i deira nærmiljø. Det vil gje oss mulegheit til å tenke heilskapleg, søkje individuelle løysingar, og vurdere lokalt nettverk.

Vi har kompetanse på:

• kartlegging, observasjon og utredning
• rettleiing og coaching
• individuell tilrettelegging
• psykiatriske lidingar hos menneske med utviklingshemming
• medikamentell oppfølging
• miljøterapi
• kognitiv terapi og andre terapeutiske tilnærmingar
• åtferdsanalyse/terapi
• individuell plan
• sosial ferdigheitstrening
• seksualrettleiing
• familie- og nettverksarbeid
• miljøtilrettelegging
• meistringsarbeid og førebyggande helsearbeid
• tilrettelegging og utforming av miljø i forhold til lov om sosiale tenester, kapittel 4A

Tilmelding til vaksenhabiliteringa skal kome frå kommune-/fastlege, psykiatrisk poliklinikk eller andre avdelingar i helseføretaka. Sosialtenesta i kommunen kan tilmelde saker i høve lov om sosiale tenester. Det er viktig at problemstillingane er så godt opplyst som muleg, og at det kjem fram kva ein konkret ønskjer bistand til. Det er muleg å ta direkte kontakt med vaksenhabiliteringa, for informasjon, rettleiing og råd.

Kurs: Vaksenhabiliteringa held kurs i heile fylket. Kommunen har sjølv ansvar for grunnleggande opplæring. Vaksenhabiliteringa tilbyr spesialiserte kurs, t.d. 4A-kurs, eller annan type opplæring, kurs, førelesing eller rettleiing. Vi held og kurs og konferansar med eksterne førelesarar, og sender i dei tilfella invitasjon ut til dei ansvarlege i kommunen. Vi arrangerer Habiliteringskonferansar (omlag annakvart år). Sjå dei ulike foredraga frå konferansen frå 22. – 23. oktober 2009 på Alexandra Hotel.

Helseprosjekt: Vaksenhabiliteringa jobbar med ulike helseprosjekt som har fokus på meistring, fysisk aktivitet og helseførebygging. Innafor ei ramme av meistring og salutogenesetenking (der ein jobbar med å styrke den einskilde sine helseressursar), prøver vaksenhabiliteringa å endre fokus, mellom anna gjennom positive opplevingar. For å oppnå resultat, har vi erfart at vi må tenke langsiktig. Fysisk aktivitet i form av langvandring, har vist seg å vere eit viktig supplement i behandling, der ein knyt saman psykisk helse med fysisk aktivitet, sosialt samvær, gode opplevingar og framtidsperspektiv.