Strategisk forskingsprosjekt 2022 - 2028: Helseforsking basert på pasientdata frå vanleg praksis

Persontilpasset og datadrevet behandling i spesialisthelsetjenesten

Å forske på korleis ein kan bruke pasientrapporterte resultatmål (PROMs) for å tilpasse tenester til spesifikke helsebehov, er sentralt for å realisere måla om ei aktiv pasientrolle og personleg tilpassa behandling. Det strategiske forskingsprosjektet er ei utviding av forskingsporteføljen til Norse Feedback (NF), som Helse Førde har investert i innan psykisk helsevern. Hovudmålet med NF er å fremje klinisk nyttig kunnskap ved å: a) samle inn personleg tilpassa sjølvrapporterte data (PROMs) frå pasientar før konsultasjonar, b) automatisk analysere dei sjølvrapporterte dataa basert på beste tilgjengelege kunnskap, og c) gi dei analyserte dataa tilbake til behandlarar for å støtte behandlingsval i samarbeid med pasientane. Desse tre elementa saman utgjer datadriven klinisk tilbakemelding, som er nøkkelen til personorientert behandling på tvers av medisinske kontekstar.

Hovudmål

Prosjektet skal forske på tre spesifikke kontekstar for PROMs: forløp av postoperativ smerte, tilpassing etter stomi, og psykisk helse.

Hovudmålet er å utvikle vitskapleg kunnskap om klinisk tolking, implementering og nytteverdi for ulike aktørar av PROMs brukt til tilbakemelding og prosessovervaking på tvers av medisinske kontekstar.

ARBEIDSPAKKE 1 – POSTOPERATIV SMERTEBEHANDLING

Undersøkje gjennomførbarheit og nytteverdi av PROM-overvaking og alarmar for smerte etter kirurgi
Generalisere og spreie metodar for gjennomførbarheitsstudiar som kan overførast til ulike kontekstar

ARBEIDSPAKKE 2 – STOMIOMSORG

Dokumentere forbetringar i kliniske møte i stomibehandling basert på PROM-tilbakemelding
Gjere eit klinisk tilbakemeldingssystem for stomibehandling (OAS) tilgjengeleg for norske stomipoliklinikkar

ARBEIDSPAKKE 3 – HELSEØKONOMISK EVALUERING

Utvikle ein valid indeks for å omsetje tilstandsspesifikke pasientdata til generell livskvalitet (QoL) i vanleg psykisk helsevern
Generalisere metodikken for å lage ein slik indeks frå psykisk helse til andre spesifikke kontekstar

Eit anna viktig mål er å sikre inkluderande implementering og brukarmedverknad gjennom heile prosjektet.

Det skal òg utviklast ein valfri klinisk mastermodul i datadriven praksis som del av prosjektet.

Prosjektet er organisert i samarbeid mellom Helse Førde HF og Fakultet for helse- og sosialvitskap ved Høgskulen på Vestlandet (HVL).

Eit nettverk av regionale, nasjonale og internasjonale forskarar er aktivt involvert i prosjektet, og alle helseføretaka i Helse Vest deltek i ulike delar av implementeringa.

Prosjektmedlemmene er organiserte i tre grupper: doktorgradsstipendiatar, ekspertgruppe og brukargruppe for tenestebrukarmedverknad. I tillegg vil ei vitskapleg referansegruppe følgje prosjektet og gi råd gjennom heile prosjektperioden.

Sjekk Cristin (Current Research Information System in Norway) for oversikt over medlemmer og publikasjonar:

Prosjekt #2599908 – Personalized and data-driven specialty care. Health service research based on patient data in routine practice. – Cristin.