Status for Pasientens Legemiddelliste (PLL) i nedslagsfeltet til Helse Førde
Mange ventar utålmodig på innføring av Pasientens Legemiddelliste. Samhandlingslegane hadde møte med sentrale aktørar som jobbar med implementeringa 22. Oktober for å få ei statusoppdatering. I møtet deltok Ingvild Peason (Prosjektleiar PLL, kommunalt nivå), Randi Hove (regional prosjektleiar PLL, Helse vest). Kjell Wernik Nystøl (Interkommunal samhandlingskoordinator), Ragnhild Bamrud (Hdir), Anita Sørheim (Samhandlingslege), Camilla Savland (leiar Samhandlingslegane Helse Førde). Vi gir her eit kort referat av det som kom fram i møtet.
Det er mange faktorar som skal på plass før innføring av Pasientens legemiddelliste: Det tekniske må være på plass, det er mange ulike journalsystem som skal snakke saman, det er mange aktørar involvert (fastlegar, sjukehus, apotek, PLO mm.) og man må sørge for at implementeringa skjer på ein sikker måte.
Helse Førde er no teknisk klare til å innføre PLL og har starta prosessen med opplæring. På kommunalt nivå er det ei forutsetning at vi har på plass SFM og e-multidose, før vi som fastlegar kan ta i bruk PLL. Årsaken til dette er at det er risiko for pasienttryggleiken, dersom man bruker "papirmultidose" før man går over til PLL. Per no er 2/3 av legekontora i Sogn og Fjordane utan e-multidoseavtale med apoteka, det blir jobba med å få oversikt over avtalane.
Innføringa av E-multidose har dessverre stoppa opp. I møtet vart det formidla at det er apoteka som har sagt stopp fram til det er sett iverk nødvendige tiltak. Innføringa av E-multidose har medført eit betydelig ekstraarbeid for apoteka (farmasøyt må inn og godkjenne alle oppdateringer av legemiddellister, også når vi ikkje har gjort endring på medisiner/ doseringer). E-multidose er no det største hinderet for å få rulla ut PLL, dette blir det jobba med nasjonalt.
Per no er det kun to kommunar i nedslagsfeltet til Helse Førde som har på plass både SFM og e-multidose (Lærdal og Årdal). Reint teknisk kunne desse legekontora ha tatt i bruk PLL, men på kommunalt nivå har man beslutta å vente med innføringa til alle er klar. Kommunalsjefane i området har blitt enige om å vente til alt er på plass, slik at pasientsikkerheita blir ivaretatt. Kommunane jobber no aktivt med å involvere IKT selskapa i regionen og hovedfokuset per no er at alle får innført SFM.
I møtet blei det opplyst at kommunane også jobbar med å få på plass nytt journalsystem innan PLO. Det blir også viktig å sikre trygg og god informasjonsflyt kring medikamentendringer opp mot PLO. Ny EPJ for Pleie og omsorg blir truleg innført 1. halvår 2027.
Når det gjeld Infodoc brukarar har fleirtalet framleis ikkje komt igang med SFM. Det blir jobba med dette opp mot journalleverandør og IKT selskap.
Kva kan vi som fastlegar gjere medan vi ventar?
Det er viktig at vi oppdaterer medisinlistene. Dette vil gjere overgangen til SFM enklare, og det vil gjere overgangen fra SFM til PLL enklare. Konverteringa frå SFM til PLL vil ta betydelig meir tid, dersom medisinlista ikkje er oppdatert.
Sjå også vedlagt informasjonsskriv
Referat v/ Camilla E. Savland, leiar Samhandlingslegane HF