Ultralyd
Rutineultralyd blir vanlegvis utført i veke 17–19 av svangerskapet. Undersøkinga gir viktig informasjon om utviklinga til fosteret, mellom anna vekst, anatomi og termin. Samtidig blir talet på foster og plasseringa av morkaka vurdert. Rutineultralyd er eit frivillig tilbod til alle gravide.
Ved God start på Nordfjord sjukehus har vi eiga ultralydjordmor som utfører rutineultralydundersøkingar.
Rutineultralyd blir gjennomført i andre trimester, svangerskapsveke 17 til 19. Ultralydundersøkinga inneber ei undersøking av foster og livmor, for å få informasjon om:
- alder på fosteret og termin
- antall foster
- morkaka si plassering
- fosteret si utvikling og anatomi
Tidleg ultralyd er frivillig og blir gjennomført i første trimester, men denne undersøkinga gjennomfører vi ikkje ved God start på Nordfjord sjukehus. Gravide må reise til Førde sentralsjukehus for tidleg ultralyd.