Medisinsk sengepost - Nordfjord sjukehus

På medisinsk sengepost behandlar vi hjerneslag, hjarte- og lungesjukdomar, mage- og tarmsjukdomar, nyresjukdomar, diabetes, medisinsk avrusing, infeksjonsbehandling, kreftomsorg og lindrande behandling. 

I tillegg har vi ansvar for dialyseeininga ved Nordfjord sjukehus, der det vert utført dagbehandling for pasientar med avansert kronisk nyresvikt.

Dei fleste av pasientane våre kjem inn med behov for akutt hjelp, men vi har også nokre som blir planlagd innlagde.

Som pasient hos oss vil du treffe personale med høg kompetanse. Vi har legar med spesialitetar innan hjarte-, lunge-, gastroenterologi og generell indremedisin. Mange av sjukepleiarane våre har spesialitetar innan hjarte, lunge, intensiv, anestesi, geriatri, kreft og lindrande omsorg. Vi har også hjelpepleiarar, helsefagarbeidarar, og er praksis-/ og læreplass for sjukepleiarstudentar og helsefagarbeidarar.

Vi har tett samarbeid med spesialitar i Førde og på Haukeland universitetssjukehus, og med kommunane i Nordfjord, avhengig av kva sjukdom pasienten har. 

Det er fastlegen som tilviser pasientar til behandlingar ved Nordfjord sjukehus.