Diagnostisk nerveblokade, nynorsk

Nerveblokade er ein teknikk der ein enkelt nerve blir bedøva. Metoden kan bli brukt diagnostisk for å finne ein årsak til smerter, og gjentakande som eigen behandling for smerter.

Nervene blir bedøva for å finne ut kva nerver som sender smerteimpulsar til det smertefulle området. Nerveblokaden kan redusere smerteimpulsar for ein periode slik at nerven får ro.

Før

Du kan ete eit lett måltid inntil 2 timar før behandlinga.

Medisinar

Du kan bruke medisinar som vanleg før behandlinga, dette gjeld også for smertestillande medisinar. Informér oss om eventuelle allergiar på førehand. Ta med deg dei faste medisinane dine til sjukehuset slik at du eventuelt kan ta desse straks undersøkinga er ferdig.

Blodfortynnande

  • Om du har mekanisk hjarteklaff skal du ikkje slutte med medisinar.
  • Om du har hatt blodpropp siste tre månadar, hatt hjarteinfarkt eller fått koronarstent siste 12 månadar, skal du ikkje slutte med medisinar.
Medisinoversikt
Medisinar (salsnamn) Verkestoff  Kva skal du gjere før undersøkinga?
Albyl-E, Asasantin Retard, Persantin, Aponova, Disprasorin acetylsalisylsyre, dipyridamol Ta siste dose 3 dagar før behandling.
Plavix, Clopidogrel, Ticlid, Brilique, Efient, Prasugrel Krka clopidogrel, prasugrel, ticagrelor, tiklopidin Ta siste dose 7 dagar før undersøkinga.
Pradaxa, Xarelto, Lixiana, Eliquis, Novastan dabigatran, rivaroxaban, apixaban, edoxaban, argatroban Ta siste dose 48 timer før undersøkinga.
Marevan, Warfarin Orion warfarin Ta kontakt med fastlege for eventuell nedtrapping.
Fragmin, Klexane, Heparin heparin, dalteparin, enoksaparin Ta siste dose kvelden før undersøkinga.
Andre viktige medisinar   Ta som vanleg.

Dersom du bruker Marevan

Bruker du Marevan på grunn av mekanisk hjarteklaff eller fordi du nyleg har hatt blodpropp eller lungeembolisme, må du kontakte fastlege for å erstatte Marevan med ein annan blodfortynnande behandling. Fastlegen din må tilvise deg til INR-prøve som du skal ta same dag som behandlinga.

Ved tvil: Ikkje avbryt behandlinga. Ta opp problemstillinga med legen din.

Under

Du får eit eller fleire stikk med lokalbedøving. Du vil oppleve smertelindring med ein gong langs nerven som er bedøva.

Vanlegvis blir det utført to testblokadar på to ulike dagar for å finne ut nøyaktig kor smerteimpulsane kjem ifrå. Effekten av desse dannar grunnlaget for vurdering om ein skal gå vidare med ei eventuell behandling.

Etter

Blokaden er kun ein test, og smertene dine vil komme tilbake i løpet av eit døgn. Det betyr ikkje at blokaden har vore mislykka då hensikta er å finne ut kor smerten kjem frå.

Ved positiv effekt, det vil seie at du kjenner smertereduksjon inntil 50-70 prosent i minimum 5 timar, får du tilbod om radiofrekvensbehandling (radiofrekvensdenervasjon).

Du får med deg eit skjema der du skal skrive ned i kor stor grad du merkar smertereduksjon (timar, dagar, veker). Når du vurderer smertene, kan du prøve å skilje mellom kva smerter som er blitt mindre og kva smerter som eventuelt er like sterke eller sterkare. Skriv det på kommentarlinjen.

Ferdig utfylte skjema sendast tilbake til avdelinga. Du får tilsend eit brev med informasjon om eventuell vidare behandling.

For at behandlinga skal bli vellykka må du som pasient også ha ei aktiv rolle og jobbe for varig endring. Vi oppfordrar deg til å finne ein balanse mellom aktivitet og kvile, gjere avspenningsøvingar, unngå smertetoppar og finne ikkje-medikamentelle strategiar.

Ved langvarige og kroniske smerter er mange forsiktige med fysisk aktivitet for å unngå å provosere eller forverre smerta. Det er derimot viktig at du nyttar effekten av behandlinga til gradvis opptrening der du har fokus på styrke, uthald og ikkje berre trening av dei delane av kroppen der smertene kjem ifrå. Du kan få hjelp til trening ved å delta på ulike treningsgrupper, eller gjennom tilbod ved Frisklivssentralen i kommunen din.

Ver merksam

Biverknadar kan vere:

  • Lett nomen
  • Allergisk reaksjon
  • Blødingar eller blåmerke, muskelspasmar, nerveirritasjon
  • Sterke smerter som varer

Ta kontakt med fastlege eller smertepoliklinikken dersom du får feber kombinert med aukande smerter.

Sist faglig oppdatert 08.10.2025

Kontakt

Førde sentralsjukehus Avdeling for anestesi, intensiv og operasjon (AIO)

Kontakt Avdeling for anestesi, intensiv og operasjon (AIO)

Oppmøtestad

Førde sentralsjukehus: Pasientar som skal møte til operasjon, møter ved dagkirurgisk senter i 2. etasje i Svanabygget (houdblokka). Sjå i innkallingsbrevet ditt, dersom du skal møte opp dagen før. 

Nordfjord og Lærdal sjukehus: Pasientar melder seg i ekspedisjonen i 1. etasje. 

Anestesipoliklinikken og intensiv sengepost ligg i 2. etasje på Førde sentralsjukehus. 

 

En stor bygning med en stor plen foran seg

Førde sentralsjukehus

Svanehaugvegen 2

6812 Førde

Finn fram
En stor sykehusbygning med en plen foran seg

Nordfjord sjukehus

Sjukehusvegen 14

6770 Nordfjordeid

Finn fram
Institusjon med blomstrande frukttre og flagg framfor

Lærdal sjukehus

Sjukehusvegen 9

6887 Lærdal

Finn fram

Transport

Buss

Det går regelmessig rutebussar mellom Førde Sentralsjukehus og Førde Rutebilstasjon.

På nettsidene til skyss.no finn du bussruter med oversikt over stoppestadar og tider for Sogn og Fjordane.

Frå Førde er det også gode bussamband til Bergen, Oslo, Ålesund og Trondheim.

Flybuss

Det går direkte flybuss frå Førde Lufthamn Bringeland til Førde Sentralsjukehus for alle fly som landar. Bussen stoppar ved busstoppet på motsatt side av Vievegen, på austsida. Herfrå går flybussen til Førde Lufthamn Bringeland 75 minutt før alle flyavgangar.

Parkering

Det er mogleg å parkere gratis på sjukehusområdet for pasientar og besøkande.

Taxi

Drosjesentralen i Førde er om lag 100 meter frå Rutebilstasjonen. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

 

​Buss

Fleire rutebusser går forbi Lærdal Sjukehus.

På nettsidene til skyss.no finn du bussruter med oversikt over stoppestadar og tider for Sogn og Fjordane.

Frå Lærdal er det også gode bussamband til Bergen og Oslo.

Flybuss

Næraste flyplass er Sogndal Lufthamn Haukåsen. Det er korrespondanseruter via Kaupanger – sjå rutetider på nettsidene til skyss.no.

Parkering

Det er mogleg å parkere gratis på sjukehusområdet for pasientar og besøkande.

Taxi

Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

Buss

Nordfjordeid Rutebilstasjon ligg i Nordfjordeid sentrum og er om lag ein kilometer frå psykiatrisenteret/BUP/sjukehuset.

På nettsidene til skyss.no finn du bussruter med oversikt over stoppestadar og tider for Sogn og Fjordane.

Frå Nordfjordeid er det også bussamband til Bergen, Oslo, Ålesund og Trondheim.

Parkering

Det er mogleg å parkere gratis på sjukehusområdet for pasientar og besøkande.

Taxi

Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

Praktisk informasjon

Ved Førde sentralsjukehus finn du Sjukehusapoteka Vest HF si avdeling i Sogn og Fjordane.

​​Apoteket gjev tilbod til alle nyutskrivne og polikliniske pasientar ved Førde Sentralsjukehus, samt alle tilsette og besøkande.  Sjukehusapoteket er altså open for alle.

På veg heim frå sjukehuset kan pasientar få med seg alt dei treng av legemiddel og utstyr for vidare behandling heime. I tillegg har apoteket eit stort og variert utval av reseptfrie legemiddel, hudpleiemiddel, kost- og ernæringsmiddel samt andre apotekvarer.

Apoteket gjer klar legemidla medan du ventar og gjev råd om korleis du skal bruke dei på rett måte.

Apoteket forsyner dei fleste avdelingane i Helse Førde med legemiddel, apotekvarer og farmasøytiske tenester og gjev farmasøytisk rådgjeving til mange kommunar i Sogn og Fjordane.

​For å få behandling ved sjukehus eller poliklinikk må du i utgangspunktet vere tilvist frå lege, kiropraktor eller manuell teapeut. Har du trong for legehjelp skal du ringe fastlegen din eller den kommunale legevakta.

Les meir om eigendelar på helsenorge.no

Mange pasientar og pårørande ønskjer å ta bilete eller video som eit minne frå tida på sjukehuset. Då kan det vere lurt å hugse nokre reglar.

​Det er sjølvsagt heilt greitt så lenge det er pasientane og/eller pårørande og vener som er på bileta.

Det er likevel ikkje lov å ta bilete av medpasientar eller tilsette. Vi har hatt tilfeller der bilete av medpasientar/tilsette er blitt publisert i digitale media utan deira godkjenning.

Vi håper alle viser respekt for personvernet til alle dei møter under besøket på sjukehuset og avgrensar fotografering til å gjelde eigen familie og vener.

Alle kantinene i Helse Førde er opne for tilsette, pasientar og pårørande.

​Kantinene på Lærdal sjukehus og Nordfjord sjukehus finn du i underetasjen. Dei har opningstid 10.30 - 14.30.

Hovudkantina ved Førde sentralsjukehus ligg i 2. etasje. Her får du kjøpt varm mat og mykje anna. Den har opent 07.30 - 20.00.
I Førde finn du også ein kafe i 1. etasje innanfor resepsjonen. Denne har opningstid  09.00 - 15.00. Her finn du kaffe, te, anna drikke, påsmurt og kaker m.m.

Kantina ved Indre Sogn psykiatrisenter er open alle kvardagar frå klokka 10.00-13.30.

Kantina på Tronvik er open for tilsette og bebuarar.

​Du kan nytte mobiltelefon ved sjukehusa. Vi oppfordrar likevel alle til å bruke mobilvett og ta omsyn til medpasientar.

Det er viktig å sette telefonen på stille om natta, og på stilleringing eller vibrering om dagen. Av omsyn til dei andre pasientane er det best å gå ut av rommet dersom du må ta ein lengre samtale.

Vi ber om at du inne på pasientrommet ikkje snakkar eller har lyd på mobilen i tidsrommet etter klokka 21.30 til klokka 08.00 neste dag.

Det er gratis trådlaust nettverk for pasientar, pårørande og besøkande på sjukehusa. Dette kan du kople deg til frå din smarttelefon.

Førde sentralsjukehus har sett av hundre parkeringsplassar berre for pasientar og pårørande. Er alle desse plassane opptekne, er det fleire parkeringsområde rundt Førde sentralsjukehus. Ledige plassar på desse områda kan òg nyttast av besøkande.

Blodgjevarar og rørslehemma har eigne parkeringsplassar mellom anna framfor hovudinngangen og rundt om på sjukehuset sitt område. Dei som kan parkere her, har eige parkeringsløyve. Utan slikt løyve er parkering rekna som ugyldig.

Ordinær parkering for pasientar og pårørande:
Parkeringsplassen er inn frå Svanehaugvegen, nord-aust for Svanabygget som er hovudbygningen ved sjukehuset. På nedsida av parkeringsplassen er det også ladepunkt for el-bil. 

 

​I 7. etasje har Førde sentralsjukehus eige pasienthotell.

Pasienthotellet har 36 senger fordelt på 10 enkeltrom og 13 dobbeltrom.

​Treng du nokon å snakke med? Sjukehuspresten er til for deg anten du er pasient eller pårørande. I møte med denne omsorgstenesta kan du finne ein «fristad» og ein plass å samle tankane. I samtale med sjukehuspresten er det tid og rom for både stort og smått.

Du treng ikkje ha kristen eller religiøs tru for å ta kontakt. Det er ditt liv og dine tankar som har fokus. Det er sjølvsagt og høve til klassiske prestetenester som mellom anna sermoniar og bøn.

Uansett kva du har på hjartet er sjukehuspresten tilgjengeleg for å møte deg, der det passar deg best. Det kan vere på telefon, prestekontoret, pasientrom, i kantina eller kanskje på ein benk ute.

Ta kontakt direkte med Helene Langeland på telefon 908 79 281, eller spør personalet om å tilkalle/avtale tid med prest.

Sjukehuspresten er primært tilgjengeleg i ordinær kontortid, men kan og tilkallast til andre tider.

Kontoret er på plan 2, første dør til høgre for inngangen til kantina.

Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).
  3. Les nøye gjennom vilkåra.
  4. Trykk "Godta" når du har lese og forstått vilkåra.
Innlogginga skjer automatisk på einingar etter første pålogging, så lenge kontoen er aktiv. Det skal berre vere nødvendig å logge seg på éin gong per eining per 31 dagar.
 

  • Akuttmedisin:
    Etter avtale på telefon 57 83 90 82.
  • Barneavdeling:
    Visittider sengeposten 5. etg: Kontakt personale på vaktrommet.
  • Kirurgisk:
    Visittider sengepost 12.30-13.30 og 18.30-19.30.
  • Kreft:
    Visittider sengepost: Har ikkje faste visittider. Ta kontakt med vaktrommet.
  • Kvinneklinikken:
    Far eller medmor kan kome når dei ønskjer utanom kviletid klokka 13.00-15.00. Søsken til barnet og andre besøkande kan takast i mot utanfor avdelinga.
  • Medisinsk:
    Visittider medisinsk sengepost 14.30-15.30 og 19.00-19.45. Til eineromma: Etter avtale.
  • Nevrologisk:
    Ikkje fast visitttid. Pårørande og andre er alltid velkomne.
  • Ortopedisk:
    13.30-16.00 og 17.30-19.30.

Barseleininga har familierom og ingen faste visittider.

Medisinsk sengepost:
11.30 - 12. 30 og 16.00 - 18.00

Ortopedisk:
Pårørande er velkomne heile døgnet.

God start eininga:
Barseleininga har visittid heile døgnet.

Medisinsk sengepost:
14.00-15.00 og 18.30-19.00.