Flowmetri er ei undersøking for deg som kan gjennomføre ein viljestyrt vasslating.
Flowmetri blir gjennomført for pasientar med nevrogen blæredysfunksjon. Undersøkinga går ut på å måle krafta på urinstrålen og kor lang tid det tar å tømme blæra. Etter vasslatinga blir det målt for eventuell rest-urin ved hjelp av ultralyd.
Det er tre ting å hugse på til denne undersøkinga:
Det blir brukt eit spesialtoalett som du skal tisse i. Urinstrålen treffer ei vektskål som samlar informasjon om kor mykje du tissar, krafta på strålen og heile tømmingsforløpet. Dataa blir tolka av ei maskin. Etter vasslatinga nyttar vi ultralyd for å måle eventuell resturin.
Etter undersøkinga får du samtale med uroterapeut. Då går de igjennom dei førebelse resultata av undersøkinga, og du har tid til å stille eventuelle spørsmål.
Det blir skrive ein rapport frå undersøkinga. Den inneheld korga og resultatet frå flowmetrien, resturinvolumet, og dessutan ei oppsummering av samtalen med uroterapeuten. Legen i avdelinga di vil i etterkant gå igjennom dette med deg.
Resultata blir sende den som tilviste deg og eventuelt andre aktuelle oppfølgjande instansar.
Du finn oss på Førde sentralsjukehus.
Vi har og sengepost og poliklinikk på Lærdal sjukehus.