Vi tilrår at du alltid nyttar siste versjon av nettlesaren din.

Hammertå

Hammartå eller bøygd tå, er ei fotliding der ei tå legg seg ei skeiv stilling ved at det inste leddet er bøygd oppover og det ytste nedover. Dermed blir det trykk over det midtre leddet. Det er ein ufarleg tilstand som kan gi plager i form av trykk mot sko.

Hammertå, eller bøyd tå, er en feilstilling i en eller flere små tær. Tåa inntar en skjev stilling ved at det innerste leddet er bøyd oppover og det ytterste nedover. Dermed blir det trykk over det midterste leddet.

Les meir på helsenorge.no

Tåa består av tre ledd: grunnleddet inst, midtleddet og ytterleddet. Ved hammartå er midtleddet bøygd nedover, mens grunnleddet og ytterleddet er strukke. Tilstanden er vanlegvis på begge føtene og kan føre til smerter og fortjukkingar under grunnleddet til tåa og over dei andre ledda. Smertene blir ofte utløyst av trykk mot hammartåa, særleg ved bruk av tronge sko og ved springing. Det vil ofte vere vanskeleg å finne passande sko. Denne tilstanden er vanleg blant eldre

Hammartå er den deformiteten som er hyppigast i dei små tærne. Tå nummer to blir oftast ramma, men tredje og fjerde tå er òg deformert i nokre tilfelle. Ofte er lidinga på begge føter. Langt dei fleste som får lidinga, er kvinner (over 75 prosent).

Tilvising og vurdering

Diagnosen blir stilt ved undersøking hos fastlegen. Det er sjeldan nødvendig med ytterlegare undersøkingar. Målet med behandlinga er å lindre symptoma og betre fotfunksjonen. Det er viktig å bruke sko som gir tilstrekkeleg med plass til framfoten. I tidleg fase kan tåa bli tapa i rett posisjon. 

Tilpassa fotsenger i skoa kan gi smertelindring, og fastlegen kan tilvise til bandagist eller ortopediingeniør dersom det er behov for fotseng. Tilvising til kirurgi er aktuelt ved langvarige og store plager.

Kirurgi er berre aktuelt ved langvarige store plager der konservativ behandling ikkje fører fram. Pasienten må vere inneforstått med at kirurgi inneber risiko for komplikasjonar som infeksjon, vedvarande feilstilling i tå og smerte.

Henvisningen skal inneholde

  • namn og fødselsdato
  • om pasienten ønsker operativt tilbod
  • vekt og høgde dersom operasjon kan vere aktuelt
  • høgre / vestre / eller begge føter
  • akutte smerter eller snikande debut
    • symptom og varigheit
    • detaljert opplysningar om smerter (lokalisering, utstrålande, eventuelle smerter andre stader)
    • eventuelle tidlegare operasjonar
    • funn ved klinisk undersøking: rørsleutslag, svikt, låsning, stabilitet, hevelse, kraft og/eller nerveutfall?
  • bildediagnostikk (røntgen):
    • resultat av bildediagnostikk, når og kvar er dette utført? Svar bør ligge føre ved tilvising.
      • røntgen av begge føter ståande; side, front og skrå
      • røntgen av begge anklar ståande
    • MR skal takast ved instabilitet eller mistanke om seneskadar/rupturar eller annan blautdelsproblematikk
  • behandling utført og effekt av denne (for eksempel fysioterapi)
  • yrke og sjukmeldingsstatus
  • faste medikament
  • om pasienten røyker
  • HbA1c ved diabetes 
  • andre sjukdommar
  • behov for tolk

Før

Etter at vi har mottatt tilvising frå fastlegen din, vil du bli kalla inn til undersøking ved ortopedisk poliklinikk. Der vil legen greie ut om det er grunnlag for operasjon.

Under

Dersom du treng operasjon, vil dette normalt sett bli utført i lokalbedøving, eventuelt ein lett narkose, som dagkirurgisk pasient. Under operasjonen vil operatøren rette ut og avstive det midtre leddet i tåa.

Etter

Etter operasjonen kan du reise heim same dag. Stinga kan ein fjerne etter to veker. Dei første fem til seks vekene etter operasjon skal du berre belaste hæl med flat fot. Det er normalt at tåa er noko smertefull dei første vekene etter operasjon. Har du fått satt inn ein metallpinne, vil denne bli fjerna på poliklinikken etter fem veker, med mindre noko anna er avtalt.  

Kontakt

Førde sentralsjukehus Ortopedisk avdeling

Kontakt Ortopedisk avdeling
En stor bygning med en stor plen foran seg

Førde sentralsjukehus

Svanehaugvegen 2

6812 Førde

Finn fram

Transport

Buss

Det går regelmessig rutebussar mellom Førde Sentralsjukehus og Førde Rutebilstasjon.

På nettsidene til skyss.no finn du bussruter med oversikt over stoppestadar og tider for Sogn og Fjordane.

Frå Førde er det også gode bussamband til Bergen, Oslo, Ålesund og Trondheim.

Flybuss

Det går direkte flybuss frå Førde Lufthamn Bringeland til Førde Sentralsjukehus for alle fly som landar. Bussen stoppar ved busstoppet på motsatt side av Vievegen, på austsida. Herfrå går flybussen til Førde Lufthamn Bringeland 75 minutt før alle flyavgangar.

Parkering

Det er mogleg å parkere gratis på sjukehusområdet for pasientar og besøkande.

Taxi

Drosjesentralen i Førde er om lag 100 meter frå Rutebilstasjonen. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

 

Praktisk informasjon

Ved Førde sentralsjukehus finn du Sjukehusapoteka Vest HF si avdeling i Sogn og Fjordane.

​​Apoteket gjev tilbod til alle nyutskrivne og polikliniske pasientar ved Førde Sentralsjukehus, samt alle tilsette og besøkande.  Sjukehusapoteket er altså open for alle.

På veg heim frå sjukehuset kan pasientar få med seg alt dei treng av legemiddel og utstyr for vidare behandling heime. I tillegg har apoteket eit stort og variert utval av reseptfrie legemiddel, hudpleiemiddel, kost- og ernæringsmiddel samt andre apotekvarer.

Apoteket gjer klar legemidla medan du ventar og gjev råd om korleis du skal bruke dei på rett måte.

Apoteket forsyner dei fleste avdelingane i Helse Førde med legemiddel, apotekvarer og farmasøytiske tenester og gjev farmasøytisk rådgjeving til mange kommunar i Sogn og Fjordane.

​For å få behandling ved sjukehus eller poliklinikk må du i utgangspunktet vere tilvist frå lege, kiropraktor eller manuell teapeut. Har du trong for legehjelp skal du ringe fastlegen din eller den kommunale legevakta.

Les meir om eigendelar på helsenorge.no

Mange pasientar og pårørande ønskjer å ta bilete eller video som eit minne frå tida på sjukehuset. Då kan det vere lurt å hugse nokre reglar.

​Det er sjølvsagt heilt greitt så lenge det er pasientane og/eller pårørande og vener som er på bileta.

Det er likevel ikkje lov å ta bilete av medpasientar eller tilsette. Vi har hatt tilfeller der bilete av medpasientar/tilsette er blitt publisert i digitale media utan deira godkjenning.

Vi håper alle viser respekt for personvernet til alle dei møter under besøket på sjukehuset og avgrensar fotografering til å gjelde eigen familie og vener.

​Ved Førde sentralsjukehus finn du kiosk der du kan kjøpe aviser og andre kioskvarer. Du kan også levere kupongar til Norsk Tipping sine spel.

Alle kantinene i Helse Førde er opne for tilsette, pasientar og pårørande.

​Kantinene på Lærdal sjukehus og Nordfjord sjukehus finn du i underetasjen. Dei har opningstid 10.30 - 14.30.

Hovudkantina ved Førde sentralsjukehus ligg i 2. etasje. Her får du kjøpt varm mat og mykje anna. Den har opent 07.30 - 20.00.
I Førde finn du også ein kafe i 1. etasje innanfor resepsjonen. Denne har opningstid  09.00 - 15.00. Her finn du kaffe, te, anna drikke, påsmurt og kaker m.m.

Kantina ved Indre Sogn psykiatrisenter er open alle kvardagar frå klokka 10.00-13.30.

Kantina på Tronvik er open for tilsette og bebuarar.

​Du kan nytte mobiltelefon ved sjukehusa. Vi oppfordrar likevel alle til å bruke mobilvett og ta omsyn til medpasientar.

Det er viktig å sette telefonen på stille om natta, og på stilleringing eller vibrering om dagen. Av omsyn til dei andre pasientane er det best å gå ut av rommet dersom du må ta ein lengre samtale.

Vi ber om at du inne på pasientrommet ikkje snakkar eller har lyd på mobilen i tidsrommet etter klokka 21.30 til klokka 08.00 neste dag.

Det er gratis trådlaust nettverk for pasientar, pårørande og besøkande på sjukehusa. Dette kan du kople deg til frå din smarttelefon.

Førde sentralsjukehus har sett av hundre parkeringsplassar berre for pasientar og pårørande. Er alle desse plassane opptekne, er det fleire parkeringsområde rundt Førde sentralsjukehus. Ledige plassar på desse områda kan òg nyttast av besøkande.

BLODGJEVARAR og RØRSLEHEMMA har eigne parkeringsplassar mellom anna framfor hovudinngangen og rundt om på sjukehuset sitt område. Dei som kan parkere her, har eige parkeringsløyve. Utan slikt løyve er parkering rekna som ugyldig.

Ordinær parkering for pasientar og pårørande:
Parkeringsplassen er inn frå Svanehaugvegen. Sjå blått område på kartet:

 

Kart over parkeringsplassar ved Førde sentralsjukehus

 

 

​I 6. etasje har Førde sentralsjukehus eige pasienthotell.

Pasienthotellet har 22 senger. Dei er fordelt på seks enkle rom og åtte doble rom. Alle romma er tilpassa rullestolbrukarar.

​Treng du nokon å snakke med? Sjukehuspresten er til for deg anten du er pasient eller pårørande. I møte med denne omsorgstenesta kan du finne ein «fristad» og ein plass å samle tankane. I samtale med sjukehuspresten er det tid og rom for både stort og smått.

Du treng ikkje ha kristen eller religiøs tru for å ta kontakt. Det er ditt liv og dine tankar som har fokus. Det er sjølvsagt og høve til klassiske prestetenester som mellom anna sermoniar og bøn.

Uansett kva du har på hjartet er sjukehuspresten tilgjengeleg for å møte deg, der det passar deg best. Det kan vere på telefon, prestekontoret, pasientrom, i kantina eller kanskje på ein benk ute.

Ta kontakt direkte med Helene Langeland på telefon 908 79 281, eller spør personalet om å tilkalle/avtale tid med prest.

Sjukehuspresten er primært tilgjengeleg i ordinær kontortid, men kan og tilkallast til andre tider.

Kontoret er på plan 2, første dør til høgre for inngangen til kantina.

Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).
  3. Les nøye gjennom vilkåra.
  4. Trykk "Godta" når du har lese og forstått vilkåra.
Innlogginga skjer automatisk på einingar etter første pålogging, så lenge kontoen er aktiv. Det skal berre vere nødvendig å logge seg på éin gong per eining per 31 dagar.
 

Akuttmedisin:
Etter avtale på telefon 57 83 90 82.

Barneavdeling:
Visittider sengeposten 5. etg: Kontakt personale på vaktrommet.

Kirurgisk:
Visittider sengepost 12.30-13.30 og 18.30-19.30.

Kreft:
Visittider sengepost: Har ikkje faste visittider. Ta kontakt med vaktrommet.

Kvinneklinikken:
Far eller medmor kan kome når dei ønskjer utanom kviletid klokka 13.00-15.00. Søsken til barnet og andre besøkande kan takast i mot utanfor avdelinga.

Medisinsk:
Visittider medisinsk sengepost 14.30-15.30 og 19.00-19.45. Til eineromma: Etter avtale.

Nevrologisk:
Ikkje fast visitttid. Pårørande og andre er alltid velkomne.

Ortopedisk:
13.30-16.00 og 17.30-19.30.