Når vi vurderer å gjere ei viktig endring i livet vårt er det vanleg å ha fleire og motstridande oppfatningar om situasjonen og behovet for endring. Det er gjerne argument både for og mot den endringa vi vurderer. Ved motiverande intervju møter du ein trygg og anerkjennande samtalepartnar som saman med deg kan utforske situasjonen din og behova og valmoglegheitene dine.
Formålet er å få fram fordelar og ulemper ved endring, ved systematisk å gå gjennom positive og negative erfaringar og ved å gjere ei avveging av desse erfaringane. Du får eit grunnlag for avgjerd om endring på kort og lang sikt, og vel sjølv dine eigne mål. Samtalepartnaren din i motiverande intervju skal ønske ei nøytral form, der det er opp til deg kva du vel å gjere.
Bruk av motiverande intervju i behandlinga aukar sjansen for at du følger dine eigne mål med behandlinga. Metoden kan også vere ein viktig bidragsytar til at du blir verande i og fullfører behandlinga. Det er dine tankar, kjensler og behov som står i sentrum.