PDT med kunstig dagslys
Dagslys-PDT (fotodynamisk behandling) er ei ikkje-kirurgisk behandling av solskadd hud. Målet med behandlinga er å øydelegge solskadde hudceller.
Førebuing heime før behandlinga
Smør med fuktigheitskrem på det/dei områda du skal behandle i 3 dagar før du kjem til behandling. Ikkje bruk fuktigheitskrem eller make-up i behandlingsområdet den dagen du skal ha behandlinga.
Under
Behandlinga blir utført av sjukepleier som skraper lett på hudområdet som skal behandlast. Deretter blir det påført ein behandlingskrem som gjer dei solskada hudcellene lyssensitive. Når kremen er blitt påsmurt vil du bli plassert i eit rom med kunstig dagslys. Dei solskada hudcellene blir no nedbrotne. Førebu deg på å opphalde deg i dagslysrommet i 2 timar.
Belysning med kunstig dagslys gir vanlegvis lite ubehag.
Etter
Unngå sollys på behandlingsområdet i 48 timar, ettersom hudområdet vil vere følsamt for lys – dekk hudområdet med hatt/klede og eventuelt solkrem med faktor 30 eller høgare.
Huda blir ofte raud og den kan kjennast øm og sår etter behandling. Dette gjeld spesielt første døgnet.
Forholdsreglar vidare
Vi tilrår å bruke solfaktor 30 eller høgare når huda har tilheila, eller ein kan dekke til med klede, hatt eller liknande. Dersom arret blir utsatt for sol kan det føre til at arrvevet blir meir pigmentert enn huda rundt.