Rektosigmoideoskopi

Rektosigmoideoskopi er ei undersøking av endetarmen og den nedste delen av tjukktarmen. Eit endoskop er eit 10-14 mm tjukt, bøyeleg instrument med eit kamera på tuppen, som overfører bilete til ein skjerm. Endoskopet blir ført inn gjennom endetarmen og den nedste delen av tjukktarmen (sigmoideum). Vi kan undersøkje om det er sjukdommar i endetarmen og nedste del av tjukktarmen. Vi kan også ta vevsprøvar (biopsi) og eventuelt behandle enkelte tilstandar direkte via endoskopet.

Før

Rein tarm før undersøkinga

Føresetnaden for ei vellykka undersøking er at den nedste delen av tarmen er rein.

Du kan velje tømming på to ulike måtar:

 

Føresetnaden for ei vellykka undersøking er at den nedste delen av tarmen er rein.

Du kan velje tømming på to ulike måtar:

Alternativ 1: Toilax kombinasjonasjonspakning

Kjøp ein kombinasjonspakning med 4 Toilax tablettar og ein Toilax klystertube på apoteket.

Dagen før undersøkinga tek du to Toilax-tablettar ved lunsjtid og to Toilax-tablettar om kvelden. Normalt tek det 5-10 timar før ein merkar effekt av tablettane. 2-3 timar før undersøkinga tek du ein Toilax klystertube. Ta av korken på klystertuben og smør eventuelt inn tuppen med vaselin eller anna glidemiddel. Før tuben forsiktig inn i endetarmen. Press på klystertuben slik at klystervæska renner inn i tarmen.  Effekten av klystertuben kjem etter 10-30 minutt.

Alternativ 2: Klyxtømming

Kjøp to stk 240 ml Klyx rektalvæske på apoteket. Ta eitt Klyx kvelden før undersøkinga og eitt Klyx 2-3 timar før undersøkinga.

Før du bruker Klyx kan du varme opp flaska i vassbad til kroppstemperatur. Smør eventuelt klysterspissen med vaselin eller anna glidemiddel. Før spissen forsiktig inn i endetarmen og press oppløysinga ut. Trekk spissen varsamt ut medan du held flaska samanpresset (for å hindre tilbakesug). Forsøk å halde oppløysinga inne i ca. fem minutt. Verknaden kjem etter 5-20 minutt.

 

Fiberrikt brød, kornblandingar, linfrø eller frørike frukter/grønsaker må ikkje brukast dei siste 5 dagane før undersøkinga. Dersom du har tendens til forstopping er det ein fordel å ete flytande mat (til dømes supper og yoghurt) 1-2 døgn før undersøkinga. Bortsett frå dette kan du ete som vanleg, også undersøkingsdagen. Du må ikkje bruke jerntilskot dei siste 7 dagane før undersøkinga.  

Dersom du bruker blodfortynnande medisinar er det viktig at du les teksten nedanfor og følgjer instruksjonane.

 

 

Under

Under sjølve undersøkinga ligg du på ein undersøkingsbenk. Det kan vere behov for at du snur og vender på deg i løpet av undersøkinga. Ein sjukepleiar kan av og til støtte med handa på utsida av magen for at endoskopet skal komme lettare fram og for å redusere ubehag.

Gjer det vondt?

Tjukktarmar er ulike. For mange blir undersøkinga gjennomført utan ubehag, medan andre har ein tarm som er vanskelegare å undersøkje. Undersøkinga kan då bli litt smertefull og ta litt lengre tid.

Ved rektosigmoidoskopi blir det sett co2-gass og vatn inn i tarmen, noko som kan gi mageknip og luftsmerter. Dersom du slepp luft ut frå endetarmen undervegs i undersøkinga vil det bli mindre mageknip.

Vanlegvis varer sjølve undersøkinga frå 15 til 30 minutt. Som regel kan du reise heim med ein gong etter undersøkinga. Er det utført behandling som krev observasjon må du vere på sjukehuset 1-2 timar etter undersøkinga.

Etter

Vanlegvis får du vite resultatet av undersøkinga med ein gong. Beskrivinga av undersøkinga vil også bli send til legen som har tilvist deg. Det tek 3-6 veker å få svar på eventuelle vevsprøvar som er tekne.

Du kan ikkje sjølv køyre bil heim etter undersøkinga dersom du har fått roande eller smertestillande medisinar.

Refusjon av apotekutgifter/utgifter til preparat

Har du fått skriftleg beskjed i innkallingsbrevet om at du må kjøpe preparat før du skal til time på sjukehuset, så kan du få refundert utlegget. Døme på preparat er tømmingsmidlar før gastromedisinske undersøkingar.

Ver merksam

Dersom du får magesmerter som aukar på, eller bløding frå endetarmen som ikkje gir seg, må du kontakte sjukehuset.

Komplikasjonar er svært sjeldne. Ved fjerning av polyppar eller annan terapi kan det oppstå bløding, noko som vanlegvis kan stansast under sjølve undersøkinga. I svært sjeldne tilfelle kan det oppstå hol på tarmen, som kan krevje operasjon.

Kontakt

Førde sentralsjukehus Medisinsk avdeling

Kontakt Medisinsk avdeling
En stor bygning med en stor plen foran seg

Førde sentralsjukehus

Svanehaugvegen 2

6812 Førde

Finn fram

Transport

Buss

Det går regelmessig rutebussar mellom Førde Sentralsjukehus og Førde Rutebilstasjon.

På nettsidene til skyss.no finn du bussruter med oversikt over stoppestadar og tider for Sogn og Fjordane.

Frå Førde er det også gode bussamband til Bergen, Oslo, Ålesund og Trondheim.

Flybuss

Det går direkte flybuss frå Førde Lufthamn Bringeland til Førde Sentralsjukehus for alle fly som landar. Bussen stoppar ved busstoppet på motsatt side av Vievegen, på austsida. Herfrå går flybussen til Førde Lufthamn Bringeland 75 minutt før alle flyavgangar.

Parkering

Det er mogleg å parkere gratis på sjukehusområdet for pasientar og besøkande.

Taxi

Drosjesentralen i Førde er om lag 100 meter frå Rutebilstasjonen. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

 

Praktisk informasjon

Ved Førde sentralsjukehus finn du Sjukehusapoteka Vest HF si avdeling i Sogn og Fjordane.

​​Apoteket gjev tilbod til alle nyutskrivne og polikliniske pasientar ved Førde Sentralsjukehus, samt alle tilsette og besøkande.  Sjukehusapoteket er altså open for alle.

På veg heim frå sjukehuset kan pasientar få med seg alt dei treng av legemiddel og utstyr for vidare behandling heime. I tillegg har apoteket eit stort og variert utval av reseptfrie legemiddel, hudpleiemiddel, kost- og ernæringsmiddel samt andre apotekvarer.

Apoteket gjer klar legemidla medan du ventar og gjev råd om korleis du skal bruke dei på rett måte.

Apoteket forsyner dei fleste avdelingane i Helse Førde med legemiddel, apotekvarer og farmasøytiske tenester og gjev farmasøytisk rådgjeving til mange kommunar i Sogn og Fjordane.

​For å få behandling ved sjukehus eller poliklinikk må du i utgangspunktet vere tilvist frå lege, kiropraktor eller manuell teapeut. Har du trong for legehjelp skal du ringe fastlegen din eller den kommunale legevakta.

Les meir om eigendelar på helsenorge.no

Mange pasientar og pårørande ønskjer å ta bilete eller video som eit minne frå tida på sjukehuset. Då kan det vere lurt å hugse nokre reglar.

​Det er sjølvsagt heilt greitt så lenge det er pasientane og/eller pårørande og vener som er på bileta.

Det er likevel ikkje lov å ta bilete av medpasientar eller tilsette. Vi har hatt tilfeller der bilete av medpasientar/tilsette er blitt publisert i digitale media utan deira godkjenning.

Vi håper alle viser respekt for personvernet til alle dei møter under besøket på sjukehuset og avgrensar fotografering til å gjelde eigen familie og vener.

​Ved Førde sentralsjukehus finn du kiosk der du kan kjøpe aviser og andre kioskvarer. Du kan også levere kupongar til Norsk Tipping sine spel.

Alle kantinene i Helse Førde er opne for tilsette, pasientar og pårørande.

​Kantinene på Lærdal sjukehus og Nordfjord sjukehus finn du i underetasjen. Dei har opningstid 10.30 - 14.30.

Hovudkantina ved Førde sentralsjukehus ligg i 2. etasje. Her får du kjøpt varm mat og mykje anna. Den har opent 07.30 - 20.00.
I Førde finn du også ein kafe i 1. etasje innanfor resepsjonen. Denne har opningstid  09.00 - 15.00. Her finn du kaffe, te, anna drikke, påsmurt og kaker m.m.

Kantina ved Indre Sogn psykiatrisenter er open alle kvardagar frå klokka 10.00-13.30.

Kantina på Tronvik er open for tilsette og bebuarar.

​Du kan nytte mobiltelefon ved sjukehusa. Vi oppfordrar likevel alle til å bruke mobilvett og ta omsyn til medpasientar.

Det er viktig å sette telefonen på stille om natta, og på stilleringing eller vibrering om dagen. Av omsyn til dei andre pasientane er det best å gå ut av rommet dersom du må ta ein lengre samtale.

Vi ber om at du inne på pasientrommet ikkje snakkar eller har lyd på mobilen i tidsrommet etter klokka 21.30 til klokka 08.00 neste dag.

Det er gratis trådlaust nettverk for pasientar, pårørande og besøkande på sjukehusa. Dette kan du kople deg til frå din smarttelefon.

Førde sentralsjukehus har sett av hundre parkeringsplassar berre for pasientar og pårørande. Er alle desse plassane opptekne, er det fleire parkeringsområde rundt Førde sentralsjukehus. Ledige plassar på desse områda kan òg nyttast av besøkande.

BLODGJEVARAR og RØRSLEHEMMA har eigne parkeringsplassar mellom anna framfor hovudinngangen og rundt om på sjukehuset sitt område. Dei som kan parkere her, har eige parkeringsløyve. Utan slikt løyve er parkering rekna som ugyldig.

Ordinær parkering for pasientar og pårørande:
Parkeringsplassen er inn frå Svanehaugvegen. Sjå blått område på kartet:

 

Kart over parkeringsplassar ved Førde sentralsjukehus

 

 

​I 6. etasje har Førde sentralsjukehus eige pasienthotell.

Pasienthotellet har 22 senger. Dei er fordelt på seks enkle rom og åtte doble rom. Alle romma er tilpassa rullestolbrukarar.

​Treng du nokon å snakke med? Sjukehuspresten er til for deg anten du er pasient eller pårørande. I møte med denne omsorgstenesta kan du finne ein «fristad» og ein plass å samle tankane. I samtale med sjukehuspresten er det tid og rom for både stort og smått.

Du treng ikkje ha kristen eller religiøs tru for å ta kontakt. Det er ditt liv og dine tankar som har fokus. Det er sjølvsagt og høve til klassiske prestetenester som mellom anna sermoniar og bøn.

Uansett kva du har på hjartet er sjukehuspresten tilgjengeleg for å møte deg, der det passar deg best. Det kan vere på telefon, prestekontoret, pasientrom, i kantina eller kanskje på ein benk ute.

Ta kontakt direkte med Helene Langeland på telefon 908 79 281, eller spør personalet om å tilkalle/avtale tid med prest.

Sjukehuspresten er primært tilgjengeleg i ordinær kontortid, men kan og tilkallast til andre tider.

Kontoret er på plan 2, første dør til høgre for inngangen til kantina.

Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).
  3. Les nøye gjennom vilkåra.
  4. Trykk "Godta" når du har lese og forstått vilkåra.
Innlogginga skjer automatisk på einingar etter første pålogging, så lenge kontoen er aktiv. Det skal berre vere nødvendig å logge seg på éin gong per eining per 31 dagar.
 

Akuttmedisin:
Etter avtale på telefon 57 83 90 82.

Barneavdeling:
Visittider sengeposten 5. etg: Kontakt personale på vaktrommet.

Kirurgisk:
Visittider sengepost 12.30-13.30 og 18.30-19.30.

Kreft:
Visittider sengepost: Har ikkje faste visittider. Ta kontakt med vaktrommet.

Kvinneklinikken:
Far eller medmor kan kome når dei ønskjer utanom kviletid klokka 13.00-15.00. Søsken til barnet og andre besøkande kan takast i mot utanfor avdelinga.

Medisinsk:
Visittider medisinsk sengepost 14.30-15.30 og 19.00-19.45. Til eineromma: Etter avtale.

Nevrologisk:
Ikkje fast visitttid. Pårørande og andre er alltid velkomne.

Ortopedisk:
13.30-16.00 og 17.30-19.30.