Har du lyst å bety noko for andre?

Kva gjer ein frivillig?

Som frivillig kan du gjere det lille ekstra for pasientane våre. Du vil vere tilgjengeleg i ventesoner og i korridorar ved poliklinikkar, eller vere til hjelp ved ein sengepost – oppgåvene dine blir blant anna å vise veg, og svare på spørsmål frå pasienter og pårørande.

Du kan bidra til det gode møtet med sjukehuset ved å

• møte pasientar og pårørande med eit smil
• invitere til samtale medan pasienten ventar
• gje ei hand å halde i når det er behov for det
• yte omsorg og vise empati

Som frivillig kan du vere med på å

• møte personar som kjem til sjukehuset, vise veg og svare på spørsmål
• vere open for personleg kontakt med pasientar som ventar på undersøking, behandling eller transport
• bistå når urolege eller desorienterte pasientar ventar på undersøking eller behandling
• assistere pasientar ved behov med enkle gjeremål, eller ta initiativ til samtale
• følge pasientar til drosje ved heimreise, etter spørsmål frå avdelingane
• følge pasientar til kantine, laboratorium, drosje eller ein tur i sjukehusparken
• bistå med praktiske gjeremål
  
  

Som frivillig ved sjukehuset 

• blir du ein del av eit aktivt sjukehusmiljø
• bestemmer du sjølv kor mykje tid du vil bruke som frivillig
• får du kurs, nødvendig opplæring og tilbod om samlingar med fagleg tema
• vil du vere eit supplement til pasientbehandlinga, men du skal ikkje utføre oppgåver som profesjonelle har ansvar for
• er du over 18 år og snakkar godt norsk
• vil du gjere ein forskjell utan at du får betalt for engasjementet og bidraget ditt
• har du teieplikt, og må følge sjukehuset sitt reglement