Strategisk samarbeidsutval

Strategisk samarbeidsutval er sett saman av seks representantar frå kommunane, seks frå Helse Førde HF og to brukarrepresentantar. I tillegg er ein representant frå KS Vestland og assisterande fylkeslege med som observatørar. Sekretærfunksjonen blir ivaretatt av Helse Førde. Det skal opp nemnast vararepresentantar. KS i helsefellesskapsområdet syter for oppnemning av dei kommunale representantane.

Ved oppnemninga skal ein sikre at det er geografisk spreiing av representantar i helsefellesskapet. Det er naturleg å sjå til eksisterande samarbeidsforum i området. Felles brukarutval nemner opp brukarrepresentantane. Medlemane er sjølve ansvarlege for kontakten med dei som dei representerer. KS har fast møte- og talerett for ein utsending, andre samarbeidspartar vert invitert til møte etter behov og avtale mellom partnarane.

Leiar: Arve Varden, Administrerande direktør Helse Førde
Nestleiar: Ola Hovland, kommunedirektør, Fjaler kommune
Heidi Alice Vederhus, Samhandlingssjef Helse Førde/Stadleg leiar NSH
Kjell-Wernik Skarsmyr Nystøyl, interkommunal samhandlingskoordinator
Gunn Lerøy, kommunedirektør Lærdal kommune
Kristine Dahl, kommunedirektør Stad kommune
Asle Kjørlaug, fagdirektør Helse Førde
Børge Tvedt, direktør PHV, Helse Førde
Bjørn Morten Øen, direktør kirurgisk klinikk Helse Førde
Trine Vingsnes, direktør medisinsk klinikk Helse Førde
Barbro Longva, kommunalsjef Stad kommune
Marius Solbakken, kommunelege Stryn kommune
Arne Hovland, Brukarrepresentant
Michael Milde, Brukarrepresentant

Leiarfunksjonen går på omgang mellom partane.

Varamedlemmar (vara for)

Anders Skipenes, kommunedirektør Gloppen kommune (K. Dahl)
Gjermund Flage, kommunedirektør Hyllestad kommune (O.Hovland)
Laila Haugland, Avdelingssjef med.avd. Helse Førde (T. Vingsnes)
Dagrun Kyrkjebø, direktør Fag- og utvikling Helse Førde (A.Kjørlaug)
Vidar Øvrebø, Stadleg leiar LSH Helse Førde (H.A.Vederhus)
Kirstin Bruland, kommunalsjef Sunnfjord kommune (B.Longva)
Marit Reppen, kommunalsjef Sogndal kommune (G.Lerøy)
Thomas Vingen Vedeld, kommuneoverlege Stad kommune (M.Solbakken)
Svein Ove Alisøy, Avdelingssjef PHV (B.Tvedt)

Observatørar

Hilde Ystanes, seniorrådgjevar, KS Vest-Norge
Linda Svori, assisterande fylkeslege, Statsforvaltaren i Vestland

Strategisk samarbeidsutval har ansvar for å:

følgje opp og vedlikehalde overordna samarbeidsavtale
vurdere i saker av prinsipiell administrativ, fagleg og økonomisk karakter som gjeld samhandling i høve pasientar/brukarar
drøfte og tilrå løysing ved usemje som ikkje kan løysast på anna nivå
tilrå nye prioriterte områder utifrå lokale behov og offentlege føringar
tilrå delavtalar overfor partnarane og godkjenne prosedyrar som gjeld samhandling om felles pasientar etter framlegg frå fagleg samarbeidsutval eller ein eller fleire av partnarane
drøfte rapportar om avvik og uønskte hendingar som gjeld samhandlinga
førebu partnarskapsmøte
arrangere samhandlingskonferansen
fokusere på erfaringsutveksling, kompetanseoverføring og felles møteplassar
bidra til å utvikle og spreie gode modellar for samhandling
ha eit oppdatert oversyn over ulike samhandlingsprosjekt i Sogn og Fjordane

Utvalet konstituerer seg sjølv. Leiar- og nestleiarfunksjonen vekslar kvart andre år mellom Helse Førde HF og kommunane. Funksjonsperioden for utvalet er november - november.

Saker blir fremja av partnarane gjennom representantane som har eit sjølvstendig ansvar for å bringe fram tema/saker til handsaming. Vedtak føreset at alle medlemane er samde og forpliktar partnarane. Helse Førde HF og den enkelte kommune har ansvar for at vedtak blir gjennomførte.

Strategisk samarbeidsutval skal ha møte minimum fire gonger pr. år, og møteplan for funksjonsperioden blir avtalt. Utvalet legg fram årsrapport i første kvartal.

Partnarane skal samarbeide om førebuing og gjennomføring av strategisk samarbeidsutval. Partnarane ber eigne kostnader.