Resultata er klare!
Det var solid oppmøte og nydeleg ver for å springe da årets Helse Førde-stafett gjekk av stabelen. Her får du resultat og høgdepunkt frå dagen.
Her er nokre deltakartal:
- 87 lag stilte til lagstafetten
- 5-600 barn var med på barneløpa
- 50 melde seg på mosjonsklassen
- 140 femteklassingar tok løypa på dagtid
Vinnarane frå bedriftsklassen
Førde VGS elevlag tok sigeren i bedriftsklassen i år, tett fulgt av Norconsult Førde og Nordea.
Vi kunne ikkje eingong finne Førde VGS lærarlag på listene våre men vonar dei kjem sterkare tilbake neste år!
Topp 10 frå bedriftsklassen
- Førde VGS elevlag
- Norconsult Førde
- Nordea
- Politiet
- Spenst Førde løpegruppe
- Underleg(A)ne
- Vassenden skule
- PWC
- Overleg(A)ne
- Norec
Vinnarane frå idrettsklassen
I idrettsklassen kom Førde friidrett 1 inn på første plass, eit heilt minutt før Førde langrenn 1 og Sweet Sixteen.
Topp ti frå idrettsklassen
- Førde friidrett 1
- Førde langrenn 1
- Sweet sixteen
- Gaular IL veteran
- Førde fotball damelag
- Førde langrenn 2
- Gaular IL ungdom
- Handballjentene 2
- Handballjentene 1
- Førde IL handball J12
Barneløpet
Her ser vi starten på den korte barneløypa...
...der barna løp så raskt at fotografen ikkje rakk fram til mållinja før dei første var i mål, sjølv om han tok strakaste vegen utanom løypa!
Heldigvis sto arrangørane klare med medaljar og gratulasjonar til alle som kom i mål.
Mange hadde kledd seg for anledninga, og stilte til løp i kostyme.
Laget frå hudavdelinga - Scabies united - vann prisen for mest kreative lag.
Barneavdelinga var sjølvsagt på plass og like muntre som alltid
Vi hadde til og med ein flokk flamingoar som hadde funnet vegen inn i løypene.
Ikkje direkte sol men...
...absolutt varmt nok til at det var godt å kjøle føtene litt i dammen etter alt av dansing og springing!