Vil du sjå det nye Livabygget?

Har du lyst til å sjå det nye Livabygget ved Førde sentralsjukehus? I så fall er dagen kommande fredag, 23. august. Då arrangerer Helse Førde open dag.

Publisert 21.08.2024

Diagram — Omvisinga startar ved området merka "seremoniområde" på kartet.

Tysdag opna statsminister Jona Gahr støre nybygget, og karakteriserte det som verdas beste. Mellom klokka 11 og 17 kommande fredag er bygget ope for publikum.

Det vert då arrangert guida omvisingar. Dei frammøtte vert delt inn i grupper på 10-15 personar. Du vil få gå same ruta som statsminister Støre og hans følgje i samband med opninga. Sjølve omvisinga tek kring ein halv time.

Oppmøtestad er ved varemottaket på sørsida av Livabygget (mot Hafstadfjellet). Sjå kartet!

Vel møtt!