Sommarstenging av sengeposten ved Indre Sogn psykiatrisenter
Sengeposten ved Indre Sogn psykiatrisenter (ISP) stenger i tre veker i sommar, frå fredag 4. juli og opnar igjen måndag 28. juli.
Pasientar som treng innlegging vil få det ved Sunnfjord DPS, Nordfjord DPS, eller planlagt innlegging etter at sengeposten opnar igjen. Pasientar som treng akuttinnlegging vil som før få det ved akuttposten i Førde.
Tilvisingar skal, i heile stengingsperioden, sendast på vanleg måte til Indre Sogn psykiatrisenter som koordinerer inntak med dei andre DPS'ane. Henvendingar og spørsmål knytt til sengeposten sine tilbod vil bli besvart som vanleg.
Etter at sengeposten opnar igjen vil vi første veka prioritere å ta imot pasientar frå akuttpost og dei andre DPS'ane, deretter planlagde innleggingar i påfølgande veke.
Poliklinikken og Ambulant team har ordinær drift heile sommaren.