Enkelte tenester utilgjengelege hos Helse Vest IKT
Helse Vest IKT gjennomfører førebyggande tryggleikstiltak tysdag og onsdag. Dette har påverka fleire digitale tenester i sjukehusa, men systema er onsdag kveld på veg opp att.
All planlagt behandling går som normalt, og pasientar skal møte til avtalte timar. Registrering og betaling med mobiltelefon var nede onsdag, men vart reetablert onsdag kveld.
Sjukehusapoteka har også vore mellombels stengde for publikum onsdag, men er kom i løpet av dagen tilbake i normal drift etter det førebyggande tryggleikstiltaket.
VestDialog, kanalen pasientane brukar for å sende digital post til sjukehusa, er også ustabil. Pasientane vil få innkalling på sms, fordi innkallinga i Helse Norge er midlertidig ute av drift.
Helse Vest IKT jobbar for å sikre stabil drift slik at tenestene blir tilgjengelege så fort som råd.