Marielle Griffin Blaalid er helsesekretær ved Nordfjord sjukehus. Ho har jobba her i fem år, og er veldig glad i jobben sin. Ho har brei erfaring frå pasientnært arbeid frå før, då ho tidlegare har jobba som helsefagarbeidar.
For Marielle er det varierte oppgåver og det å få jobbe med menneske som er hovudgrunnen til at ho trivast så godt.
– Vi jobbar tett med menneske i ulike livssituasjonar, og får kombinert fagkunnskap med omsorg, struktur og god kommunikasjon.
Ein typisk dag inneber å ta imot pasientar, svare på spørsmål, holde orden på timeavtalar og dokumentasjon. Helsesekretæren bidret til at pasientflyten går smidig, og at både pasientar og kollegaer opplever tryggleik og god service.
Det kjennes veldig godt når ein kan gå heim igjen frå jobb, og kjenne på at ein har gjort dagen litt enklare for pasientane.
Som helsesekretær jobbar ho tett på menneske i ulike livssituasjonar. Ho er med på å skape gode møter, og bidreg til at pasientane får ei god oppleving når dei kjem til sjukehuset.
Jobben er veldig variert og meiningsfull. Dei er ofte det første ansiktet pasienten møter, og dei sørger for at pasientane blir tatt imot på ein trygg og god måte.
– Arbeidsdagen er svært variert, og det å jobbe med menneske, å kunne hjelpe pasientane når dei treng å flytte på ein time, eller komme raskt til, det betyr mykje.
Det er eit veldig godt samarbeid mellom dei ulike yrkesgruppene, og vi jobbar tett på kvarandre. Alle kjenner alle, og kommunikasjonen er veldig enkel.
– Vi er eit godt team, der alle er nødvendige brikker i samspelet rundt pasienten.
Ho trekk også fram det gode arbeidsmiljøet som ein viktig faktor for den gode trivselen.
