Vi tilrår at du alltid nyttar siste versjon av nettlesaren din.

Demografisk utvikling

Endringane i alderssamansetninga i befolkninga er ei av dei største utfordingane helsetenesta står overfor. Talet eldre aukar, medan veksten i aldersgruppene under 60 år bremsar opp og vil etter kvart stagnere. Dermed oppstår ein dobbelt effekt: Behovet for helsetenester aukar, samstundes som tilgangen på arbeidskraft blir mindre. 

Demografisk utvikling 

Endringane i alderssamansetninga i befolkninga er ei av dei største utfordingane helsetenesta står overfor. Talet eldre aukar, medan veksten i aldersgruppene under 60 år bremsar opp og vil etter kvart stagnere. Dermed oppstår ein dobbelt effekt: Behovet for helsetenester aukar, samstundes som tilgangen på arbeidskraft blir mindre. 

Sogn og Fjordane har over tid hatt ein større del eldre i befolkninga enn landsgjennomsnittet, samstundes som folketalet går ned i fleire mindre kommunar og bygder. Færre fødslar og utflytting av ungdom og yrkesaktive til meir sentrale strok fører til ein reduksjon i den yrkesaktive delen av befolkninga. Dette svekkjer rekrutterings-grunnlaget for helsetenestene. 

I mange lokalsamfunn ser vi at når folketalet går ned, blir grunnlaget for tenester og aktivitetar svekka. Tilbod og aktivitetar i lokalmiljøet forsvinn, og eldre står i større grad utan familie og eit robust nærmiljø rundt seg. Dette aukar behovet for helse- og omsorgstenester, både frå kommunane og spesialisthelsetenesta. 

Framskrivingar frå Statistisk sentralbyrå (SSB) viser at talet på personar over 80 år vil nær doble seg frå 2024 til 2045. Allereie innan 2033 vil denne gruppa auke med om lag 50 prosent samanlikna med dagens nivå. Dette er ei pasientgruppe som ofte har samansette behov og mottar tenester både frå kommunane og sjukehusa. For Helse Førde betyr dette at etterspurnaden etter spesialisthelsetenester vil bli større, samstundes som kapasiteten i form av personell vil vere under press. Ei berekraftig tenesteutvikling krev felles planlegging av kapasitet, oppgåvedeling og samanhengande pasientforløp saman med kommunane. 
 

Sist oppdatert 19.11.2026