Utvikling i behov for spesialisthelsetenester
tre setningar om avsnitta under.
Medisinske framsteg innan behandlingsformer og legemiddel gjer at fleire kan leve lenger med alvorleg sjukdom. Fleire skrøpelege eldre og personar med komplekse, samansette sjukdomsbilete gir større behov for helse- og omsorgstenester. Samstundes vil ei aldrande befolkning ha behov for oppfølging og helsehjelp over lengre tid enn tidlegare generasjonar. Denne utviklinga vil føre til auka behov for spesialisthelsetenester knytt til geriatri.
Sjukdomsbiletet vil endre seg, til dømes vil hjarte- og augesjukdommar utgjere ein større del av spesialisthelsetenestene, medan behovet for tenester til barn og unge truleg blir redusert. Kreftbehandling har historisk hatt ein større auke enn andre fagområde, fleire lever lenger med kreft og har behov for oppfølging, og denne utviklinga er forventa å halde fram.
Sosiale skilnader i helse og endringar i livsstil, som meir stillesitjing og auka psykiske belastningar, påverkar òg sjukdomsbiletet i befolkninga. Utviklingstrekk i samfunnet tyder på ein vekst i behov innanfor psykisk helsevern, sikkerheitspsykiatri og tverrfagleg spesialisert rusbehandling.