Parker gratis i Helse Førde
Som pasient eller pårørande kan du parkere gratis ved Helse Førde sine institusjonar. Parkerer du feil kan du få eit parkeringsgebyr. Merk deg at ved Førde sentralsjukehus er det parkeringskontroll ved hovudinngangen.
Parkering er gratis ved alle Helse Førde sine institusjonar, men det blir gjennomført parkeringskontrollar. Parkerer du i oppmerka felt, unngår du parkeringsgebyr. Ved feil parkering kan du bli ilagt gebyr.
Parkering ved Førde sentralsjukehus
Ved Førde sentralsjukehus blir det gjennomført parkeringskontroll. For korttidsparkering nærast hovudinngangen til sjukehuset er det kamerakontroll. Følg reglane som gjeld i dette området, så slepp du å betale gebyr! Sjå kart under.
Kamera les registreringsnummer, kva tid du kjører inn og kva tid du forlet området. Tid ut over 15 minuttar vil gje bileigar gebyr på 50 kroner per påbegynt halvtime.
Tilsvarande reglar gjeld for korttidsparkeringa ved Sunnfjord og Ytre Sogn legevakt, SYS IKL.
For betaling til Helse Førde av sanksjon ved feilparkering, kan du nytte følgjande kontonummer: 1506.91.03445 og legge inn merkand med skiltnummer (Reg.nr. xxxxx)
BLODGJEVARAR og RØRSLEHEMMA har eigne parkeringsplassar mellom anna framfor hovudinngangen og rundt om på sjukehuset sitt område. Dei som kan parkere her, må ha gyldig parkeringsløyve godt synleg bak frontruta. Utan slikt løyve er parkering rekna som ugyldig.
Personar som skal gje blod registrerer skiltnummer på skjermen som er plassert i ventesona til blodbanken, og kan då stå gratis i inntil 2,5 timar.
Personar med gyldig handicapkort må registrere skiltnummer i resepsjonen, og kan då stå gratis i inntil 8 timar.
Merk at parkering på dei øvrige parkeringsfelta på sjukehusområdet framleis er gratis, så lenge du parkerer i samsvar med skilting og oppmerking.
Ordinær parkering for pasientar og pårørande
Parkeringsplassen er inn frå Svanehaugvegen. Sjå blått område på kartet.
Tal parkeringsplassar ved Førde sentralsjukehus
Ordinær parkering: 950 stk
Korttidsparkering (av/på-stiging): 18 stk
Parkering for rørslehemma: 27 stk
Ladepunkt for elbil: 27 stk
KORTTIDSPARKERING: Ved hovudinngangen til sjukehuset er det parkering for av- og påstiging, maks 15 minutt.
Korttidsparkering ved hovudinngangen på Førde sentralsjukehus.
Bruk av ladepunkt
På Førde sentralsjukehus er det sett opp ladepunkt for elbil. Køyretøy skal berre stå der under tilkobling.
Parkeringsgebyr ved feilparkering
Feil parkering som kan medføre parkeringsgebyr:
- Parkering utanfor oppmerka plassar.
- Parkering på skraverte felt.
- Parkering lenger en 15 minutt på korttidsparkering.
- Parkering på reserverte parkeringsplassar for røyrslehemma utan oblat/løyve*
- Parkering i ladepunkt utan tilkopling til straum.
*Rørslehemma med gyldig handicap-kort kan registrere handicap-kortet sitt i resepsjonen, og parkere gratis i inntil 8 timar.
Storleiken på parkeringsgebyret.
Feilparkering: 660 kr
Ugyldig parkering på parkering for rørslehemma: 990 kr
Feilparkerte køyretøy kan bli fjerna på eigar si rekning.
Rett til å klage på parkeringsgebyr
Har du fått eit parkeringsgebyr etter § 36 eller fått køyretøyet ditt fjerna etter § 38 i parkeringsforskrifta, og meiner at sanksjonen er urimeleg eller feil kan du klage til Helse Førde. Dersom du kan synleggjere dette med foto eller anna dokumentasjon som styrkjer saka di, er det viktig at du legg dette ved klagen.
Send klagen via portal "Klage på parkeringsbot"
eller per post til: Helse Førde HF, Postboks 1000, 6807 Førde
Du får svar på klagen din innan tre (3) veker.