Vi tilrår at du alltid nyttar siste versjon av nettlesaren din.

Parker gratis i Helse Førde

Parkering er gratis ved alle Helse Førde sine institusjonar. Parkering utanfor oppmerka område kan føre til sanksjonar (parkeringsbot). Ved parkering over 15 minutt ved hovudinngangen til Førde sentralsjukehus må du betale parkeringsavgift. Det blir gjennomført parkeringskontrollar.

Parkering ved Førde sentralsjukehus

Ved Førde sentralsjukehus blir det gjennomført parkeringskontroll. For korttidsparkering nærast hovudinngangen til sjukehuset er det kamerakontroll. Følg reglane som gjeld i dette området, så slepp du å betale avgift eller sanksjon! Sjå kart under.

Kamera les automatisk registreringsnummeret ved inn- og utkøyring. Dersom parkeringa varer lenger enn 15 minutt, blir bileigar belasta med parkeringsavgift på 50 kroner per påbegynte halvtime. Det er tydeleg skilta om det ved innkøyring til området.

Tilsvarande reglar gjeld for korttidsparkeringa ved Sunnfjord og Ytre Sogn legevakt.

Dette området er meint for av og påstiging, ikkje for parkering over 15 minutt. Dette for å sikre ledige plassar til at alle pasientar og pårørande kan gjennomføre enkle av- og på-stigningar.

Parkering for blodgjevarar og rørslehemma

Blodgjevarar og rørslehemma har eigne parkeringsplassar innanfor sone for korttidsparkering. 

Rørslehemma

Dei som kan parkere her, må ha gyldig parkeringsløyve godt synleg i frontruta. Personar med gyldig parkeringsløyve for rørslehemma kan registrere skiltnummer i resepsjonen, eller på Inpark.no ved ankomst, og kan då stå gratis i inntil 8 timar. Utan slikt løyve gjeld ordinære reglar for parkering.

Blodgjevarar

Personar som skal gje blod, registrerer bilen sitt registreringsnummer på skjermen i ventesona til blodbanken. Då kan du parkere gratis medan du er inne for å gje blod.

Ordinær parkering for pasientar og pårørande

Parkeringsplassen er inn frå Svanehaugvegen. Sjå blått område på kartet.

Kart over området til Førde sentralsjukehus som viser parkeringsplassar
Oversikt over tilgjengeleg parkering ved Førde sentralsjukehus. Alle parkeringsplassane som er merka med blå farge har tilgang frå Svanehaugvegen.

​Tal parkeringsplassar ved Førde sentralsjukehus

Ordinær parkering: 950 stk
Korttidsparkering (av/på-stiging): 18 stk
Parkering for rørslehemma: 27 stk
Ladepunkt for elbil: 27 stk


Sone for korttidsparkering: Ved hovudinngangen til sjukehuset og framfor legevakta er det oppmerka parkering for av- og påstiging, maks 15 minutt.

Bruk av ladepunkt

På Førde sentralsjukehus er det sett opp ladepunkt for elbil. Køyretøy skal berre stå der under tilkobling.

Parkeringsavgift i sone for korttidsparkering 

  • Parkering lenger enn 15 minutt i sone for korttidsparkering.

Parkering som kan medføre parkeringssanksjon (parkeringsbot)

  • Parkering utanfor oppmerka plassar.
  • Parkering på skraverte felt.
  • Parkering på reserverte parkeringsplassar 
  • Parkering i ladepunkt utan tilkopling til straum.

Storleiken på parkeringssanksjonar

  • Feilparkering: 660 kr
  • Ugyldig parkering på parkering for rørslehemma: 990 kr

Feilparkerte køyretøy kan bli fjerna på eigaren si rekning.

 


 


 


 

Sist oppdatert 22.04.2026