Mosjonsklasse:Løypa er lik hovudstafettløypa og vert gjennomført utan tidtaking i tidsrommet 15.00 til 18.30. Ein kan gå, springe eller sykle aleine eller fleire i lag
Meld deg på ved oppmøte ved hovudinngangen - FSS. Gratis påmelding.
Kort barneløype (ca. 600 m): Løypa går i sjukehusparken med start klokka 17.40. Alle mellom 0 og 6 år kan delta. Barnevogner klarer denne løypa. løypa er utan tidtaking. Gratis påmelding. Førehandpåmelding kort og lang barneløype
Hent startnummer ved inngangen til sjukehuset innan kl 17:15
Lang barneløype (ca.1,3 km): Løypa går på sjukehusområdet med start kl 18.00. Alle mellom 6 og 12 år kan delta. løypa er uten tidtaking. Gratis påmelding. Førehandpåmelding kort og lang barneløype
Hent startnummer ved inngangen til sjukehuset innan kl 17:30.
Rakettløype for barn: Løypa er i sjukehusparken. Alle barn kan delta. Påmelding - ved å møte opp ved løypa. Gratis deltaking.
Om Helse Førde lagstafett
Helse Førde stafetten har seks etappar. Les meir om stafetten og sjå løypekartet på https://www.helse-forde.no/stafetten/
Alle kan delta med eit lag i Helse Førde Stafetten; verksemder, venelag, idrettslag, nabolag og alle andre lagsamansetningar kan delta!
Helse Førde-stafetten har to klassar: Bedriftsklassen og Idretts-/konkurranseklassen. Når du melder på lag, vel den klassen som passar best for ambisjonsnivået og gjennomføringa de ønskjer.
🟢 Bedriftsklassen - sosial stafett i eige tempo
Dette er klassen for lag som ønskjer ein sosial og inkluderande stafettoppleving.
Passar for lag som vil gå, jogge eller springe lett gjennom løypa
Fokus på deltaking og trivsel
Stafettreglane blir handheva mildare enn i idretts-/konkurranseklassen
Fleksibilitet i laget:
Manglar de deltakarar, kan ein løpar ta fleire etappar
Det er òg mogleg å låne løparar frå andre lag
Ta gjerne kontakt med arrangør om du er usikker på lagsamansettinga
🔵 Idretts-/konkurranseklassen - for lag med fokus på prestasjon og tid
Dette er klassen for lag som ønskjer å konkurrere og springe stafetten i høgt tempo.
For lag som vil springe fort gjennom stafettløypa
Tidsresultat og konkurranse står i fokus
Stafettreglar blir handheva strengt
Reglar for alle stafettlaga
Kvart lag må ha minst to kvinner/jenter
Deltakarane treng ikkje høyre til same skule, arbeidsplass, familie eller organisasjon
Det er tillate med lag med berre kvinner/jenter
Det er ikkje tillate med lag med berre menn
Nedre aldersgrense for deltaking i hovudstafetten er 12 år
Påmelding – slik gjer du det
Når du melder på eit lag, skal du berre:
- skrive inn lagnamn
- fylle inn kontaktperson
👉 Du skal ikkje skrive inn namn på løparane.
Desse blir ikkje registrerte noko stad, noko som gir full fleksibilitet i kven som spring på laget heilt fram til stafettdagen.
Kva påmeldingsklasse skal vi velje?
Vel Bedriftsklassen dersom:
• de vil ha ei sosial og uformell oppleving
• de planlegg å gå, jogge eller springe i roleg tempo
• laget har varierte føresetnader, eller de ønskjer maks fleksibilitet
• de ikkje er så opptekne av tid og plassering
Vel konkurranse-/Idrettsklassen dersom:
• de vil springe fort og konkurrere
• laget har fokus på prestasjon og tid
• de ønskjer ei stafett med streng oppfølging av stafettreglane
👉 Er de i tvil, så er Bedriftsklassen oftast det rette valet.