Hjartesjukdommar

Medisinsk avdeling, Helse Førde, er organisert på 3 lokasjonar, Lærdal, Nordfjordeid og Førde. Vurdering av elektive og akutte innleggingar på dei ulike lokasjonane føregår i Førde anten ved sentralisert vurdering av tilvisingar av overlege innen dei ulike spesialfelta, eller seleksjon av pasientar til øyeblikkeleg hjelp-innlegging av vårt vaktteam. Årlig er det om lag 7000 innleggingar, der ca 4500 er i Førde. Vi har som heilskap ca 5000 dagopphald, der mesteparten er dialyse. Det var i 2021 ca 13 000 polikliniske konsultasjonar i Førde.

FSS, indremedisinsk avdeling, er godkjend for utdanning innan indremedisin, lunge-, hjarte-, mage-tarm- og nyresjukdommar. Det er søkt godkjenning for Akutt- og mottaksmedisin (AMM) som er under oppbygging. Avdelinga fungerer som primærsjukehus for omlag 70 000 mennesker, og sekundærsjukehus for 107 000. Avdelinga dekker breie delar av faget bortsett fra dei undersøkingsmetodane som krev høgre pasientgrunnlag. I 2008 blei kreftavdelinga/hematologi skilt ut som eiga avdeling, men medisinsk avdeling har vaktansvar etter kl 19.00 på kvardagar og etter kl. 14 i helgane.

Medisinsk sengepost 1 og 2

Desse er lokalisert til 8. etasje og har tre korridorar som er laust seksjonert.

Sengepost 1: 
Gruppe I: 15 sengar. KARDIOLOGI inkl. 6 kardiologisk-geriatriske sengar
Gruppe III: 11 sengar. NEFROLOGI/ENDOKRINOLOGI

Sengepost 2:
Gruppe II: 15 sengar. LUNGE/INFEKSJON/GASTROENTEROLOGI

Medisinsk overvaking og felles intensivavdeling Lokalisert til 2. etasje. Medisinsk avdeling disponerer ca 4 sengar. Her ligg pasientar fra heile fylket som er avhengig av respirator, pressor, ustabile infeksjonspasienter, ustabile med GI- blødning, ustabile koronar- og nyrepasientar m.m.

Medisinsk poliklinikk 
Poliklinikken er lokalisert til 1. etasje. Her vert dei fleste inneliggande prosedyrer utførte. I tillegg til inneliggande prosedyrer på eiga avdeling, vert det utført polikliniske konsultasjonar og tilsyn ved andre avdelingar. 
 
Kardiologiske prosedyrar på medisinsk poliklinikk. 

LVAD, 1 pas. i 2018

Pacemaker blir lagt inn av kardiolog på operasjonsavdelinga. Elektrokonvertering føregår på intensiv.

Det er etablert hjartesviktpoliklinikk (100 pas. 2022 ) og kardiologisk/geriatrisk poliklinikk for selekterte pas. over 80 år, med kardiolog/overlege med kompetanse i geriatri og spesialsjukepleiar. Kurs i eigenmåling av INR vert utført av lungelege. 

Dialyseavdelinga

Denne er lokalisert i 4. etasje og har 10 plassar. Her vert dialyse gitt mandag til og med lørdag. I tillegg er det satellittdialyse på lokalsjukehus både på Nordfjordeid og i Lærdal. Oppfølging av pasientar i peritonealdialyse skjer også her.

Overlegebemanning og utdanningskandidatar pr. nov. 2022

KARDIOLOGI: 3 kardiologar i full klinisk stilling og 1 kardiolog som i tillegg driv med geriatri. 1 utdanningskandidat, konstituert overlege. 1 LIS 2 som vil gå vidare til LIS 3 kardiologi. 1 LIS 3 under spesialisering på HUS, ferdig sept. 2023.

LUNGE: 2 lungelegar, i tillegg 2 utdanningskandatar der begge er konstituerte overlegar og 1 LIS 3.

GASTROENTEROLOGI: 2 gastroenterologar i full stilling, 1 gastroenterolog i 75 % stilling (poliklinikk) og 3 utdanningskandidatar, der 1 er konstituert overlege.

NEFROLOGI: 2 nefrologar, 2 undervegs mot LIS 3 nefrologi 

ENDOKRINOLOGI: 1 endokrinolog i 92 % stilling( poliklinikk)

GERIATRI: Tilknytt geriater frå Haraldsplass diakonale sjukehus (HDS) i 5 %. Ein kardiolog med særleg interesse for geriatri. Driv eldremedisinsk poliklinikk og geriatrisk-kardiologiske sengar. 1 LIS 3 under spesialisering ved HDS. 

INFEKSJON: Infeksjonsmedisinar med konsultasjonsverksemd. Er avdelingssjef i mikrobiologisk avd.

Medisinsk avdeling i Førde har 10 LIS 2 i vaktrotasjon (3 år, inkl. teneste på intensiv). LIS 3 får vidareutvikle seg gjennom poliklinikk- og postarbeid på dagtid og deltek i AMM-vakter. Framtidig obs-post er under planlegging, med AMM-lege som sentral aktør i samarbeid med andre spesialitetar.

Vaktdøgnet er delt opp slik at ein LIS 2 har vakt på dagtid og ein på natt. LIS 2 som tek over vakt på ettermiddagen har fri før og etter vakt. AMM-vaktene fungerer til kl. 20.30 på dagtid vekedagane, 09 – 16 i helgane.

POSTFORDELING: LIS roterer 1. februar og 1. september. 3 LIS på hjarte/geriatri-post, 2 LIS på lungepost, 2 LIS på mage-tarm-post, 2 LIS på nyre/endokrinologisk post og 1 LIS på intensiv/overvakingspost (MIO). LIS på MIO er dei mest erfarne LIS 2. LIS 3 er stasjonert i sitt spesialfelt.

VAKT: Vi har treskikta døgnvaktsystem med LIS 1, LIS 2 og overlege. LIS 1 og 2 har aktiv vakt heile døgnet og vaktdøgnet er delt i to. Overlege har aktiv vakt 08.00 til 16.00 og 18.00 til 22.00 og deltek på visitt kvar kveld bortsett frå i helgane. LIS 2 på vakt tolkar EKG for alle ambulansane i heile fylket. STEMI blir sendt rett til Haukeland for primær PCI. Typisk NSTEMI blir stabiliserte og sende vidare til Haukeland dagen etter. LIS 2 blir ofte konferert med i spørsmål om innlegging FSS, lokalsjukehusa på Nordfjordeid (NSH) og i Lærdal (LSH).

Etter 2,5 – 3 år innan generell indremedisin (LIS 2) vil LIS jobbe vidare med læringsmåla knytt til kardiologi gjennom klinisk praksis, eigenstudie, kurs, supervisjon og god veiledning. Kvar einskild kandidat skal ha ein individuell utdanningsplan som også viser til vidare utdanning på regionsjukehus, primært i Helse Vest. Utdanningskandidaten vil ha teneste knytt til sengepost, poliklinikk, akuttmottak og til 
overvakings-og intensivavdelinga. Estimert tid til denne tenesta er 1,5 til 2 år i Helse Førde, deretter 2 år i Helse Bergen. 

Ved oppstart skal LIS 3 få utnemnt veiledar innan 2 veker. Vedkomande får munnleg og skriftleg introduksjon og tildelt kompetanseplan i kompetansportalen som veiledar 
kandidaten gjennom dei bestemmelsar som gjeld for arbeidsplassen og den faglege utviklinga. 

Supervisjon

Vi er ei oversiktleg avdeling med tett samarbeid mellom LIS og overlege. Spesialist har avsett tid til supervisjon i samband med legevisitt og det er tett oppfølging utover dagen på post og poliklinikk. Elektronisk kurve (Meona) er innarbeidd og det vert jobba med optimalisering av pasientflyt, kommunikasjon og samhandling ved hjelp av elektronisk verkty (Imatis og Iphone). Tavlemøter er innført på alle postane i medisinsk avdeling, der lege og pleiepersonell samordnar plan for pasientane.

Rettleiing

Det er avsett tid til rettleiing i systemet GAT annankvar fredag 08.15 – 09.15. LIS og overlege må avtale møter utover dette. Kravet er ein times møte x 1 pr. mnd. (10 pr. år) Det skal dokumenterast referat i kompetanseportalen. Overlegegruppa fungerer som «evalueringskollegium» for alle LIS 2/3, eit viktig supplement for å oppnå god undervegs- og sluttvurdering.

Fagleg fordjuping

LIS har avsett i snitt 4 timar fagleg fordjuping/veke i tenesteplanen. Dei fleste får ta ut denne tida, om ikkje blir tida kompensert på eit seinare tidspunkt.

Kurs og faglege møter

LIS har rett på 2 veker permisjon pr år til nødvendige kurs. Utdanningskandidaten er sjølv ansvarleg for å følge med i kurskatalogen og søkje på desse. Etter søknad kan det godkjennast konferansar ut over dette i samråd med leiar. Det vil då primært stimulerast til deltaking i nasjonale konferansar innanfor det kardiologiske miljøet.

For å oppfylle måloppnåing vil LIS bli evaluert fortløpande i det kliniske arbeidet. 
Supervisjon vil vere hovudfokus for den formative vurderinga, men det blir og lagt vekt på varierte læringsformer innan t.d. simulering og ferdigheitstrening. Individuell veiledning og vurdering i evalueringskollegium er sentralt for å summere LIS sin kompetanse.

I praksis vil vurderinga av utdanningskandidatane følgje desse rammene:

1. Utdanningskandidatane sender inn oppnådde læringsaktivitetar fortløpande til 
   supervisør/veiledar. 
2. Veiledar/supervisør vurderer om dei har godt nok grunnlag for å kunne godkjenne læringsaktiviteten i samarbeid med evalueringskollegiet. 
3. Ved tvil om læringsaktiviteten kan godkjennast må dette diskuterast i 
   evalueringskollegium. Veiledar har ansvaret for å gi tilbakemelding til kandidaten kva som må gjerast for å styrke grunnlaget for godkjenning. 
4. Når alle læringsaktivitetar er oppnådde sender kandidaten læringsmålet til 
   godkjenning hos leiar.

Den teoretiske undervisninga blir hovudsakleg organisert som førelesingar mellom kollega. Når det ligg til rette for det blir det gitt demonstrasjon av praktiske prosedyrer og deltaking i webinar med eksterne aktørar. LIS 3 eller spesialistar som har vore på kurs og konferansar, har ansvar for å gjenta sentrale delar av innhaldet som ledd i avdelinga sin undervisningsplan. Utdanningskandidaten skal ha ansvar for ca 25 % av undervisningane. Delar av kravet for spesialiteten vert dekka av undervisninga i generell indremedisin som skjer måndag – torsdag etter morgonmøtet. Totalt sett skal dette dekke for kravet om 70 timar undervisning pr. år. Oversikt over tema for undervisning innan dei ulike læringsmåla for LIS 3 hjartesjukdommar ligg i eiga XL-fil på avdelinga si fagside.

Supervisjon vert gjort fortløpande med den av hjartespesialistane som er på poliklinikken. I løpet av tenesta skal kandidaten kunne sjølvstendig utføre dei prosedyrer som er opplista, unnateke innlegging av pacemaker.

Vi nyttar oss av simulering i utdanning, kvalitetssikring og etterutdanning. Fasilitert 
simulering skal vere ein del av undervisningsplanen for LIS 3 gjennom opplæringa i 
prosedyrer. Videre skal metoden nyttast i kvalitetssikring av lokale forhold og i 
etterutdanninga, sjå under. 

Kvalitetssikring er ein del av undervisningsplanen. Vi deltek i nasjonale kvalitetsregister for hjarteinfarkt og hjartesvikt. For vidare å sikre kontinuerlig kvalitetsforbedring skal vi ha regelmessig fasilitert observasjon av prosedyrer der læringsmåla vert knytt opp mot kommunikasjon, teamarbeid og ulike faglege fokusområde.

Ein sentral del av etterutdanninga av avdelinga sine spesialistar er internundervisninga samt supervisjon og veiledning av LIS. Vidare vil fasilitert observasjon og supervisjon bidra til det same. Spesialistane skal delta på minimum 2 regionale, nasjonale eller internasjonale møter/konferanser pr år. Spesialistane skal gje tilbakemelding frå kurs og konferansar på internundervisning.

Torsdagar kl. 15.00 til 16.00

Teoretisk undervisning LIS 3 hjarte, saman med overlegar evt. spesialsjukepleiarar

Generell Indremedisin

Mandag til torsdag kl 08.15 - 08.45

• Teoretisk undervisning i generell indremedisin
• Ein stor del av undervisninga dekker sentrale emne innan kardiologi, jfr utdanningsplan indremedisin

Litteratur

Sentrale lærebøker

Generelle oppslagsverk via Helsebiblioteket

• UpToDate.com
• BestPractice (BMJ)

Sentrale internasjonale organisasjonar med tilgang til guidelines og undervisning

Generelle tidsskrifter

• Annals of Internal medicine
• The Lancet
• British Journal of Medicine
• New England Journal of Medicine
• JAMA

Størsteparten av læringsmåla i FKM skal nåast gjennom klinisk praksis, t.d. vil etisk refleksjon måtte utviklast gjennom deling av erfaringar knytt til aktuelle pasientkasus. Felles regional kompetanseplan vert tildelt alle LIS 2/3. Todagars basiskurs er del av denne. Tema kring etikk, forskingsforståing, pasienttryggleik/forbedringsarbeid, leiing/systemforståing, kommunikasjon / pasient- og brukarmedverknad og lovverk vert, i tillegg til klinisk praksis, gjennomgått via kurs og gruppeveiledning. Det vert lagt til rette for gjennomføring av forbedringsarbeid knytt til programma for pasienttryggleik, tenesteutvikling, arbeid med antibiotikastyring og kvalitetsregister m.m. 

• Torgeir Finjord: Utdanningsansvarleg overlege, spesialist i indremedisin, 
  fordøyelsessjukdommar og akutt-og mottaksmedisin.
• LIS 2 Anna Aasen Savland, Eirik Søreide
• Håkon Sirnes: Utdanningsansvarleg kardiologi

Som LIS 1 skal alle ha gjennomført FKM-LM 10-12 om forskingsforståing og som LIS 2/3 FKM-LM 13 som gjeld forskingsprotokoll, lovverk og forskingsetikk. Temaet forsking er del av obligatorisk gruppeveiledning for LIS 2/3 og to-dagars basiskurs innan FKM. Det blir tilrettelagt for at LIS 2/3 får delta i kvalitetsutviklingsarbeid, t.d. registerarbeid knytt til hjarteinfarkt og forsking som del av Helse Førde sitt arbeid, eller som deltaker i forskingsgruppe initiert av andre foretak. Medisinsk avdeling har lang erfaring med deltaking i medikamentstudiar. Forskingsveiledning blir gitt av «Senter for helseforsking», eit samarbeid mellom Helse Førde og Høgskulen på Vestlandet, men all forsking skjer i regi av Helse Førde. Personvernombodet er sentral i å sikre korrekte søknadsprosessar.

Alle LIS ved avdelinga får utarbeidd individuell utdanningsplan (gjennomføringsplan) saman med leiar. Planen skal sikre utdanningsløpet fram til ferdig spesialist. Denne skal lagrast i personalmappa.

Avdelinga fokuserer på fasilitert simulering innan fleire av læringsmåla, spesielt innan kvalitetssikring og ferdigheitstrening. For det første satsar vi på utdanning av fasilitatorar blant overlegar, men også blant LIS. Det er etablert simulert læring av kommunikasjonsteknikkar i samband med undervisninga i generell indremedisin. Vidare vil fasilitert observasjon og simulering vere del av undervisningsopplegget i hjartesjukdommar.

Vi har lokale avdelingstillitsvalde for LIS og overlegar. 

Seksjonsleiar legetenesta: Hildur Thingnes 
Utdanningsansvarleg overlege: Torgeir Finjord