Lungerehabilitering

Informasjon 

Programmet i rehabiliteringa er retta mot deg som har fått KOLS – diagnosen stilt hjå lege og opplever at symptom som til dømes tung pust, hoste og slim avgrensar deg i kvardagen. Kurset har maksimalt 8 deltakare og blir arrangert 1 gong i halvåret. 

Føremål:  

Målet med programmet er at du skal leve best mogleg med KOLS ved å få: 

• Auka kunnskap og innsikt i eigen sjukdom 
• Betre meistring av daglege aktivitetar og livssituasjon 
• Lære om og få styrka motivasjon til fysisk aktivitet. 

Lær meir om: 

Få meir kunnskap om lungesjukdom og korleis ta medisin slik at du får best effekt. Lær også meir om mellom anna pusteteknikk, trening, tilpasse behandling etter form, stressmeistring, gode matvanar, korleis gjere kvardagsaktiviteter på ein enklare og effektiv måte.  

Kor mykje tid tek det? 

Programmet går over 12 samlingar  i veke 38-45. Det vil vere undervisning og trening alle dagar om ikkje anna blir opplyst. Det vert lagt opp til individuell samtale/rettleiing med sjukepleiar og fysioterapeut gjennom programmet.