Seksjon rus

Seksjon for rusbehandling er eit fylkesdekkjande tilbod som gjev tverrfagleg spesialisert rusbehandling til menneske over 18 år med alle typar rusproblem. Seksjonen har ti døgnplassar. Dersom ein pasient treng medisinsk avrusning der det er risiko for alvorlege komplikasjonar er det Medisinsk avdeling i Helse Førde som har ansvaret for dette.

Pasienten sine individuelle behov og mål er grunnlaget for behandlinga. Ved å ta utgangspunkt i daglege gjeremål, pasienten sine eigne mål og utfordringar, og situasjonar som oppstår i fellesskapet, jobbar ein systematisk og målretta mot endring. Fysisk aktivitet er ein viktig del av behandlinga, og det vert lagt vekt på individuell tilrettelegging.

God samhandling med kommunehelsetenesta, NAV, fastlege, andre tenesteytarar og pårørande er viktig. Vi ønskjer å leggje best mogeleg til rette for at behandlinga di vert individuelt tilpassa og opplevd som nyttig og meiningsfull. Utgangspunkt for behandling her er gjensidig respekt og tillit, reell pasientmedverknad og støtte til oppleving av meistring. Vi er spesielt opptekne av å ivareta born som er pårørande.

Tilvising
Du vil få svar på tilvisinga di innan 10 yrkedagar. Du kan bli kalla inn til ei samtale slik at vi kan innhente meir informasjon og planlegge helsehjelpa.

Koordinator
På innleggingsdagen får du samtale med din koordinator. Koordinator her er enten psykolog, sosionom eller lege. Tildelt koordinator vil, saman med deg, ha ansvar for å utforme plan for behandlinga. Koordinator er også bindeledd mellom psykiatrisenteret, ulike tenester i din heimkommune og dine næraste pårørande.
Du vil få tildelt eit primærteam. Dette er dine næraste kontaktpersonar i avdelinga.

Praktisk informasjon

Møt opp i resepsjonen når du kjem
Alle pasientromma er einerom med bad og dusj, du får eigen nøkkel
Felles kjøken og stove
Vi har vaskerom med vaskemaskiner og tørketromlar
Vi har besøksrom der du kan ta imot besøk
Ta med gode kle og sko til inne- og uteaktivitetar
Du kan ta med eigen pc og liknande, vi har trådlaust nett
Kort veg til sentrum med kino, bibliotek, butikkar med meir

https://www.norsefeedback.no/

Fagleg grunnlagsdokument - endeleg versjon 25.05.22.pdf

Behandling

Du og primærteamet ditt vil i starten av innlegginga ta stilling til korleis døgnbehandlinga skal leggjast opp, her byggjer ein vidare på samtalen som vart gjennomført med deg før innlegginga. Ein av primærkontaktane vert oppnemnt som pårørandekontakt. Primærteamet har jamlege møter for å utarbeide behandlingsplan og evaluere denne. Planlegging av utskriving startar raskt med utarbeiding av ein meistringsplan og bruk av personleg vekeplan. Avslutningsvis vert det gjennomført samarbeidsmøte med dei som skal følgje deg opp heime.

Som pasient ved Seksjon rus kan ein få behandling som samtaleterapi, meistringsgrupper, medikamentell behandling, miljøterapi, fysisk aktivitet, fysioterapi, psykoedukativ familiegruppe, musikkterapi og individuell jobbstøtte. Alle pasientar får tilbod om å delta i faste møter der ein samarbeider om å utvikle helsetenestene, samt delta i vekentlege møter med Rusettervernet i Sogn og Fjordane.

Du kan få samtaleterapi hos psykolog, sosionom eller lege.

Medisinsk oppfølging og behandling:
Du vert undersøkt av lege ved innkomst. Lege føl opp vidare og om naudsynt vert du tilvist anna medisinsk undersøking i spesialisthelsetenesta.
Pasientar som har behov for medikamentell behandling får dekka og utdelt medisin her. Det er viktig at du tek med deg ei oppdatert oversikt over medisinar du brukar når du møter til innlegging.

Pasientar ved seksjon rus har tilbod om samtalegruppe ein kveld i veka. Det er pasientane sjølve som vel tema. Gruppa er leia av to miljøterapeutar.

Fysisk aktivitet er eit sentralt behandlingstilbod. Vi arrangerer felles, korte og lengre fjellturar, to dagar i veka heile året. Det er lagt til rette for eigentrening i treningsrom her, og elles høve til fri bruk av treningsstudio i Eid sentrum. Vi disponerer også svømmehall og idrettshall til faste tider. Helsesportspedagog gjev tilbod om oppfølging individuelt og i grupper.

Dette er ein stad der pasientar, tilsette og leiing ved seksjon rus møtast kvar 14. dag for å handsame saker som har med behandlingstilbod og tenesteutvikling å gjere.

Tilvising kan sendast frå:

Sosialtenesta
Barnevernstenesta
Lege
Anna helsepersonell med tilvisningsrett til spesialisthelsetenesta

Dersom det ikkje vert nytta elektronisk tilvising, skal ein nytte denne adressa:

Helse Førde, Nordfjord psykiatrisenter, Postboks 1000, 6807 Førde
Meir om tilvising
https://helse-forde.no/avdelinger/psykisk-helsevern/informasjon-til-kommunehelsetenesta

Navn

Arild Krogh Nøstdal

Leiar seksjon rus

arild.krogh.nostdal@helse-forde.no

57 86 43 42

Kontakt

Telefon

Vaktrom

57 86 43 40

alternativt 57 86 43 48

Leiar seksjon rus

57 86 43 42

Arild Krogh Nøstdal

Postadresse

Helse Førde, Nordfjord psykiatrisenter, postboks 1000, 6807 Førde.

Kontakt oss via VestDialog

Kontakt oss

Slik finn du fram

Nordfjord psykiatrisenter

Sjukehusvegen 9

6770 Nordfjordeid

Finn fram

Buss

Nordfjordeid Rutebilstasjon ligg i Nordfjordeid sentrum og er om lag ein kilometer frå psykiatrisenteret/BUP/sjukehuset.

På nettsidene til skyss.no finn du bussruter med oversikt over stoppestadar og tider for Sogn og Fjordane.

Frå Nordfjordeid er det også bussamband til Bergen, Oslo, Ålesund og Trondheim.

Parkering

Det er mogleg å parkere gratis på sjukehusområdet for pasientar og besøkande.

Praktisk informasjon

Mange pasientar og pårørande ønskjer å ta bilete eller video som eit minne frå tida på sjukehuset. Då kan det vere lurt å hugse nokre reglar.

Det er sjølvsagt heilt greitt så lenge det er pasientane og/eller pårørande og vener som er på bileta.

Det er likevel ikkje lov å ta bilete av medpasientar eller tilsette. Vi har hatt tilfeller der bilete av medpasientar/tilsette er blitt publisert i digitale media utan deira godkjenning.

Vi håper alle viser respekt for personvernet til alle dei møter under besøket på sjukehuset og avgrensar fotografering til å gjelde eigen familie og vener.

Norfjord psykiatrisenter er røykfritt.

Psykiatrisenteret er ope for besøk av pårørande og andre heile dagen. Vi ber likevel om at besøkande ringjer på førehand slik at besøket ikkje kolliderer med andre aktivitetar.