Vi tilrår at du alltid nyttar siste versjon av nettlesaren din.

Dødfødsel

Når eit barn døyr før fødselen, er det ein av dei største tragediane foreldre kan oppleve. Alle forventingane og planane for ei framtid med den nye familiemedlemmen, blir snudde til sjokk, krise og sorg.

Dødfødsel og seinabort

Verdshelseorganisasjonen (WHO) definerer dødfødsel som fødsel av barn etter svangerskapsveke 22, der barnet ikkje viser livsteikn ved fødselen. Barnet pustar ikkje og hjarta har slutta å slå. 

Om barnet blir født før svangerskapsveke 22, blir det definert som seinabort. For foreldra kan sorga vere sterk og vond same når i svangerskapet barnet døyr og kva som er dødsårsak.

Landsforeningen uventet barnedød har mykje informasjon, rettleiing og råd til foreldre og familiar som opplev å miste barna sine i dødfødsel.

Utgreiing

For å stadfeste at barnet i magen er dødt, blir det alltid gjort ei ultralydundersøking.

Funnet må bekreftast av to helsepersonell med ultralydkompetanse, lege eller jordmor. Lege og jordmor vil da informere mor / foreldra om at barnet er dødt, og legge ein plan for fødselen. 

Det kan skje at kvinna ber om at det blir gjort keisarsnitt for å få fødselen raskt overstått. Men keisarsnitt kan vere ein komplisert operasjon når barnet er dødt. Det er akua risiko for å blø, og skal kunn gjerast når det er heilt nødvendig av omsyn til mors helse. Ein vanleg vaginal fødsel er anbefalt.

Prøver 

For å sikre at ein skal få eit best mogleg bilde av kva som har skjedd med barnet, er det vanleg å ta blodprøver av mor før ho blir sett i gang i fødsel. Det blir også tatt bakteriologiske prøver mor og sidan frå barnet og morkaka når barnet er fødd. Det kan også takast prøve av fostervatnet via eit nålestikk i magen til kvinna for å sjå om det er bakteriar tillate i fostervatnet. 

Behandling

Om ikkje fødselsriene har begynt når mor kjem til fødeavdelinga, vil fødselen bli satt i gang. Nokon ønsker å bli innlagde på fødeavdelinga og få sett i gang fødselen med ein gang dei får vite at barnet er dødt, mens andre treng litt meir tid.

Igangsetting kan utførast med ballongkateter, cytotec, amniotomi og riestimulering med oxytocin. 

Om mors helse tillater det, kan det vere godt for mor/foreldra å få litt tid frå dei får beskjed om at barnet er dødt, til fødselen settast i gang. Mange vel då å dra heim til familien, barn og/eller nære venner, men har ein avtale om når dei bør komme tilbake til fødeavdelinga.
 

Fødsel og smertelindring

Under fødselen blir mor/foreldra følgd tett opp av jordmor og lege. Personalet er der for å gi støtte, omsorg og tilgjengeleg informasjon om kva som skal skje, kva som har skjedd og kva som venter i dagane og tida som kjem. Alle får tilbod om smertelindring under fødselen. Epiduralbedøving blir anbefalt til alle som ønsker det – når det er tid og moglegheit for å gi denne bedøvinga.
 

Barnet

Møte med barnet er eit sterkt augeblikk. For mange kan tanken på skulle sjå og halde barnet vere fjernt før barnet er født – men når barnet er født faller det for dei fleste heilt naturleg og både sjå og halde den vesle. Erfaringar og tilbakemeldingar frå foreldre som tidligare har opplevd å miste sitt nyfødde barn, viser at det er godt og viktig for det vidare sorgarbeidet å ha hatt ein slik fysisk kontakt med den vesle.

Den korte tida mor/foreldra får med barnet sitt blir brukte til å samle flest mogeleg minner. Dei fleste foreldre ønsker å vere mest mogleg samen med barnet etter fødselen. Er det mogleg og foreldra ønsker det, kan også familie, søsken og nære venner få møte barnet. 
 
Foreldra får hjelp av jordmor til å ta bileter og fot-/ handavtrykk av barnet. Jordmor kan også hjelpe foreldra med å kle på barnet. Det kan være fint om barnet får på seg de kleda som var laga eller kjøpt inn til den litle. Sjukehuset har også klede eller tepper som barnet kan få på eller rundt seg.

Støtte og omsorg

Sjukehuspresten er ofte til god hjelp og støtte for foreldre. Sjukehuspresten har mykje kunnskap og erfaring frå arbeid med menneske i krise og sorg.  Presten kan og hjelpe til med å planlegge minnestund og/eller gravferd, uansett om foreldra ønsker gravferd i kyrkja eller ikkje.

Årsak til at barnet døydde

Foreldra ønsker alltid ei forklaring på kvifor barnet døydde. Dette er det ikkje alltid mogleg å gi noko svar eller forklaring på. Av og til kan årsaka til dødsfallet avdekkast/sjåast når barnet blir fødd – mens det mange gonger må gjerast ei undersøking av barnet (obduksjon) for å finne årsaka. Foreldra blir alltid spurde og må godkjenne at barnet skal bli obdusert. Uavhengig av obduksjon blir det alltid tatt prøver av fostervatnet, morkake, huda/nase/munn til barnet. Men sjølv med svar på alle desse undersøkingane – som kan ta fleire veker å få svar på - er det ikkje alltid mogleg å finne årsaka til at barnet døydde.  

Det er vanleg at foreldra får tilbod om ein samtale med lege på fødeavdelinga nokre veker/månader etter fødselen. Legen vil da gå gjennom prøvesvar og eventuelt resultata frå obduksjonsrapporten med foreldra. Det kan i denne samtalen også vere aktuelt å snakke om korleis eit eventuelt nytt svangerskap bør følgast opp.

 

 

Oppfølging

Sorgarbeid 

Foreldra kan oppleve og uttrykke sorga veldig ulikt. Nokon ønsker å snakke mykje om barnet og det som har skjedd. Nokon opplev at dei lindrar sorga mest ved å sjå framover og fokusere på dei positive tinga i livet. Det er ikkje noko fasitsvar på kva som er den beste og rette måten å takle sorgarbeidet på. For foreldra er det viktig å vere open og snakke saman om korleis dei har det, og korleis dei best kan støtte og hjelpe kvarandre.

For foreldra tek det som oftast lenger tid å finne tilbake til «kvardagen», enn det gjer for resten av familien og venner. Nokre foreldre kan oppleve dette som sårande, og sorga kan i denne fasen påverke relasjonane til familie og venner. Å fortelle om korleis man har det og kva støtte og hjelp en treng, kan vere vanskeleg for foreldra i denne tida. Spør derfor foreldra direkte om korleis man best kan hjelpe og støtte dei.

Sorggruppe

Mange foreldre har funne hjelp og trøst i å vere med i ei sorggruppe. Dei fleste sjukehus gir foreldre som har mista barnet sitt tilbod om å delta i ei sorggruppe. Det er jordmødrer som driv sorggruppene. Gruppene møtest regelmessig, ofte ein gong i månaden eller så ofte som gruppa avtalar. Kor lenge ein ønsker å vere med i gruppa bestemmer foreldra sjølv.

Sorggruppa er ein stad der foreldra kan snakke om barnet og det som har skjedd. Det er også eit stad kor foreldra møter andre foreldre som og har mista sitt barn. Foreldra får slik høve til å snakke med eller lytte til andre foreldre sin historier, dele tankar og erfaringar. Tema for samtalane bestemmer gruppa sjølv. Tema som foreldre ofte ønsker å snakke om er; kva som skjedde, erfaringar frå sjukehuset, minner, sorga og saknet over tid, reaksjonen til familie og venner, parforholdet, kvinner og menn sørger ulikt, møte med kvardagen og jobben igjen, å sjå framover og ev. ønske om å bli gravid igjen. Foreldre fortel at dei opplev at det er godt å delta i sorggruppe.

Seinabort: Fosterdød før veke 22

Når fosteret døyr før svangerskapsveke 22 er det kalla seinabort. Når foreldre mistar eit barn tidlegare i svangerskapet opplever ikkje alltid foreldre same støtte frå omgivnadene som når barnet døyr mot slutten av svangerskapet. Men for foreldra kan sorga vere like sterk same når i svangerskapet barnet døyr. 

Foreldre som ønsker hjelp til å takle sorgarbeidet bør snakke med jordmora eller legen på sjukehuset, fastlege/kommune jordmor, eller kontakte Stiftelsen Amathea (www.amathea.no), tlf.: 906 59 060

Framtidig svangerskap 

I eit eventuelt framtidig svangerskap vil gravide kvinner som tidlegare har opplevd intrauterin fosterdød få tilbod om å bli følgd tett opp i sekundærhelsetenesta hos fødselslege og jordmor. Oppfølginga vil bli skreddarsydd til kvinnas historie den gongen ho mista eit barn, samtidig som ein også skal vareta det psykiske helsa og behovet til kvinna i det aktuelle svangerskapet. 

Mange kvinner vil ha behov for tettare oppfølging i den perioden av svangerskepet kor dei mista det førre barnet, nokon vil ha behov for igangsetting av fødselen før ein kjem til denne svangerskapslengda, dersom det førre barnet døydde seint i svangerskapet.   

Sist faglig oppdatert 20.10.2025

Kontakt

Førde sentralsjukehus Kvinneklinikken

Kontakt Kvinneklinikken

Oppmøtestad

Føde- og barselavdeling
All kontakt på dagtid til sekretær i ekspedisjon i 5. etasje, anten direkte ved oppmøte i luke eller på telefon 578 39 233. Etter klokka 15.00 kontaktar du oss på telefon 578 39 233/578 39 132, då går telefon direkte inn på felles vaktrom for gynekologi, føde og barsel. Ved oppmøte i avdelinga etter klokka 15.00: ta direkte kontakt med personalet på vaktrommet i 5. etasje.

Gynekologisk sengepost
All kontakt på dagtid til sekretær i ekspedisjon i 5. etasje, anten ved direkte oppmøte i luke eller på telefon 578 39 233. Etter klokka 15.00 kontaktar du oss på 578 39 233/578 39 132, då går telefonen direkte til felles vaktrom for gynekologi, føde og barsel. Dersom du som pasient har fått time til konsultasjon føl du instruksen på innkallinga i høve oppmøtestad.

Føde poliklinikk
All kontakt via telefon i høve ultralyd. Du kan du ringe på dagtid måndag til fredag frå klokka 08.00 til klokka 15.00 Du treff oss på telefon 578 39 233. Har du time på fødepoliklinikk, så kontaktar du ekspedisjonen i 5. etasje.

Gynekologisk poliklinikk
All kontakt på dagtid til sekretær i ekspedisjon i 5. etasje frå mandag - fredag frå kl.08.00 - 15.00.  Telefon 57839239

Ammepoliklinikk - tysdagar
Har du ønskje om time på ammepoliklinikk, ring sekretær på dagtid måndag til fredag klokka 08.00 - 15.00 på telefon 578 39 233. Tilvising er ikkje naudsynt. Oppmøtestad til ammepoliklinikk er på venterom i 5. etasje.

Samtalepoliklinikk
Har du behov for fødselssamtale må du ha tilvising frå jordmor eller fastlege. Her treff du faste jordmødre som i tillegg til samtalepoliklinikken jobbar ved føde/barsel avdelinga. Oppmøtestad er i 5. etasje. Du må gjerne ha med partner under samtalen.

En stor bygning med en stor plen foran seg

Førde sentralsjukehus

Svanehaugvegen 2

6812 Førde

Finn fram

Transport

Buss

Det går regelmessig rutebussar mellom Førde Sentralsjukehus og Førde Rutebilstasjon.

På nettsidene til skyss.no finn du bussruter med oversikt over stoppestadar og tider for Sogn og Fjordane.

Frå Førde er det også gode bussamband til Bergen, Oslo, Ålesund og Trondheim.

Flybuss

Det går direkte flybuss frå Førde Lufthamn Bringeland til Førde Sentralsjukehus for alle fly som landar. Bussen stoppar ved busstoppet på motsatt side av Vievegen, på austsida. Herfrå går flybussen til Førde Lufthamn Bringeland 75 minutt før alle flyavgangar.

Parkering

Det er mogleg å parkere gratis på sjukehusområdet for pasientar og besøkande.

Taxi

Drosjesentralen i Førde er om lag 100 meter frå Rutebilstasjonen. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

 

Praktisk informasjon

Ved Førde sentralsjukehus finn du Sjukehusapoteka Vest HF si avdeling i Sogn og Fjordane.

​​Apoteket gjev tilbod til alle nyutskrivne og polikliniske pasientar ved Førde Sentralsjukehus, samt alle tilsette og besøkande.  Sjukehusapoteket er altså open for alle.

På veg heim frå sjukehuset kan pasientar få med seg alt dei treng av legemiddel og utstyr for vidare behandling heime. I tillegg har apoteket eit stort og variert utval av reseptfrie legemiddel, hudpleiemiddel, kost- og ernæringsmiddel samt andre apotekvarer.

Apoteket gjer klar legemidla medan du ventar og gjev råd om korleis du skal bruke dei på rett måte.

Apoteket forsyner dei fleste avdelingane i Helse Førde med legemiddel, apotekvarer og farmasøytiske tenester og gjev farmasøytisk rådgjeving til mange kommunar i Sogn og Fjordane.

​For å få behandling ved sjukehus eller poliklinikk må du i utgangspunktet vere tilvist frå lege, kiropraktor eller manuell teapeut. Har du trong for legehjelp skal du ringe fastlegen din eller den kommunale legevakta.

Les meir om eigendelar på helsenorge.no

Mange pasientar og pårørande ønskjer å ta bilete eller video som eit minne frå tida på sjukehuset. Då kan det vere lurt å hugse nokre reglar.

​Det er sjølvsagt heilt greitt så lenge det er pasientane og/eller pårørande og vener som er på bileta.

Det er likevel ikkje lov å ta bilete av medpasientar eller tilsette. Vi har hatt tilfeller der bilete av medpasientar/tilsette er blitt publisert i digitale media utan deira godkjenning.

Vi håper alle viser respekt for personvernet til alle dei møter under besøket på sjukehuset og avgrensar fotografering til å gjelde eigen familie og vener.

​Ved Førde sentralsjukehus finn du kiosk der du kan kjøpe aviser og andre kioskvarer. Du kan også levere kupongar til Norsk Tipping sine spel.

Alle kantinene i Helse Førde er opne for tilsette, pasientar og pårørande.

​Kantinene på Lærdal sjukehus og Nordfjord sjukehus finn du i underetasjen. Dei har opningstid 10.30 - 14.30.

Hovudkantina ved Førde sentralsjukehus ligg i 2. etasje. Her får du kjøpt varm mat og mykje anna. Den har opent 07.30 - 20.00.
I Førde finn du også ein kafe i 1. etasje innanfor resepsjonen. Denne har opningstid  09.00 - 15.00. Her finn du kaffe, te, anna drikke, påsmurt og kaker m.m.

Kantina ved Indre Sogn psykiatrisenter er open alle kvardagar frå klokka 10.00-13.30.

Kantina på Tronvik er open for tilsette og bebuarar.

​Du kan nytte mobiltelefon ved sjukehusa. Vi oppfordrar likevel alle til å bruke mobilvett og ta omsyn til medpasientar.

Det er viktig å sette telefonen på stille om natta, og på stilleringing eller vibrering om dagen. Av omsyn til dei andre pasientane er det best å gå ut av rommet dersom du må ta ein lengre samtale.

Vi ber om at du inne på pasientrommet ikkje snakkar eller har lyd på mobilen i tidsrommet etter klokka 21.30 til klokka 08.00 neste dag.

Det er gratis trådlaust nettverk for pasientar, pårørande og besøkande på sjukehusa. Dette kan du kople deg til frå din smarttelefon.

Førde sentralsjukehus har sett av hundre parkeringsplassar berre for pasientar og pårørande. Er alle desse plassane opptekne, er det fleire parkeringsområde rundt Førde sentralsjukehus. Ledige plassar på desse områda kan òg nyttast av besøkande.

Blodgjevarar og rørslehemma har eigne parkeringsplassar mellom anna framfor hovudinngangen og rundt om på sjukehuset sitt område. Dei som kan parkere her, har eige parkeringsløyve. Utan slikt løyve er parkering rekna som ugyldig.

Ordinær parkering for pasientar og pårørande:
Parkeringsplassen er inn frå Svanehaugvegen, nord-aust for Svanabygget som er hovudbygningen ved sjukehuset. På nedsida av parkeringsplassen er det også ladepunkt for el-bil. 

 

​I 6. etasje har Førde sentralsjukehus eige pasienthotell.

Pasienthotellet har 22 senger. Dei er fordelt på seks enkle rom og åtte doble rom. Alle romma er tilpassa rullestolbrukarar.

​Treng du nokon å snakke med? Sjukehuspresten er til for deg anten du er pasient eller pårørande. I møte med denne omsorgstenesta kan du finne ein «fristad» og ein plass å samle tankane. I samtale med sjukehuspresten er det tid og rom for både stort og smått.

Du treng ikkje ha kristen eller religiøs tru for å ta kontakt. Det er ditt liv og dine tankar som har fokus. Det er sjølvsagt og høve til klassiske prestetenester som mellom anna sermoniar og bøn.

Uansett kva du har på hjartet er sjukehuspresten tilgjengeleg for å møte deg, der det passar deg best. Det kan vere på telefon, prestekontoret, pasientrom, i kantina eller kanskje på ein benk ute.

Ta kontakt direkte med Helene Langeland på telefon 908 79 281, eller spør personalet om å tilkalle/avtale tid med prest.

Sjukehuspresten er primært tilgjengeleg i ordinær kontortid, men kan og tilkallast til andre tider.

Kontoret er på plan 2, første dør til høgre for inngangen til kantina.

Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).
  3. Les nøye gjennom vilkåra.
  4. Trykk "Godta" når du har lese og forstått vilkåra.
Innlogginga skjer automatisk på einingar etter første pålogging, så lenge kontoen er aktiv. Det skal berre vere nødvendig å logge seg på éin gong per eining per 31 dagar.
 

  • Akuttmedisin:
    Etter avtale på telefon 57 83 90 82.
  • Barneavdeling:
    Visittider sengeposten 5. etg: Kontakt personale på vaktrommet.
  • Kirurgisk:
    Visittider sengepost 12.30-13.30 og 18.30-19.30.
  • Kreft:
    Visittider sengepost: Har ikkje faste visittider. Ta kontakt med vaktrommet.
  • Kvinneklinikken:
    Far eller medmor kan kome når dei ønskjer utanom kviletid klokka 13.00-15.00. Søsken til barnet og andre besøkande kan takast i mot utanfor avdelinga.
  • Medisinsk:
    Visittider medisinsk sengepost 14.30-15.30 og 19.00-19.45. Til eineromma: Etter avtale.
  • Nevrologisk:
    Ikkje fast visitttid. Pårørande og andre er alltid velkomne.
  • Ortopedisk:
    13.30-16.00 og 17.30-19.30.