Behandling

Fødsel i seteleie

Når det er setet til barnet og/eller fot som ligg nedst i fødselskanalen, og derfor blir den delen som blir fødd først, blir dette kalla setefødsel. Om lag 3-4 prosent av alle barn ligg i seteleie ved termin.

Tilvising og vurdering

Lege/jordmor kjenner på magen din for å finne ut korleis barnet ligg. Dersom barnet ligg i seteleie etter svangerskapsveke 36-37, blir du vist til næraste fødeavdeling eller gynekolog.

Før

Før fødselen vurderer vi om vi kan tilrå vaginal setefødsel, eller om det er nødvendig å gjere eit planlagt keisarsnitt. Eit anna alternativ er å prøve ytre vending av barnet. Barnet skal ikkje vere for stort eller for lite. Det er også viktig med god informasjon i forkant slik at du kjenner deg trygg og kan vere førebudd på kva som skal skje i fødselen.

Under

Snakk med lege/jordmor du går på kontroll hos, om korleis du skal forhalde deg om fostervatnet byrjar å renne.

Skal du føde barnet ditt i seteleie tilrår vi at du tek kontakt med fødeavdelinga når fødselen startar. Du vil då få råd og rettleiing, mellom anna om når du bør komme til avdelinga.

Vi gjer dei same undersøkingane når du kjem til fødeavdelinga, som dersom barnet hadde lege i hovudleie.

Smertelindring

Ved vaginal setefødsel tilrår vi at du får eit epiduralkateter i ryggen fordi du treng god smertelindring når barnet skal fødast.

Overvaking

Ved seteleie overvaker vi hjartefrekvensen til barnet kontinuerleg gjennom fødselen for å vere sikre på at barnet har det fint. Det er likevel ikkje uvanleg at eit barn fødd i seteleie er litt slapt med ein gong. Barnet kan derfor trenge stimulering og enkel pustehjelp heilt i starten. Det er rutine at barnelege er til stades ved fødeavdelinga ved slutten av fødselen.

[Endre bokmål: Ved seteleie overvåker vi barnets hjertefrekvens kontinuerlig gjennom fødselen for å være sikre på at barnet har det fint.
Det er rutine at barnelege er til stede ved fødeavdelingen ved slutten av fødselen.]

Rifter

Mange kvinner uroar seg for at dei vil få rifter i samband med setefødsel. Setet er mjukt samanlikna med hovudet, og det er faktisk mindre risiko for alvorlege rifter under ein setefødsel enn ved ein hovudfødsel. Dei same retningslinjene som ved hovudleie er gjeldande for å vurdere eventuelt behov for klipp (episiotomi) under siste del av fødselen.

Framgang gjennom fødselen

Ved vaginal setefødsel er det viktig med god framgang gjennom fødselen og spesielt mot slutten. Det er som regel éin eller to legar som hjelper til og tek imot barnet, og jordmor er med og assisterer. På enkelte fødeavdelingar blir det fødd barn i seteleie med mor på alle fire. Uansett må du sjølv trykkje ut nesten heile barnet, og legen vil hjelpe til med å forløyse skuldrene og til slutt hovudet. Av og til kan det heilt på slutten bli nødvendig å leggje ei fødetong rundt hovudet til barnet for å forløyse hovudet til barnet på ein skånsam måte.

Keisarsnitt

Ein har ikkje høve til å hjelpe til med tong eller sugekopp (vakuum) tidlegare i fødselsforløpet på same måte som ved eit hovudleie. Dette betyr at fleire kvinner med seteleie vil ende opp med eit akutt keisarsnitt. Tal frå Noreg viser at opptil 30 % av dei som prøver ein vaginal setefødsel vil ende opp med akutt keisarsnitt. Ved hovudleie ligg keisarsnittdelen på 2-20 %, avhengig av om ein føder for første gong eller om ein har fødd tidlegare.

Akutt keisarsnitt i fødsel blir vanlegvis gjort med bedøving i ryggen, slik at du er vaken. Ein følgeperson kan som oftast vere med på operasjonsstova. Det er litt større risiko for infeksjon og bløding ved eit akutt keisarsnitt samanlikna med eit planlagt keisarsnitt. Likevel har barnet fått fordelane av stimulering med rier og barnet har blitt eksponert for bakteriar i fødselskanalen som har vist seg å vere gunstig.

Forsking tyder på at barn fødd vaginalt vil ha mindre risiko for astma, allergi, overvekt, autoimmune sjukdommar  og diabetes seinare i livet, samanlikna med barn som er forløyste ved planlagt keisarsnitt. Etter vaginal fødsel vil ein i neste svangerskap ha større sjanse for å kunne føde normalt (uavhengig av leie), og ein vil ikkje ha med seg dei risikofaktorane som eit arr i livmora kan medføre.

Etter

Nokre foreldre bekymrar seg for at ein setefødsel kan skade hoftene hos barnet. Det er rett at barn som ligg i seteleie oftare har såkalla hofteleddsdysplasi (for lite djupe hofteskåler), enn barn som har lege i hovudleie. Sjølve fødselen vil ikkje påverke dette, dette er relatert til slik barnet ligg før fødselen og barnet vil uansett bli undersøkt av barnelege etter fødselen.

Kontakt

Førde sentralsjukehus Kvinneklinikken

Kontakt Kvinneklinikken

Oppmøtestad

Føde- og barselavdeling
All kontakt på dagtid til sekretær i ekspedisjon i 5. etasje, anten direkte ved oppmøte i luke eller ved telefonkontakt 578 39 233. Kontakt etter klokka 15.00 til tlf: 578 39 233/578 39 132, då går telefon direkte inn på felles vaktrom for gynekologi, føde og barsel. Ved oppmøte i avdelinga etter klokka 15.00, ta direkte kontakt med personell på vaktrom i 5. etasje (gå inn dør til fødeavdeling, første dør til høgre).

Gynekologisk sengepost
All kontakt på dagtid til sekretær i ekspedisjon i 5. etasje, anten ved direkte oppmøte i luke eller ved telefonkontakt 578 39 233. Kontakt etter klokka15.00 til tlf: 578 39 233/578 39 132, då går telefon direkte inn på felles vaktrom for gynekologi, føde og barsel. Dersom du som pasient har fått time til konsultasjon føl du instruksen på innkallinga i høve oppmøtestad.

Føde poliklinikk
All kontakt via telefon i høve ultralyd. Du kan du ringe på dagtid måndag til fredag frå klokka 08.00 til klokka 15.00, på tlf: 578 39 233. Har du time på fødepoliklinikk kontaktar du ekspedisjonen i 6. etasje (innerst i gangen på gynekologisk poliklinikk).

Gynekologisk poliklinikk
All kontakt på dagtid til sekretær i ekspedisjon i 6. etasje frå mandag - fredag frå kl.08.00 - 15.00 (innerst i gangen på gynekologisk poliklinikk). Telefon: 57839239/ 57839241

Amme poliklinikk - fredagar
Har du ønskje om time på ammepoliklinikk, ring sekretær på dagtid måndag til fredag klokka 08.00 - 15.00, telefon: 578 39 233. Tilvising er ikkje naudsynt. Oppmøtestad til ammepoliklinikk er på venterom i 6. etasje.

Samtalepoliklinikk
Har du behov for fødselssamtale er det naudsynt med tilvising frå jordmor eller fastlege. Her treff du faste jordmødre som i tillegg til samtalepoliklinikken, jobber ved føde/barsel avdelinga. Oppmøtestad er i 6. etasje. Du må gjerne ha med partner under samtalen.

En stor bygning med en stor plen foran seg

Førde sentralsjukehus

Svanehaugvegen 2

6812 Førde

Transport

Buss

Det går regelmessig rutebussar mellom Førde Sentralsjukehus og Førde Rutebilstasjon.

På nettsidene til skyss.no finn du bussruter med oversikt over stoppestadar og tider for Sogn og Fjordane.

Frå Førde er det også gode bussamband til Bergen, Oslo, Ålesund og Trondheim.

Flybuss

Det går direkte flybuss frå Førde Lufthamn Bringeland til Førde Sentralsjukehus for alle fly som landar. Frå Førde Sentralsjukehus går flybussen 70 minutt før alle flyavgangar.

Parkering

Det er mogleg å parkere gratis på sjukehusområdet for pasientar og besøkande.

Taxi

Drosjesentralen i Førde er om lag 100 meter frå Rutebilstasjonen. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

 

Praktisk informasjon

Ved Førde sentralsjukehus finn du Sjukehusapoteka Vest HF si avdeling i Sogn og Fjordane.

​​Apoteket gjev tilbod til alle nyutskrivne og polikliniske pasientar ved Førde Sentralsjukehus, samt alle tilsette og besøkande.  Sjukehusapoteket er altså open for alle.

På veg heim frå sjukehuset kan pasientar få med seg alt dei treng av legemiddel og utstyr for vidare behandling heime. I tillegg har apoteket eit stort og variert utval av reseptfrie legemiddel, hudpleiemiddel, kost- og ernæringsmiddel samt andre apotekvarer.

Apoteket gjer klar legemidla medan du ventar og gjev råd om korleis du skal bruke dei på rett måte.

Apoteket forsyner dei fleste avdelingane i Helse Førde med legemiddel, apotekvarer og farmasøytiske tenester og gjev farmasøytisk rådgjeving til mange kommunar i Sogn og Fjordane.

​For å få behandling ved sjukehus eller poliklinikk må du i utgangspunktet vere tilvist frå lege, kiropraktor eller manuell teapeut. Har du trong for legehjelp skal du ringe fastlegen din eller den kommunale legevakta.

Les meir om eigendelar på helsenorge.no

Mange pasientar og pårørande ønskjer å ta bilete eller video som eit minne frå tida på sjukehuset. Då kan det vere lurt å hugse nokre reglar.

​Det er sjølvsagt heilt greitt så lenge det er pasientane og/eller pårørande og vener som er på bileta.

Det er likevel ikkje lov å ta bilete av medpasientar eller tilsette. Vi har hatt tilfeller der bilete av medpasientar/tilsette er blitt publisert i digitale media utan deira godkjenning.

Vi håper alle viser respekt for personvernet til alle dei møter under besøket på sjukehuset og avgrensar fotografering til å gjelde eigen familie og vener.

​Ved Nordfjord sjukehus og Førde sentralsjukehus finn du kiosk der du kan kjøpe aviser og andre kioskvarer.

Ved Førde sentralsjukehus kan du også levere kupongar til Norsk Tipping sine spel.

Alle kantinene i Helse Førde er opne for tilsette, pasientar og pårørande.

​Kantinene på Lærdal sjukehus og Nordfjord sjukehus finn du i underetasjen. Dei har opningstid 10.30 - 14.30.

Hovudkantina ved Førde sentralsjukehus ligg i 2. etasje. Her får du kjøpt varm mat og mykje anna. Den har opent 07.30 - 16.30.
I Førde finn du også ein kafe i 1. etasje innanfor resepsjonen. Denne har opningstid  09.00 - 15.00. Her finn du kaffe, te, anna drikke, påsmurt og kaker m.m.

Kantina ved Indre Sogn psykiatrisenter er open alle kvardagar frå klokka 10.00-13.30.

Kantina på Tronvik er open for tilsette og bebuarar.

​Du kan nytte mobiltelefon ved sjukehusa. Vi oppfordrar likevel alle til å bruke mobilvett og ta omsyn til medpasientar.

Det er viktig å sette telefonen på stille om natta, og på stilleringing eller vibrering om dagen. Av omsyn til dei andre pasientane er det best å gå ut av rommet dersom du må ta ein lengre samtale.

Vi ber om at du inne på pasientrommet ikkje snakkar eller har lyd på mobilen i tidsrommet etter klokka 21.30 til klokka 08.00 neste dag.

Det er gratis trådlaust nettverk for pasientar, pårørande og besøkande på sjukehusa. Dette kan du kople deg til frå din smarttelefon.

Førde sentralsjukehus har sett av hundre parkeringsplassar berre for pasientar og pårørande. Bommen ved pasientparkeringa opnar seg automatisk. Er alle desse plassane opptekne, er det fleire parkeringsområde rundt Førde sentralsjukehus. Ledige plassar på desse områda kan òg nyttast av besøkande.

BLODGJEVARAR og RØRSLEHEMMA har eigne parkeringsplassar mellom anna framfor hovudinngangen og rundt om på sjukehuset sitt område. Dei som kan parkere her, har eige parkeringsløyve. Utan slikt løyve er parkering rekna som ugyldig.

Ordinær parkering for pasientar og pårørande:
Parkeringsplassen er inn frå Svanehaugvegen. Sjå blått område på kartet:

Kart over parkeringsplassar ved Førde sentralsjukehus
 

​I 6. etasje har Førde sentralsjukehus eige pasienthotell.

Pasienthotellet har 22 senger. Dei er fordelt på seks enkle rom og åtte doble rom. Alle romma er tilpassa rullestolbrukarar.

​Treng du nokon å snakke med? Sjukehuspresten er til for deg anten du er pasient eller pårørande. I møte med denne omsorgstenesta kan du finne ein «fristad» og ein plass å samle tankane. I samtale med sjukehuspresten er det tid og rom for både stort og smått.

Du treng ikkje ha kristen eller religiøs tru for å ta kontakt. Det er ditt liv og dine tankar som har fokus. Det er sjølvsagt og høve til klassiske prestetenester som mellom anna sermoniar og bøn.

Uansett kva du har på hjartet er sjukehuspresten tilgjengeleg for å møte deg, der det passar deg best. Det kan vere på telefon, prestekontoret, pasientrom, i kantina eller kanskje på ein benk ute.

Ta kontakt direkte med Helene Langeland på telefon 908 79 281, eller spør personalet om å tilkalle/avtale tid med prest.

Sjukehuspresten er primært tilgjengeleg i ordinær kontortid, men kan og tilkallast til andre tider.

Kontoret er på plan 2, første dør til høgre for inngangen til kantina.

Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).
  3. Les nøye gjennom vilkåra.
  4. Trykk "Godta" når du har lese og forstått vilkåra.
Innlogginga skjer automatisk på einingar etter første pålogging, så lenge kontoen er aktiv. Det skal berre vere nødvendig å logge seg på éin gong per eining per 31 dagar.
 

For å avgrense smitte under pandemien kan det vere andre visittider og reglar som gjeld. Sjå Smittestatus virussjukdomar​ for meir informasjon.​​

Akuttmedisin:
Etter avtale på telefon 57 83 90 82.

Barneavdeling:
Visittider sengeposten 5. etg: Kontakt personale på vaktrommet.

Kirurgisk:
Visittider sengepost 12.30-13.30 og 18.30-19.30.

Kreft:
Visittider sengepost: Har ikkje faste visittider. Ta kontakt med vaktrommet.

Kvinneklinikken:
Far eller medmor kan kome når dei ønskjer utanom kviletid klokka 13.00-15.00. Søsken til barnet og andre besøkande kan takast i mot utanfor avdelinga.

Medisinsk:
Visittider medisinsk sengepost 14.30-15.30 og 19.00-19.45. Til eineromma: Etter avtale.

Nevrologisk:
Ikkje fast visitttid. Pårørande og andre er alltid velkomne.

Ortopedisk:
13.30-16.00 og 17.30-19.30.