Vi tilrår at du alltid nyttar siste versjon av nettlesaren din.
Distal radiusfraktur, volar plate
Håndleddsbrudd, operasjon med innvendig plate
Handleddsbrot er ein av dei vanlegaste brottypane, og er brot like ved eller i handleddet. Ved behandling med innvendig plate blir det først lagt på ein mellombels gips, og deretter blir operasjonen utført. Det tar omtrent seks veker for brotet å gro.
Operasjonen vil som regel bli utført i løpet av ei til to veker. I ventetida får du ein gips og du kan ofte vere heime, og så møte opp på sjukehuset til avtalt tid.
Det er viktig at du bøyer og strekker fingrane mange gonger om etter at du har fått gips og held handa over hjartehøgde mest mogleg. Dette gjeld særleg dei første ei til to vekene, og dersom fingrane har tendens til å hovne opp. Det er formålstenleg å bruke den uskadde handa til å få i gang rørsla av fingrane i den skadde handa til den klarer det på eiga hand: gi starthjelp til både strekk og bøy av fingrane viss rørsle er redusert eller smertefull.
Førebuing til operasjon
Kvelden før operasjonen skal du faste frå midnatt. Det betyr at du ikkje skal ete, røyke, bruke snus, tygge tyggegummi eller pastillar etter kl. 24.00. Du kan og bør drikke klare væsker som vatn eller saft (men ikkje noko anna) fram til 2 timar før oppmøtetidspunktet på operasjonsdagen.
Under
Operasjon og implantat
Kirurgen opererer brotet ved å sette inn ei plate og feste den til beinet med skruar. Plata held brotet i rett stilling mens det gror. Operasjonen tar vanlegvis rundt éin time, men tida kan variere.
Etter
Det er svært viktig at du kjem deg raskt i gang med rørsle av fingrane. Dette bør startast så snart som mogleg etter operasjonen.
Eigeninnsats er viktig for best mogleg resultat og gjer faren for komplikasjonar som hevelse og tilstivning mykje mindre. Du vil få smertestillande medikament slik at dette skal la seg gjere.
Brotet er som regel grodd etter seks veker. Opptreningstida vil variere med kompleksiteten til brotet.
Sårstell
Du skal skifte på såret dersom bandasjen har blitt skitten eller våt, dersom han begynner å losne eller om det siv sårvæske. Ein tørr bandasje kan ligge på såret i 5 dagar. Vask alltid hendene før og etter bandasjeskift.
Aktivitet / belastning
Etter operasjonen kan dei aller fleste bevega handa fritt. I dei første 6 vekene skal du likevel ikkje belaste armen med meir enn 0,5kg (omtrent vekta av ein kaffikopp) dei første 6 vekene.
Etter 6 veker kan du gradvis bruke armen meir, så langt det ikkje gir for mykje smerte. Smerta er ein viktig indikasjon på kor mykje handleddet toler.
Ta kontakt med fysioterapeut eller ergoterapeut om du har behov for rettleiing.
Fjerning av sting
Dersom det er brukt tråd inni huda, vil denne gå i oppløysing av seg sjølv og det er ikkje nødvendig med stingfjerning. Av og til er det ein knute utanpå huda. Dersom denne ikkje fell av av seg sjølv, kan ho klippast av etter 2 veker.
Dersom det er sydd med utvendig tråd, fjernar du denne etter 2 veker hos fastlegen din, eller på sjukehuset der du blei operert, avhengig av lokale rutinar. Somme stader vil stinga bli fjerna på sjukehuset der du er operert.
Hygiene
Såret må dekkast til med for eksempel plastpose ved dusjing inntil det er tørt. Etter cirka tre dagar eller når såra er tørt, kan du dusje med plaster på. Hugs da å alltid skifte til tørr bandasje etter dusjing. Når det er gått 7-10 dagar er det vanlegvis ikkje behov for plaster.
Smerter
Smertestillande på resept er vanlegvis nødvendig og dette blir avtalt med lege ved utreise. Resepten er elektronisk og ein kan hente han ut på alle apotek.
Sjukemelding
Kor lenge det er nødvendig å vere sjukmeldt, er avhengig av yrket ditt. I manuelle yrke med tunge løft, må ein rekne med seks vekers sjukmelding. I andre yrke utan tunge løft, for eksempel kontorarbeid, kan det vere tilstrekkeleg med nokre dagar.
Informasjon frå fysioterapeut
Ikkje støtt deg på handa eller løft noko tungt dei første 6 vekene. Du kan støtte eller bere med olbogen:
Dersom du brukar ganghjelpemiddel, må du bytte til ein type der du støttar på underarmen, for eksempel rullator med underarmsstøtte eller underarmskrykkje (aksillekrykkje).
Bruk handa så normalt som mogleg til vanlege, lette aktivitetar. Forsøk å bruke handa til å ete, drikke, kle på deg, knyte skolisser, og enkelt husarbeid som å skjere brød, skrive på tastatur eller strikke.
Beveg olbogen og skuldra normalt for at ledda som ikkje er skada ikkje skal stivne til. Strekk armane opp mot taket:
Når du vekselvis knyter handa og spriker fingrane, aktiverer du vene-muskelpumpa. På denne måten pumpar du hevelsen ut av handa. Når hevelsen går ned, blir det lettare å bevege og da skaper du ein god sirkel. Derfor er det svært viktig å komme i gang med å bevege fingrane allereie første dagen etter operasjonen.
Det er vanleg at handa er hoven den første tida etter brotet og operasjonen. Hald handa over hjartehøgde for mest effektiv drenasje av hevelsen. Når du sit kan du kvile armen oppå sofaryggen, nabostolen si ryggstøtte, på ei pute i vinduskarmen eller på eit høgt bord.
Så lenge det er vondt å pendle normalt med armen når du går, kan du kvile handa i jakkelomma. Strekk og knyt handa vekselvis inne i lomma, sidan å bevege fingrane er det mest effektive tiltaket for å få ned hevelsen.
Du kan begynne å bevege handleddet i alle retningar, så snart gipsen er tatt av, vanlegvis første dag etter operasjonen. Du skal ikkje tvinge fram noka rørsle med makt. Handrørsler i ei frisk hand kjennest lette, og heller ikkje i ei operert hand treng du å anstrenge musklane hardt.
Rørsla skal gradvis komme tilbake når du gjer øvingar og tar i bruk handa til daglegdagse aktivitetar. Ømheit i ytterstillingane er normalt den første tida.
Om du ikkje kjem i gang med å bevege handa, kan du bli oppfordra til å kontakte ein fysioterapeut i nærleiken av der du bur. Fysioterapeuten kan hjelpe deg med å bevege både fingerledd og handledd.
Handleddsbrot operert med innvendig plate (distal radiusfraktur operert med volar plate og skruer) gror vanlegvis i løpet av 6 veker. Tungt fysisk arbeid må du trappe opp gradvis. Smertegrensa er oftast ein god indikator for kor mykje du kan gjere.
Kontroll
Du vil bli kalla inn til kontroll seks veker etter operasjonen. Ved kontrollen blir det tatt røntgen og konsultasjon med lege.
Ver merksam
Det er viktig at du tar kontakt med sjukehuset ved teikn på infeksjon:
Raudfarge
Aukande smerte og / eller hevelse
Puss, gul eller grøn væske frå såret
Feber
Sjukdomskjensle
Sist faglig oppdatert 18.06.2026
Kontakt
Førde sentralsjukehusAvdeling for anestesi, intensiv og operasjon (AIO)
Førde sentralsjukehus: Pasientar som skal møte til operasjon, møter ved dagkirurgisk senter i 2. etasje i Svanabygget (houdblokka). Sjå i innkallingsbrevet ditt, dersom du skal møte opp dagen før.
Nordfjord og Lærdal sjukehus: Pasientar melder seg i ekspedisjonen i 1. etasje.
Anestesipoliklinikken og intensiv sengepost ligg i 2. etasje på Førde sentralsjukehus.
Det går regelmessig rutebussar mellom Førde Sentralsjukehus og Førde Rutebilstasjon.
På nettsidene til skyss.no finn du bussruter med oversikt over stoppestadar og tider for Sogn og Fjordane.
Frå Førde er det også gode bussamband til Bergen, Oslo, Ålesund og Trondheim.
Flybuss
Det går direkte flybuss frå Førde Lufthamn Bringeland til Førde Sentralsjukehus for alle fly som landar. Bussen stoppar ved busstoppet på motsatt side av Vievegen, på austsida. Herfrå går flybussen til Førde Lufthamn Bringeland 75 minutt før alle flyavgangar.
Parkering
Det er mogleg å parkere gratis på sjukehusområdet for pasientar og besøkande.
Taxi
Drosjesentralen i Førde er om lag 100 meter frå Rutebilstasjonen. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.
Buss
Fleire rutebusser går forbi Lærdal Sjukehus.
På nettsidene til skyss.no finn du bussruter med oversikt over stoppestadar og tider for Sogn og Fjordane.
Frå Lærdal er det også gode bussamband til Bergen og Oslo.
Flybuss
Næraste flyplass er Sogndal Lufthamn Haukåsen. Det er korrespondanseruter via Kaupanger – sjå rutetider på nettsidene til skyss.no.
Parkering
Det er mogleg å parkere gratis på sjukehusområdet for pasientar og besøkande.
Taxi
Ved behov er våre tilsette i resepsjonen tilgjengelege 24 timar i døgnet og kan bestille taxi til deg.
Buss
Nordfjordeid Rutebilstasjon ligg i Nordfjordeid sentrum og er om lag ein kilometer frå psykiatrisenteret/BUP/sjukehuset.
På nettsidene til skyss.no finn du bussruter med oversikt over stoppestadar og tider for Sogn og Fjordane.
Frå Nordfjordeid er det også bussamband til Bergen, Oslo, Ålesund og Trondheim.
Parkering
Det er mogleg å parkere gratis på sjukehusområdet for pasientar og besøkande.
Taxi
Ved behov er våre tilsette i resepsjonen tilgjengelege 24 timar i døgnet og kan bestille taxi til deg.
Praktisk informasjon
Ved Førde sentralsjukehus finn du Sjukehusapoteka Vest HF si avdeling i Sogn og Fjordane.
Apoteket gjev tilbod til alle nyutskrivne og polikliniske pasientar ved Førde Sentralsjukehus, samt alle tilsette og besøkande. Sjukehusapoteket er altså open for alle.
På veg heim frå sjukehuset kan pasientar få med seg alt dei treng av legemiddel og utstyr for vidare behandling heime. I tillegg har apoteket eit stort og variert utval av reseptfrie legemiddel, hudpleiemiddel, kost- og ernæringsmiddel samt andre apotekvarer.
Apoteket gjer klar legemidla medan du ventar og gjev råd om korleis du skal bruke dei på rett måte.
Apoteket forsyner dei fleste avdelingane i Helse Førde med legemiddel, apotekvarer og farmasøytiske tenester og gjev farmasøytisk rådgjeving til mange kommunar i Sogn og Fjordane.
For å få behandling ved sjukehus eller poliklinikk må du i utgangspunktet vere tilvist frå lege, kiropraktor eller manuell teapeut. Har du trong for legehjelp skal du ringe fastlegen din eller den kommunale legevakta.
Mange pasientar og pårørande ønskjer å ta bilete eller video som eit minne frå tida på sjukehuset. Då kan det vere lurt å hugse nokre reglar.
Det er sjølvsagt heilt greitt så lenge det er pasientane og/eller pårørande og vener som er på bileta.
Det er likevel ikkje lov å ta bilete av medpasientar eller tilsette. Vi har hatt tilfeller der bilete av medpasientar/tilsette er blitt publisert i digitale media utan deira godkjenning.
Vi håper alle viser respekt for personvernet til alle dei møter under besøket på sjukehuset og avgrensar fotografering til å gjelde eigen familie og vener.
Alle kantinene i Helse Førde er opne for tilsette, pasientar og pårørande.
Kantinene på Lærdal sjukehus og Nordfjord sjukehus finn du i underetasjen. Dei har opningstid 10.30 - 14.30.
Hovudkantina ved Førde sentralsjukehus ligg i 2. etasje. Her får du kjøpt varm mat og mykje anna. Den har opent 07.30 - 20.00. I Førde finn du også ein kafe i 1. etasje innanfor resepsjonen. Denne har opningstid 09.00 - 15.00. Her finn du kaffe, te, anna drikke, påsmurt og kaker m.m.
Kantina ved Indre Sogn psykiatrisenter er open alle kvardagar frå klokka 10.00-13.30.
Kantina på Tronvik er open for tilsette og bebuarar.
Du kan nytte mobiltelefon ved sjukehusa. Vi oppfordrar likevel alle til å bruke mobilvett og ta omsyn til medpasientar.
Det er viktig å sette telefonen på stille om natta, og på stilleringing eller vibrering om dagen. Av omsyn til dei andre pasientane er det best å gå ut av rommet dersom du må ta ein lengre samtale.
Vi ber om at du inne på pasientrommet ikkje snakkar eller har lyd på mobilen i tidsrommet etter klokka 21.30 til klokka 08.00 neste dag.
Det er gratis trådlaust nettverk for pasientar, pårørande og besøkande på sjukehusa. Dette kan du kople deg til frå din smarttelefon.
Førde sentralsjukehus har sett av hundre parkeringsplassar berre for pasientar og pårørande. Er alle desse plassane opptekne, er det fleire parkeringsområde rundt Førde sentralsjukehus. Ledige plassar på desse områda kan òg nyttast av besøkande.
Blodgjevarar og rørslehemma har eigne parkeringsplassar mellom anna framfor hovudinngangen og rundt om på sjukehuset sitt område. Dei som kan parkere her, har eige parkeringsløyve. Utan slikt løyve er parkering rekna som ugyldig.
Ordinær parkering for pasientar og pårørande: Parkeringsplassen er inn frå Svanehaugvegen, nord-aust for Svanabygget som er hovudbygningen ved sjukehuset. På nedsida av parkeringsplassen er det også ladepunkt for el-bil.
I 7. etasje har Førde sentralsjukehus eige pasienthotell.
Pasienthotellet har 36 senger fordelt på 10 enkeltrom og 13 dobbeltrom.
Treng du nokon å snakke med? Sjukehuspresten er til for deg anten du er pasient eller pårørande. I møte med denne omsorgstenesta kan du finne ein «fristad» og ein plass å samle tankane. I samtale med sjukehuspresten er det tid og rom for både stort og smått.
Du treng ikkje ha kristen eller religiøs tru for å ta kontakt. Det er ditt liv og dine tankar som har fokus. Det er sjølvsagt og høve til klassiske prestetenester som mellom anna sermoniar og bøn.
Uansett kva du har på hjartet er sjukehuspresten tilgjengeleg for å møte deg, der det passar deg best. Det kan vere på telefon, prestekontoret, pasientrom, i kantina eller kanskje på ein benk ute.
Ta kontakt direkte med Helene Langeland på telefon 908 79 281, eller spør personalet om å tilkalle/avtale tid med prest.
Sjukehuspresten er primært tilgjengeleg i ordinær kontortid, men kan og tilkallast til andre tider.
Kontoret er på plan 2, første dør til høgre for inngangen til kantina.
Slik koblar du deg til gjestenettet vårt:
Koble deg til det trådlause gjestenettet (gjest.ihelse.net)
Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).
Les nøye gjennom vilkåra.
Trykk "Godta" når du har lese og forstått vilkåra.
Innlogginga skjer automatisk på einingar etter første pålogging, så lenge kontoen er aktiv. Det skal berre vere nødvendig å logge seg på éin gong per eining per 31 dagar.
Akuttmedisin: Etter avtale på telefon 57 83 90 82.
Barneavdeling: Visittider sengeposten 5. etg: Kontakt personale på vaktrommet.
Kirurgisk: Visittider sengepost 12.30-13.30 og 18.30-19.30.
Kreft: Visittider sengepost: Har ikkje faste visittider. Ta kontakt med vaktrommet.
Kvinneklinikken: Far eller medmor kan kome når dei ønskjer utanom kviletid klokka 13.00-15.00. Søsken til barnet og andre besøkande kan takast i mot utanfor avdelinga.
Medisinsk: Visittider medisinsk sengepost 14.30-15.30 og 19.00-19.45. Til eineromma: Etter avtale.
Nevrologisk: Ikkje fast visitttid. Pårørande og andre er alltid velkomne.
Ortopedisk: 13.30-16.00 og 17.30-19.30.
Barseleininga har familierom og ingen faste visittider.
Medisinsk sengepost: 11.30 - 12. 30 og 16.00 - 18.00
Ortopedisk: Pårørande er velkomne heile døgnet.
God start eininga: Barseleininga har visittid heile døgnet.
