Vi tilrår at du alltid nyttar siste versjon av nettlesaren din.

Lungefibrose

Lungefibrose er eit samleomgrep for fleire sjukdommar som har ulik årsak, behandling og prognose. Ved lungefibrose blir lungevevet erstatta gradvis av bindevev (fibrose), noko som medfører nedsett lungefunksjon.

Symptom

Symptoma ved lungefibrose kjem gradvis over tid. Når sjukdommen utviklar seg vil fibrose i lungeblærene kunne gi redusert opptak av oksygen. Lungene blir stivare og gir mindre volum å puste med. Lungefibrose kan ikkje kurerast, men du kan få behandling som kan bremse sjukdomsutviklinga og lindre symptoma.

Tilvising og vurdering

Dersom fastlegen din har vist deg til utgreiing på sjukehuset, skal tilvisinga vurderast i løpet av ti yrkedagar. Det blir planlagd kva tilleggsundersøkingar som er nødvendige, og du vil deretter bli kalla inn til utgreiing.

Utgreiing

På eit tidleg stadium kan symptom ved lungefibrose vere dei same som ved andre tilstandar. For at vi skal kunne stille rett diagnose og sjå etter eventuelle årsaker til sjukdommen, må du gjennom ei rekkje undersøkingar.

Du kan lese meir om undersøkingane som blir gjorde, i nedtrekkmenyane nedanfor:

Blodprøve
Arteriell blodgass
EKG
CT
Bronkoskopi, nynorsk
Ultralyd av hjartet

Tverrfagleg møte

Når alle undersøkingar er gjennomførte, kan det vere nødvendig å diskutere resultata i eit tverrfagleg møte der lungelege og andre spesialistar er til stades, for å avklare kva type lungefibrose det er. Hos enkelte pasientar kan det vere vanskeleg å avklare type lungefibrose. Vi ser også etter spesifikke årsaker til lungesjukdommen. Desse vurderingane vil bestemme vidare behandling og oppfølging.  

Behandling

Kva behandling som blir gitt, avheng av tilstanden til kvar enkelt pasient og diagnose. Nokre pasientar har sjukdom som er lite aktiv. Då kan det vere aktuelt at vi observerer deg utan at du får behandling. Målet for behandlinga kan vere å redusere symptom, bremse fall i lungefunksjon og betre livskvaliteten. Behandling med medikament blir brukt for å bremse vidare utvikling av fibrose i lungene. Medikament kan også brukast for å redusere betennelse.

Unngå sjukdomsframkallande årsaker

Dersom du får påvist ei årsak til lungefibrose, bør du unngå å utsetje deg for denne. Dette kan til dømes gjerast ved tiltak i bustad, arbeidsplass, bruk av andedragsvern eller byte ut medikament som kan vere skadelege for lungene. Dersom du røykjer tilrår vi at du sluttar. Har du sure oppstøyt blir du tilrådd behandling for dette.

Medikament

Det kan vere aktuelt med immundempande medikament, fibrosehemmande medikament eller medikament for å behandle plagsame symptom.

Immundempande medikament blir brukte når det er nødvendig å behandle betennelse. Kor stor nytte du vil ha av slike medikament, avheng ofte av kva type lungefibrose som er påvist. Ved nokre typar lungefibrose er slik behandling utan effekt, og kan vere skadeleg.

Fibrosehemmande medikament kan brukast ved mild til moderat idiopatisk pulmonal fibrose (IPF). Desse medikamenta kan bremse fall i lungefunksjon. Dei viktigaste biverknadene er kvalme og diaré. Ettersom medikamenta kan gi leverbetennelse, må du ta blodprøver undervegs i behandlinga. Biverknadene er vanlegast dei første månadane og er vanlegvis milde til moderate. Dei fleste pasientar greier å halde fram med medikamenta trass i biverknadar, men i periodar kan det vere nødvendig med medikament mot kvalme og diaré. Somme kan også ha fordel av dosejustering eller å leggje om kosthaldet for å handtere slike biverknader.

Behandling med medikament kan også vere aktuelt ved plagsame symptom som hoste og når pasienten har tungt for å puste.

Anna behandling

Ved alvorleg lungefibrose kan det vere behov for oksygentilskot. Eit fåtal pasientar yngre enn 65 år med svært alvorleg lungefibrose kan vere aktuelle for lungetransplantasjon. Dette er ei behandling som blir tilboden for å forlengje levetida.

Vi tilrår at du tek influensavaksine.

Kliniske studiar

2 kliniske studiar er opne for rekruttering. Saman med legen din kan du vurdere om ein klinisk studie er aktuell for deg.

Sjå fleire kliniske studiar

Oppfølging

Vidare oppfølging vil normalt skje på poliklinikken på sjukehuset. Kontrollane skjer som regel kvar 3. til 6. månad. Dette vil likevel avhenge av alvorsgrada til sjukdommen, kva behandling som er sett i verk og eventuelle andre behov. Somme pasientar kan ha annan sjukdom som forårsakar lungefibrose. Desse kan bli viste til oppfølging og behandling hos annan spesialist enn lungespesialist.

Ved kontrollar vil vi hovudsakleg gjere nye lungefunksjonsundersøkingar for å følgje med på sjukdomsutviklinga. Hos ein del pasientar vil det vere nødvendig med blodprøvar. Hos enkelte kan det vere nødvendig med ny CT-undersøking av lungene med gitte intervall.

Vi vil følgje med på om sjukdommen forverrar seg over tid, og vurdere eventuelt behov for anna behandling. Vi vil også sjå etter biverknader til behandlinga. Somme biverknader kan krevje ekstra tiltak, som til dømes endra dose, tilleggsbehandling eller kostråd.

Du har moglegheit for kontakt med sjukepleiar over telefon ved spørsmål.

Eiga meistring i kvardagen

Vi legg opp til at du sjølv best mogleg kan meistre sjukdommen i kvardagen. Fysisk aktivitet kan bidra til å halde oppe funksjonsnivå og kondisjon. Du kan få råd frå fysioterapeut om trening og bruk av teknikkar ved tung pust. Somme kan ha nytte av lungerehabilitering. Lungerehabilitering omfattar trening, opplæring til eigenmeistring av sjukdom og rådgiving av kvar enkelt pasient.

Kontakt

Førde sentralsjukehus Medisinsk avdeling

Kontakt Medisinsk avdeling
En stor bygning med en stor plen foran seg

Førde sentralsjukehus

Svanehaugvegen 2

6812 Førde

Finn fram

Transport

Buss

Det går regelmessig rutebussar mellom Førde Sentralsjukehus og Førde Rutebilstasjon.

På nettsidene til skyss.no finn du bussruter med oversikt over stoppestadar og tider for Sogn og Fjordane.

Frå Førde er det også gode bussamband til Bergen, Oslo, Ålesund og Trondheim.

Flybuss

Det går direkte flybuss frå Førde Lufthamn Bringeland til Førde Sentralsjukehus for alle fly som landar. Bussen stoppar ved busstoppet på motsatt side av Vievegen, på austsida. Herfrå går flybussen til Førde Lufthamn Bringeland 75 minutt før alle flyavgangar.

Parkering

Det er mogleg å parkere gratis på sjukehusområdet for pasientar og besøkande.

Taxi

Drosjesentralen i Førde er om lag 100 meter frå Rutebilstasjonen. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

 

Praktisk informasjon

Ved Førde sentralsjukehus finn du Sjukehusapoteka Vest HF si avdeling i Sogn og Fjordane.

​​Apoteket gjev tilbod til alle nyutskrivne og polikliniske pasientar ved Førde Sentralsjukehus, samt alle tilsette og besøkande.  Sjukehusapoteket er altså open for alle.

På veg heim frå sjukehuset kan pasientar få med seg alt dei treng av legemiddel og utstyr for vidare behandling heime. I tillegg har apoteket eit stort og variert utval av reseptfrie legemiddel, hudpleiemiddel, kost- og ernæringsmiddel samt andre apotekvarer.

Apoteket gjer klar legemidla medan du ventar og gjev råd om korleis du skal bruke dei på rett måte.

Apoteket forsyner dei fleste avdelingane i Helse Førde med legemiddel, apotekvarer og farmasøytiske tenester og gjev farmasøytisk rådgjeving til mange kommunar i Sogn og Fjordane.

​For å få behandling ved sjukehus eller poliklinikk må du i utgangspunktet vere tilvist frå lege, kiropraktor eller manuell teapeut. Har du trong for legehjelp skal du ringe fastlegen din eller den kommunale legevakta.

Les meir om eigendelar på helsenorge.no

Mange pasientar og pårørande ønskjer å ta bilete eller video som eit minne frå tida på sjukehuset. Då kan det vere lurt å hugse nokre reglar.

​Det er sjølvsagt heilt greitt så lenge det er pasientane og/eller pårørande og vener som er på bileta.

Det er likevel ikkje lov å ta bilete av medpasientar eller tilsette. Vi har hatt tilfeller der bilete av medpasientar/tilsette er blitt publisert i digitale media utan deira godkjenning.

Vi håper alle viser respekt for personvernet til alle dei møter under besøket på sjukehuset og avgrensar fotografering til å gjelde eigen familie og vener.

​Ved Førde sentralsjukehus finn du kiosk der du kan kjøpe aviser og andre kioskvarer. Du kan også levere kupongar til Norsk Tipping sine spel.

Alle kantinene i Helse Førde er opne for tilsette, pasientar og pårørande.

​Kantinene på Lærdal sjukehus og Nordfjord sjukehus finn du i underetasjen. Dei har opningstid 10.30 - 14.30.

Hovudkantina ved Førde sentralsjukehus ligg i 2. etasje. Her får du kjøpt varm mat og mykje anna. Den har opent 07.30 - 20.00.
I Førde finn du også ein kafe i 1. etasje innanfor resepsjonen. Denne har opningstid  09.00 - 15.00. Her finn du kaffe, te, anna drikke, påsmurt og kaker m.m.

Kantina ved Indre Sogn psykiatrisenter er open alle kvardagar frå klokka 10.00-13.30.

Kantina på Tronvik er open for tilsette og bebuarar.

​Du kan nytte mobiltelefon ved sjukehusa. Vi oppfordrar likevel alle til å bruke mobilvett og ta omsyn til medpasientar.

Det er viktig å sette telefonen på stille om natta, og på stilleringing eller vibrering om dagen. Av omsyn til dei andre pasientane er det best å gå ut av rommet dersom du må ta ein lengre samtale.

Vi ber om at du inne på pasientrommet ikkje snakkar eller har lyd på mobilen i tidsrommet etter klokka 21.30 til klokka 08.00 neste dag.

Det er gratis trådlaust nettverk for pasientar, pårørande og besøkande på sjukehusa. Dette kan du kople deg til frå din smarttelefon.

Førde sentralsjukehus har sett av hundre parkeringsplassar berre for pasientar og pårørande. Er alle desse plassane opptekne, er det fleire parkeringsområde rundt Førde sentralsjukehus. Ledige plassar på desse områda kan òg nyttast av besøkande.

BLODGJEVARAR og RØRSLEHEMMA har eigne parkeringsplassar mellom anna framfor hovudinngangen og rundt om på sjukehuset sitt område. Dei som kan parkere her, har eige parkeringsløyve. Utan slikt løyve er parkering rekna som ugyldig.

Ordinær parkering for pasientar og pårørande:
Parkeringsplassen er inn frå Svanehaugvegen. Sjå blått område på kartet:

 

Kart over parkeringsplassar ved Førde sentralsjukehus

 

 

​I 6. etasje har Førde sentralsjukehus eige pasienthotell.

Pasienthotellet har 22 senger. Dei er fordelt på seks enkle rom og åtte doble rom. Alle romma er tilpassa rullestolbrukarar.

​Treng du nokon å snakke med? Sjukehuspresten er til for deg anten du er pasient eller pårørande. I møte med denne omsorgstenesta kan du finne ein «fristad» og ein plass å samle tankane. I samtale med sjukehuspresten er det tid og rom for både stort og smått.

Du treng ikkje ha kristen eller religiøs tru for å ta kontakt. Det er ditt liv og dine tankar som har fokus. Det er sjølvsagt og høve til klassiske prestetenester som mellom anna sermoniar og bøn.

Uansett kva du har på hjartet er sjukehuspresten tilgjengeleg for å møte deg, der det passar deg best. Det kan vere på telefon, prestekontoret, pasientrom, i kantina eller kanskje på ein benk ute.

Ta kontakt direkte med Helene Langeland på telefon 908 79 281, eller spør personalet om å tilkalle/avtale tid med prest.

Sjukehuspresten er primært tilgjengeleg i ordinær kontortid, men kan og tilkallast til andre tider.

Kontoret er på plan 2, første dør til høgre for inngangen til kantina.

Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).
  3. Les nøye gjennom vilkåra.
  4. Trykk "Godta" når du har lese og forstått vilkåra.
Innlogginga skjer automatisk på einingar etter første pålogging, så lenge kontoen er aktiv. Det skal berre vere nødvendig å logge seg på éin gong per eining per 31 dagar.
 

Akuttmedisin:
Etter avtale på telefon 57 83 90 82.

Barneavdeling:
Visittider sengeposten 5. etg: Kontakt personale på vaktrommet.

Kirurgisk:
Visittider sengepost 12.30-13.30 og 18.30-19.30.

Kreft:
Visittider sengepost: Har ikkje faste visittider. Ta kontakt med vaktrommet.

Kvinneklinikken:
Far eller medmor kan kome når dei ønskjer utanom kviletid klokka 13.00-15.00. Søsken til barnet og andre besøkande kan takast i mot utanfor avdelinga.

Medisinsk:
Visittider medisinsk sengepost 14.30-15.30 og 19.00-19.45. Til eineromma: Etter avtale.

Nevrologisk:
Ikkje fast visitttid. Pårørande og andre er alltid velkomne.

Ortopedisk:
13.30-16.00 og 17.30-19.30.