Vi tilrår at du alltid nyttar siste versjon av nettlesaren din.

Lungekreft, nynorsk

Det finst to hovudtypar av lungekreft: ikkje-småcella og småcella. Inndelinga og valg av behandling er basert på utsjånaden og vekstmønsteret svulstane.

Lungekreft er en av de vanligste kreftformene i Norge. Pustevansker, hoste, heshet og pipelyder kan være symptom på lungekreft.

Les meir på helsenorge.no

Tilvising og vurdering

Når lege har grunngitt mistanke om kreft, blir du vist til pakkeforløp for kreft. Eit pakkeforløp er eit standardisert pasientforløp som beskriv organiseringa av utgreiing og behandling, kommunikasjon/dialog med deg og dine pårørande, plassering av ansvar og konkrete forløpstider.

Pasientinformasjon om pakkeforløp (helsedirektoratet.no)

Diagnoserettleiar ved lungekreft, Helsedirektoratet.

Utgreiing

Ansvaret for utgreiing og behandling av lungekreft er eit samarbeid mellom fleire klinikkar og avdelingar. I løpet av utgreiinga blir det gjort undersøkingar av deg for å avklare om du har kreft eller ikkje, og eventuelt kva type kreft du har.

Som regel tar vi først ein CT-røntgen av lunger, lever og binyrer. Ved mistanke om kreft gjer vi ofte ein bronkoskopi, ei undersøking der dei sentrale luftvegane (luftrøyret og bronkiar) blir undersøkte ved hjelp av ein bevegeleg slange med kamera festa i tuppen. Under ein bronkoskopi kan vi også ta ei vevsprøve av eventuelle svulstar. Andre undersøkingar kan også vere aktuelle på dette tidspunktet.

Når resultata frå undersøkingane og prøvene er klare, vil vi som oftast kunne stille ein diagnose og avklare om du har kreft eller ikkje. Om du ikkje har kreft, avsluttar vi pakkeforløpet.

Bronkoskopi, nynorsk
Lungebiopsi med CT-veiledning

Andre undersøkingar

CT

Dersom det skulle vise seg at du har lungekreft, jobbar vi vidare med å:

  • finne ut kva type lungekreft du har
  • avklare kor utbreidd kreftsjukdommen er og om den har spreidd seg til andre stader i kroppen
  • avklare den generelle helsetilstanden din
  • gi ei tilråding om behandling

 

Etter undersøkingane kan du gå tilbake til normal aktivitet og du kan vere i arbeid om du ønsker det.

Sjukmelding

Det er vanlegvis ikkje behov for sjukmelding i etterkant av undersøkingane, men nokon kan vere reduserte av andre grunnar. Snakk med legen din om du ikkje kjenner deg i stand til å jobbe.

Nokre dagar etter undersøkingane vil du få ein ny time ved lungeavdelinga for informasjon om diagnose og behandling. I mellomtida har legane gjort ei tverrfagleg vurdering av tilstanden din og komme fram til ei tilråding om kva behandling som passar for deg.

Det kan vere vanskeleg å få med seg all informasjonen som blir gitt, og huske å spørje om alt du lurer på. Det er derfor ein fordel om du tar med ein pårørande eller ein du kjenner, til dette møtet.

 

​​​Pakkeforløp heim​

Alle pasientar som får ein kreftdiagnose, blir inkludert i pakkeforløp heim for pasientar med kreft. Gjennom pakkeforløpet går vi gjennom dei individuelle behova dine for tenester og oppfølging utover sjølve kreftbehandlinga.

Pakkeforløp heim for kreft (helsenorge.no)​

Behandling

Det finst fleire moglege behandlingar. Kva som er best for deg kan du og helsepersonell komme fram til saman. Dette blir kalla samval. Å vere med og bestemme er ein rett du har.

Samval inneber at du mottek informasjon om fordelar og ulemper ved dei ulike alternativa. Så kan du saman med helsepersonell sjå desse opp mot kvarandre, ut ifrå kva som er viktig for deg.

Her er tre spørsmål du kan stille din behandlar:

  1. ​Kva alternativ har eg?
  2. Kva fordelar og ulemper er moglege ved desse alternativa?
  3. Kor sannsynleg er det at eg vil oppleve nokre av desse?

​Les meir om samval på helsenorge.no​​

Det er tre hovudtypar behandling mot lungekreft: Kirurgi (operasjon), strålebehandling eller medikamentell behandling. Behandlinga blir gitt enten aleine eller i ulike kombinasjonar, i samsvar med nasjonalt handlingsprogram.

Når du, saman med behandlarane dine, har vedtatt kva behandling som passar best for deg, får du utfyllande informasjon om behandlinga, kva førebuingar som blir anbefalte, moglege biverknader og tida etter behandling. Du har høve til å ta med deg pårørande når du får informasjonen.

Medikamentell kreftbehandling

Medikamentell kreftbehandling har til hensikt å gje best mogeleg sjukdomskontroll. Noken gangar blir det gitt som tilleggsbehandling (for eksempel etter kirurgi), noken gangar samtidig med annan behandling (for eksempel strålebehandling), og noke gangar som hovedbehandling.

Tradisjonelt har dette blitt kalla «cellegift», men dei siste åra har det komme mange andre typar behandling som gjer mykje betre sjukdomskontroll og ofte mildare biverknadar enn cellegift. Mange av dei nye typane behandling blir omtala som «immunterapi».

Cellegiftbehandling

Lindrande behandling

Ved langtkommen kreft der sjukdommen ikkje kan heilast, er  det ei rekke moglegheiter for både livsforlengande behandling og tiltak som kan førebygge og lindre symptom/plager. Ein del pasientar med kreft som har spreidd seg, kan leve godt i lang tid, og nokon døyr av heilt andre årsaker.

Lindrande kreftbehandling

Kliniske studiar

8 kliniske studiar er opne for rekruttering. Saman med legen din kan du vurdere om ein klinisk studie er aktuell for deg.

Sjå fleire kliniske studiar

Oppfølging

Om du er operert for lungekreft, vil du bli innkalla til kontroll fire til seks veker etter operasjonen. Innan den tid vil det også vere klart om vi anbefaler tilleggsbehandling. Ved kontrollane blir du undersøkt av lege, og vi tar ofte CT-undersøking på førehand.

Du vil gå til vekefaste kontrollar hos lege eller sjukepleiar gjennom strålebehandlingsperioden for å fange opp eventuelle biverknader. Toleransen for strålebehandling varierer veldig frå person til person, og det er viktig at du tar kontakt med avdelinga dersom du opplever ubehag under eller etter behandlinga. Nokre biverknader kan forverrast dei første dagane og vekene etter at behandlinga er avslutta.

Under behandling vil vi med jamne mellomrom gjere CT-undersøkingar for å undersøke om behandlinga har effekt eller om du har fått tilbakefall av sjukdommen. Resultata av desse undersøkingane får du ved konsultasjon hos lege.

Om du kan vere i arbeid avheng av forma di og blir vurdert under konsultasjonar med lege.

Rehabilitering og meistring ved kreftsjukdom

Det finst ei rekke tilbod som kan vere til hjelp for å komme tilbake til kvardagen under og etter kreftsjukdom. Derfor er det viktig å tenke rehabilitering og sjukdomsmeistring heilt frå sjukdommen begynner og starten av behandlinga. Målet er å kunne fungere og leve med, eller etter, kreftsjukdom med god livskvalitet.

Etter at behandlinga er fullført, blir du følgt opp etter nasjonale retningslinjer

Handlingsplan lungekreft (PDF), Helsedirektoratet

Pakkeforløp lungekreft, Helsedirektoratet

Handlingsprogram palliativ behandling (PDF), Helsedirektoratet

Pasientorganisasjoner og tilbod

Kreftforeningen

Lungekreftforeningen

Vardesenteret

Pusterommet – Aktiv mot kreft

Kontakt

Førde sentralsjukehus Medisinsk avdeling

Kontakt Medisinsk avdeling
En stor bygning med en stor plen foran seg

Førde sentralsjukehus

Svanehaugvegen 2

6812 Førde

Finn fram

Transport

Buss

Det går regelmessig rutebussar mellom Førde Sentralsjukehus og Førde Rutebilstasjon.

På nettsidene til skyss.no finn du bussruter med oversikt over stoppestadar og tider for Sogn og Fjordane.

Frå Førde er det også gode bussamband til Bergen, Oslo, Ålesund og Trondheim.

Flybuss

Det går direkte flybuss frå Førde Lufthamn Bringeland til Førde Sentralsjukehus for alle fly som landar. Bussen stoppar ved busstoppet på motsatt side av Vievegen, på austsida. Herfrå går flybussen til Førde Lufthamn Bringeland 75 minutt før alle flyavgangar.

Parkering

Det er mogleg å parkere gratis på sjukehusområdet for pasientar og besøkande.

Taxi

Drosjesentralen i Førde er om lag 100 meter frå Rutebilstasjonen. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

 

Praktisk informasjon

Ved Førde sentralsjukehus finn du Sjukehusapoteka Vest HF si avdeling i Sogn og Fjordane.

​​Apoteket gjev tilbod til alle nyutskrivne og polikliniske pasientar ved Førde Sentralsjukehus, samt alle tilsette og besøkande.  Sjukehusapoteket er altså open for alle.

På veg heim frå sjukehuset kan pasientar få med seg alt dei treng av legemiddel og utstyr for vidare behandling heime. I tillegg har apoteket eit stort og variert utval av reseptfrie legemiddel, hudpleiemiddel, kost- og ernæringsmiddel samt andre apotekvarer.

Apoteket gjer klar legemidla medan du ventar og gjev råd om korleis du skal bruke dei på rett måte.

Apoteket forsyner dei fleste avdelingane i Helse Førde med legemiddel, apotekvarer og farmasøytiske tenester og gjev farmasøytisk rådgjeving til mange kommunar i Sogn og Fjordane.

​For å få behandling ved sjukehus eller poliklinikk må du i utgangspunktet vere tilvist frå lege, kiropraktor eller manuell teapeut. Har du trong for legehjelp skal du ringe fastlegen din eller den kommunale legevakta.

Les meir om eigendelar på helsenorge.no

Mange pasientar og pårørande ønskjer å ta bilete eller video som eit minne frå tida på sjukehuset. Då kan det vere lurt å hugse nokre reglar.

​Det er sjølvsagt heilt greitt så lenge det er pasientane og/eller pårørande og vener som er på bileta.

Det er likevel ikkje lov å ta bilete av medpasientar eller tilsette. Vi har hatt tilfeller der bilete av medpasientar/tilsette er blitt publisert i digitale media utan deira godkjenning.

Vi håper alle viser respekt for personvernet til alle dei møter under besøket på sjukehuset og avgrensar fotografering til å gjelde eigen familie og vener.

​Ved Førde sentralsjukehus finn du kiosk der du kan kjøpe aviser og andre kioskvarer. Du kan også levere kupongar til Norsk Tipping sine spel.

Alle kantinene i Helse Førde er opne for tilsette, pasientar og pårørande.

​Kantinene på Lærdal sjukehus og Nordfjord sjukehus finn du i underetasjen. Dei har opningstid 10.30 - 14.30.

Hovudkantina ved Førde sentralsjukehus ligg i 2. etasje. Her får du kjøpt varm mat og mykje anna. Den har opent 07.30 - 20.00.
I Førde finn du også ein kafe i 1. etasje innanfor resepsjonen. Denne har opningstid  09.00 - 15.00. Her finn du kaffe, te, anna drikke, påsmurt og kaker m.m.

Kantina ved Indre Sogn psykiatrisenter er open alle kvardagar frå klokka 10.00-13.30.

Kantina på Tronvik er open for tilsette og bebuarar.

​Du kan nytte mobiltelefon ved sjukehusa. Vi oppfordrar likevel alle til å bruke mobilvett og ta omsyn til medpasientar.

Det er viktig å sette telefonen på stille om natta, og på stilleringing eller vibrering om dagen. Av omsyn til dei andre pasientane er det best å gå ut av rommet dersom du må ta ein lengre samtale.

Vi ber om at du inne på pasientrommet ikkje snakkar eller har lyd på mobilen i tidsrommet etter klokka 21.30 til klokka 08.00 neste dag.

Det er gratis trådlaust nettverk for pasientar, pårørande og besøkande på sjukehusa. Dette kan du kople deg til frå din smarttelefon.

Førde sentralsjukehus har sett av hundre parkeringsplassar berre for pasientar og pårørande. Er alle desse plassane opptekne, er det fleire parkeringsområde rundt Førde sentralsjukehus. Ledige plassar på desse områda kan òg nyttast av besøkande.

BLODGJEVARAR og RØRSLEHEMMA har eigne parkeringsplassar mellom anna framfor hovudinngangen og rundt om på sjukehuset sitt område. Dei som kan parkere her, har eige parkeringsløyve. Utan slikt løyve er parkering rekna som ugyldig.

Ordinær parkering for pasientar og pårørande:
Parkeringsplassen er inn frå Svanehaugvegen. Sjå blått område på kartet:

 

Kart over parkeringsplassar ved Førde sentralsjukehus

 

 

​I 6. etasje har Førde sentralsjukehus eige pasienthotell.

Pasienthotellet har 22 senger. Dei er fordelt på seks enkle rom og åtte doble rom. Alle romma er tilpassa rullestolbrukarar.

​Treng du nokon å snakke med? Sjukehuspresten er til for deg anten du er pasient eller pårørande. I møte med denne omsorgstenesta kan du finne ein «fristad» og ein plass å samle tankane. I samtale med sjukehuspresten er det tid og rom for både stort og smått.

Du treng ikkje ha kristen eller religiøs tru for å ta kontakt. Det er ditt liv og dine tankar som har fokus. Det er sjølvsagt og høve til klassiske prestetenester som mellom anna sermoniar og bøn.

Uansett kva du har på hjartet er sjukehuspresten tilgjengeleg for å møte deg, der det passar deg best. Det kan vere på telefon, prestekontoret, pasientrom, i kantina eller kanskje på ein benk ute.

Ta kontakt direkte med Helene Langeland på telefon 908 79 281, eller spør personalet om å tilkalle/avtale tid med prest.

Sjukehuspresten er primært tilgjengeleg i ordinær kontortid, men kan og tilkallast til andre tider.

Kontoret er på plan 2, første dør til høgre for inngangen til kantina.

Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).
  3. Les nøye gjennom vilkåra.
  4. Trykk "Godta" når du har lese og forstått vilkåra.
Innlogginga skjer automatisk på einingar etter første pålogging, så lenge kontoen er aktiv. Det skal berre vere nødvendig å logge seg på éin gong per eining per 31 dagar.
 

Akuttmedisin:
Etter avtale på telefon 57 83 90 82.

Barneavdeling:
Visittider sengeposten 5. etg: Kontakt personale på vaktrommet.

Kirurgisk:
Visittider sengepost 12.30-13.30 og 18.30-19.30.

Kreft:
Visittider sengepost: Har ikkje faste visittider. Ta kontakt med vaktrommet.

Kvinneklinikken:
Far eller medmor kan kome når dei ønskjer utanom kviletid klokka 13.00-15.00. Søsken til barnet og andre besøkande kan takast i mot utanfor avdelinga.

Medisinsk:
Visittider medisinsk sengepost 14.30-15.30 og 19.00-19.45. Til eineromma: Etter avtale.

Nevrologisk:
Ikkje fast visitttid. Pårørande og andre er alltid velkomne.

Ortopedisk:
13.30-16.00 og 17.30-19.30.