Vi tilrår at du alltid nyttar siste versjon av nettlesaren din.
Excimerlaser

Øyelaseroperasjon

Hornhinna er den fremste, gjennomsiktige delen av augeveggen, og står for 2/3 av den totale brytninga til auget. For høg krumming gir nærsyntheit, for flat krumming gir langsyntheit. Såkalla «skeive hornhinner» betyr at hornhinna ikkje er jamt rund, men har form som ein «halv rugbyball». Laserbehandling er ein av fleire moglege teknikkar for å endre hornhinnekrumminga.

Ei augelaserbehandling fordampar mikrometerstore bitar av hornhinnevevet, opptil 750 gonger per sekund, og dermed blir brytninga  forandra i hornhinna med svært stor presisjon. Laseren har ein innebygd mekanisme som følger dei mikroskopiske rørslene til auget under behandlinga. Dette gjer at laserstrålane treffer akkurat der vi ønsker, sjølv om du rører på auget.

Kor godt resultatet blir synsmessig, og over tid, avheng av fleire faktorar – nøyaktigheita på forundersøkinga, planlegginga av operasjonen, individuelle variasjonar i hornhinnevevet og tilhelingsprosessen etter operasjonen.

Behandlinga er rekna som effektiv og trygg, men har, som alle andre kirurgiske inngrep, moglegheit for komplikasjonar – infeksjon i operasjonssåra, tilhelingsprosessen i hornhinna kan avvike frå forventa forløp, eller vi kan ende opp med eit brytningsresultat noko ulikt frå forventa. Forventa resultat og antatt komplikasjonsrisiko i kvart enkelt tilfelle vil bli diskutert med deg på forundersøkinga.  

Tilvising og vurdering

Sjukehuset utfører i hovudsak laserbehandling av pasientar med hornhinnesjukdom eller augeskadar, eller etter kirurgi, som for eksempel hornhinnetransplantasjonar. Augelegar i avtalepraksis kan også stundom tilvise pasientar som står i fare for å miste jobben, sertifikat og liknande fordi dei ikkje fyller spesifikke synskrav, sjølv om dei har friske/uskadde auge utover sin brytningsfeil.

Før

  • Ta 1000 mg C-vitamin per dag. Start med dette 1 veke før behandlinga og fortsett 2 veker etter. Dette er vist å kunne verke positivt på tilhelingen.
  • Ta også Omega-3-tilskot – minst i same periode. Fortsett så lenge du vil.
  • Hugs å hente ut avtalte medisinar frå apoteket før du møter til behandling.
  • Ta eventuelt eigne medisinar som vanleg.

Du må ikkje nytte

  • harde kontaktlinser siste 2 veker før behandlinga.
  • mjuke kontaktlinser siste veke før behandlinga.
  • sminke eitt døgn før behandlinga.

  • Dersom forundersøkinga er på operasjonsdagen, må du rekne at du må vente litt. Dette fordi det tar tid å gå gjennom målingane og planlegge operasjonen.
  • Du får beskjed om å møte på dagposten vår cirka 30 minutt før operasjonen. Her vil du få roande og smertestillande tablettar.
  • Sjukepleiar vaskar rundt det aktuelle auget og bedøver med dropar.

Under

Sjølve laseroperasjonen tar berre nokre få sekund, men det tar litt tid å stille inn laseren og klargjere auget.

Du får på ei augelokksperre som gjer at du ikkje klarer å blunke under laseroperasjonen. Laseren lagar ein del lydar. Dette er normalt.

Under laserbehandlinga vil du kjenne ei lukt som kan likne lukta av svidd hår. Dette er normalt.

Til slutt i behandlinga legg vi på ei kontaktlinse/bandasjelinse. Denne skal du ha på den første veka, deretter tar vi henne av.

Etter

Operasjonsdagen vil du sjå tåkete og kjenne at auget er irritert med ein del tåreflod. Avhengig av tilstanden din, og kva operasjon som er gjennomført, bør du vere førebudd på at du ikkje kan køyre bil heim behandlingsdagen. Du får snakke med legen på forundersøkinga og på kontrollar om når du kan forvente at synet blir bra nok til å køyre bil igjen.

Dei første 3–4 dagane etter operasjonen skal du drype auga hyppig med augedropar. Synet blir betre i dei etterfølgande dagar eller vekene.

 

Etterkontrollane blir gjorde på poliklinikken.

  • Kontroll med kontaktlinsefjerning om ei veke – før om behov.
  • Om du har lang reiseveg, kan dette eventuelt gjerast på heimstaden.
  • Vanlegvis blir det også minst 1 etterkontroll nokre veker seinare.

  • dusjvatn/såpe og svømmehall til kontaktlinse/bandasjelinse er fjerna. Den blir fjerna etter 1 veke.
  • kontaktsport, slag/støyt, fysiske anstrengingar og støv/smitte fram til du har vore på kontroll.

Ver merksam

Ved aukande smerter etter dei første dagane, ta kontakt!

Sist faglig oppdatert 29.06.2022

Kontakt

Førde sentralsjukehus Augeavdeling

Kontakt Augeavdeling

Oppmøtestad

Finne informasjonen som står i innkallingsbrevet.
En stor bygning med en stor plen foran seg

Førde sentralsjukehus

Svanehaugvegen 2

6812 Førde

Finn fram

Transport

Buss

Det går regelmessig rutebussar mellom Førde Sentralsjukehus og Førde Rutebilstasjon.

På nettsidene til skyss.no finn du bussruter med oversikt over stoppestadar og tider for Sogn og Fjordane.

Frå Førde er det også gode bussamband til Bergen, Oslo, Ålesund og Trondheim.

Flybuss

Det går direkte flybuss frå Førde Lufthamn Bringeland til Førde Sentralsjukehus for alle fly som landar. Bussen stoppar ved busstoppet på motsatt side av Vievegen, på austsida. Herfrå går flybussen til Førde Lufthamn Bringeland 75 minutt før alle flyavgangar.

Parkering

Det er mogleg å parkere gratis på sjukehusområdet for pasientar og besøkande.

Taxi

Drosjesentralen i Førde er om lag 100 meter frå Rutebilstasjonen. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

 

Praktisk informasjon

Ved Førde sentralsjukehus finn du Sjukehusapoteka Vest HF si avdeling i Sogn og Fjordane.

​​Apoteket gjev tilbod til alle nyutskrivne og polikliniske pasientar ved Førde Sentralsjukehus, samt alle tilsette og besøkande.  Sjukehusapoteket er altså open for alle.

På veg heim frå sjukehuset kan pasientar få med seg alt dei treng av legemiddel og utstyr for vidare behandling heime. I tillegg har apoteket eit stort og variert utval av reseptfrie legemiddel, hudpleiemiddel, kost- og ernæringsmiddel samt andre apotekvarer.

Apoteket gjer klar legemidla medan du ventar og gjev råd om korleis du skal bruke dei på rett måte.

Apoteket forsyner dei fleste avdelingane i Helse Førde med legemiddel, apotekvarer og farmasøytiske tenester og gjev farmasøytisk rådgjeving til mange kommunar i Sogn og Fjordane.

​For å få behandling ved sjukehus eller poliklinikk må du i utgangspunktet vere tilvist frå lege, kiropraktor eller manuell teapeut. Har du trong for legehjelp skal du ringe fastlegen din eller den kommunale legevakta.

Les meir om eigendelar på helsenorge.no

Mange pasientar og pårørande ønskjer å ta bilete eller video som eit minne frå tida på sjukehuset. Då kan det vere lurt å hugse nokre reglar.

​Det er sjølvsagt heilt greitt så lenge det er pasientane og/eller pårørande og vener som er på bileta.

Det er likevel ikkje lov å ta bilete av medpasientar eller tilsette. Vi har hatt tilfeller der bilete av medpasientar/tilsette er blitt publisert i digitale media utan deira godkjenning.

Vi håper alle viser respekt for personvernet til alle dei møter under besøket på sjukehuset og avgrensar fotografering til å gjelde eigen familie og vener.

​Ved Førde sentralsjukehus finn du kiosk der du kan kjøpe aviser og andre kioskvarer. Du kan også levere kupongar til Norsk Tipping sine spel.

Alle kantinene i Helse Førde er opne for tilsette, pasientar og pårørande.

​Kantinene på Lærdal sjukehus og Nordfjord sjukehus finn du i underetasjen. Dei har opningstid 10.30 - 14.30.

Hovudkantina ved Førde sentralsjukehus ligg i 2. etasje. Her får du kjøpt varm mat og mykje anna. Den har opent 07.30 - 20.00.
I Førde finn du også ein kafe i 1. etasje innanfor resepsjonen. Denne har opningstid  09.00 - 15.00. Her finn du kaffe, te, anna drikke, påsmurt og kaker m.m.

Kantina ved Indre Sogn psykiatrisenter er open alle kvardagar frå klokka 10.00-13.30.

Kantina på Tronvik er open for tilsette og bebuarar.

​Du kan nytte mobiltelefon ved sjukehusa. Vi oppfordrar likevel alle til å bruke mobilvett og ta omsyn til medpasientar.

Det er viktig å sette telefonen på stille om natta, og på stilleringing eller vibrering om dagen. Av omsyn til dei andre pasientane er det best å gå ut av rommet dersom du må ta ein lengre samtale.

Vi ber om at du inne på pasientrommet ikkje snakkar eller har lyd på mobilen i tidsrommet etter klokka 21.30 til klokka 08.00 neste dag.

Det er gratis trådlaust nettverk for pasientar, pårørande og besøkande på sjukehusa. Dette kan du kople deg til frå din smarttelefon.

Førde sentralsjukehus har sett av hundre parkeringsplassar berre for pasientar og pårørande. Er alle desse plassane opptekne, er det fleire parkeringsområde rundt Førde sentralsjukehus. Ledige plassar på desse områda kan òg nyttast av besøkande.

Blodgjevarar og rørslehemma har eigne parkeringsplassar mellom anna framfor hovudinngangen og rundt om på sjukehuset sitt område. Dei som kan parkere her, har eige parkeringsløyve. Utan slikt løyve er parkering rekna som ugyldig.

Ordinær parkering for pasientar og pårørande:
Parkeringsplassen er inn frå Svanehaugvegen, nord-aust for Svanabygget som er hovudbygningen ved sjukehuset. På nedsida av parkeringsplassen er det også ladepunkt for el-bil. 

 

​I 6. etasje har Førde sentralsjukehus eige pasienthotell.

Pasienthotellet har 22 senger. Dei er fordelt på seks enkle rom og åtte doble rom. Alle romma er tilpassa rullestolbrukarar.

​Treng du nokon å snakke med? Sjukehuspresten er til for deg anten du er pasient eller pårørande. I møte med denne omsorgstenesta kan du finne ein «fristad» og ein plass å samle tankane. I samtale med sjukehuspresten er det tid og rom for både stort og smått.

Du treng ikkje ha kristen eller religiøs tru for å ta kontakt. Det er ditt liv og dine tankar som har fokus. Det er sjølvsagt og høve til klassiske prestetenester som mellom anna sermoniar og bøn.

Uansett kva du har på hjartet er sjukehuspresten tilgjengeleg for å møte deg, der det passar deg best. Det kan vere på telefon, prestekontoret, pasientrom, i kantina eller kanskje på ein benk ute.

Ta kontakt direkte med Helene Langeland på telefon 908 79 281, eller spør personalet om å tilkalle/avtale tid med prest.

Sjukehuspresten er primært tilgjengeleg i ordinær kontortid, men kan og tilkallast til andre tider.

Kontoret er på plan 2, første dør til høgre for inngangen til kantina.

Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).
  3. Les nøye gjennom vilkåra.
  4. Trykk "Godta" når du har lese og forstått vilkåra.
Innlogginga skjer automatisk på einingar etter første pålogging, så lenge kontoen er aktiv. Det skal berre vere nødvendig å logge seg på éin gong per eining per 31 dagar.
 

  • Akuttmedisin:
    Etter avtale på telefon 57 83 90 82.
  • Barneavdeling:
    Visittider sengeposten 5. etg: Kontakt personale på vaktrommet.
  • Kirurgisk:
    Visittider sengepost 12.30-13.30 og 18.30-19.30.
  • Kreft:
    Visittider sengepost: Har ikkje faste visittider. Ta kontakt med vaktrommet.
  • Kvinneklinikken:
    Far eller medmor kan kome når dei ønskjer utanom kviletid klokka 13.00-15.00. Søsken til barnet og andre besøkande kan takast i mot utanfor avdelinga.
  • Medisinsk:
    Visittider medisinsk sengepost 14.30-15.30 og 19.00-19.45. Til eineromma: Etter avtale.
  • Nevrologisk:
    Ikkje fast visitttid. Pårørande og andre er alltid velkomne.
  • Ortopedisk:
    13.30-16.00 og 17.30-19.30.