Skjoldbruskkjertelkreft

Skjoldbruskkjertelen (glandula thyreoidea) ligg på framsida av halsen like nedanfor strupehovudet og har form som ein sommarfugl, med ein midtlapp og to sidelappar. Kreft i skjoldbruskkjertelen startar oftast som ein knute på halsen i ein av lappane til kjertelen. Dei fleste knutane i skjoldbruskkjertelen er ikkje kreft – dei er godarta.

Kreft i skjoldbruskkjertelen (Cancer thyroidea) er relativt sjelden, og har gode prognoser.

Les meir på helsenorge.no

Om skjoldbruskkjertelen

Den viktigaste funksjonen til skjoldbruskkjertelen er å produsere tyreoideahormona tyroxin og trijodtyronin, også kalla T4 og T3. Jod er ein viktig bestanddel av desse hormona, som verkar inn på dei aller fleste cellene i kroppen, og er med i reguleringa av ei lang rekke funksjonar. Dersom du for eksempel har for lite tyreoideahormon i blodet, går dei fleste funksjonane treigare. Vi snakkar om at stoffskiftet er for lågt (hypotyreose). Dersom du derimot har for mykje tyreoideahormon i blodet, vil kroppen gå på høggir – du har for høgt stoffskifte (hypertyreose). Normalt er mengda hormon som blir skilt ut frå skjoldbruskkjertelen, nøye regulert av det tyreoideastimulerande hormonet (TSH), som blir laga i hypofysen. Har ein lågt nivå av tyreoideahormon i blodet, blir det skilt ut mykje TSH, mens høgt nivå fører til at utskiljinga av TSH blir undertrykt (supprimert). Normalt får ein som følge av denne mekanismen ein jamn konsentrasjon av hormon i blodet.

Kreft i skjoldbruskkjertelen startar oftast som ein knute på halsen i ein av lappane til kjertelen. Dei fleste knutane i skjoldbruskkjertelen er ikkje kreft – dei er godarta. Om knuten er godarta eller ondarta, blir som oftast avgjort av ei celleprøve.
Skjoldbruskkjertelkreft kan bli delt inn i ulike typar. Dei vanlegaste formene for skjoldbruskkjertelkreft er dei såkalla høgt differensierte. Det vil seie at vevet er svært likt normalt skjoldbruskkjertelvev. Høgt differensiert skjoldbruskkjertelkreft kjem frå follikelcellene (som utgjer mesteparten av kjertelen) og kan bli delt inn i:

  • Papillær skjoldbruskkjertelkreft (ca. 70 % av tilfella)
  • Follikulær skjoldbruskkjertelkreft (ca. 15 % av tilfella)
  • Andre typar skjoldbruskkjertelkreft:
    • Medullær skjoldbruskkjertelkreft kjem frå dei såkalla C‐cellene, som produserer kalsitonin (ca. 5–10 % av tilfella)
    • Anaplastisk skjoldbruskkjertelkreft er ein hurtigveksande og hissig krefttype som heldigvis er sjeldan (ca. 1–3 % av tilfella).

Eitt eller fleire av desse symptoma kan opptre som: 
  • Kul på halsen
  • Ubehag/smerter i halsen
  • Vanskar med å svelge
  • Vanskar med å puste
  • Stemmeforandringar / hås stemme

Vanlegvis kan ein ikkje peike på noka sikker årsak. Vi veit likevel at personar som tidlegare har fått strålebehandling mot halsen eller har vore utsett for radioaktiv stråling, har større risiko for å få skjoldbruskkjertelkreft. Førekomsten av kreft i skjoldbruskkjertelen auka for eksempel drastisk hos barn og unge i Kviterussland etter kjernekraftulykka i Tsjernobyl i 1986. Det er ikkje påvist noka auke i førekomsten i Noreg som følge av denne ulykka.

Vanlege røntgenundersøkingar av hals og munn (for eksempel hos tannlegen) gir ikkje auka risiko. Bruk av radioaktive stoff til undersøkingar og behandling av sjukdom i skjoldbruskkjertelen gir heller ikkje auka risiko. 

Nokre kreftformer er arvelege. Dette gjeld blant anna ei undergruppe av medullær skjoldbruskkjertelkreft, som kjem av ein mutasjon i eit spesielt gen (RET-onkogenet).




Tilvising og vurdering

Når fastlegen har grunngitt mistanke om kreft, skal du bli tilvist direkte til eit pakkeforløp for kreft. Eit pakkeforløp er eit standardisert pasientforløp som beskriv organiseringa av utgreiinga og behandlinga, kommunikasjon/dialog med deg og dine pårørande samt ansvarsplassering og konkrete forløpstider.

Pasientinformasjon om pakkeforløp, Helsedirektoratet
Forløpskoordinatoren sørger for å sette opp timane du skal ha i utgreiinga.




Diagnoseveileder ved skjoldbruskkjertelkreft, Helsedirektoratet 


Utredning

Mange oppdagar ein kul på halsen og oppsøker lege. Hos andre blir kulen oppdaga av helsepersonell som ledd i ei rutineundersøking eller ved ein tilfeldighet. Dei fleste svulstane eller knutane i skjoldbruskkjertelen er ikkje kreft, men godarta forandringar. Det er svært vanleg å ha større eller mindre knutar i skjoldbruskkjertelen.
 
I løpet av dette tidsrommet blir det gjort undersøkingar av deg for å avklare om du har kreft eller ikkje.
 
Ved mistanke om kreft vil du bli undersøkt av lege. Det blir tatt ultralyd av skjoldbruskkjertelen, der det også ofte blir tatt ei lita vevsprøve av eventuelle knutar i skjoldbruskkjertelen.
 
Når resultata frå undersøkingane og prøvene er klare, vil det som oftast kunne bli avklart om du har kreft eller ikkje. Det blir stilt ei diagnose. Har du ikkje kreft, blir pakkeforløpet avslutta.

I tillegg til klinisk undersøking (der legen kjenner på halsen) vil det alltid vere behov for nokre tilleggsundersøkingar. I utgreiinga høyrer det med:
 
Blodprøve
Som oftast blir det også tatt ei celleprøve (ultralydrettleia finnålscytologi), der legen ved hjelp av ei tynn nål som blir stukke inn i kula, trekker ut celler frå knuten. Av og til må det blir brukt ei tjukkare nål, slik at små sylindrar med vev frå svulsten kan bli undersøkt i mikroskop (histologisk nålebiopsi).
 
Hos enkelte kan det vere aktuelt å utføre ei scintigrafiundersøking, og iblant CT eller MR av halsen.

 

​​​Pakkeforløp heim​

Alle pasientar som får ein kreftdiagnose, blir inkludert i pakkeforløp heim for pasientar med kreft. Gjennom pakkeforløpet går vi gjennom dei individuelle behova dine for tenester og oppfølging utover sjølve kreftbehandlinga.

Pakkeforløp heim for kreft (helsenorge.no)​



Behandling

Dersom du har kreft, blir det planlagt kva behandling som er best for deg. Ei avgjerd om behandlinga di blir tatt i samråd med deg, vanlegvis basert på vurdering i eit tverrfagleg team-møte. 

Samval inneber at du mottek informasjon om fordelar og ulemper ved dei ulike alternativa. Så kan du saman med helsepersonell sjå desse opp mot kvarandre, ut ifrå kva som er viktig for deg.

Her er tre spørsmål du kan stille din behandlar:

  1. ​Kva alternativ har eg?
  2. Kva fordelar og ulemper er moglege ved desse alternativa?
  3. Kor sannsynleg er det at eg vil oppleve nokre av desse?

​Les meir om samval på helsenorge.no​​

 

Skjoldbruskkjertelkreft blir som oftast behandla med operasjon.

Det er 3 viktige behandlingsprinsipp ved differensiert skjoldbruskkjertelkreft: kirurgi, radioaktivt jod og tablettbehandling med thyroksin‐natrium (Levaxin ®). Behandlinga av medullær skjoldbruskkjertelkreft er operasjon, mens behandling av anaplastisk skjoldbruskkjertelkreft er meir samansett og blir vurdert i kvart enkelt tilfelle.

Differensiert kreft i skjoldbruskkjertelen

Dersom celleprøva viser at det er kreft, er behandlinga operasjon. Heile skjoldbruskkjertelen blir som regel fjerna, såkalla tyreoidektomi, og lymfeknutar på halsen blir også fjerna. Dersom celleprøva ikkje kan gi svar på om det er kreft eller ikkje, vil den eine halvdelen av skjoldbruskkjertelen der svulsten er, bli sendt til mikroskopisk undersøking. Dersom det er kreft, vil ein vurdere om det er nødvendig å fjerne resten av skjoldbruskkjertelen. 

Alvorlege komplikasjonar etter skjoldbruskkjerteloperasjonar er heldigvis sjeldne. Det vi fryktar mest, er skade av stemmebandsnerva (nervus laryngeus recurrens), som er ei tynn nerve som går kloss i skjoldbruskkjertelkapselen og kan derfor bli skada ved operasjonen. Denne nerva gir impulsar til små musklar som regulerer stramminga av stemmebandet, og ved skade kan pasienten bli svært hås. Vi gjer alt for å unngå denne komplikasjonen som i dag heldigvis er sjeldan.

Ein annan komplikasjon som kan oppstå dersom ein får fjerna heile kjertelen, er at ein får for lågt kalsium i blodet etter operasjonen fordi biskjoldbruskkjertlane blir skada eller får nedsett blodtilførsel. Desse kjertlane lagar eit hormon (PTH) som er viktig for reguleringa av kalsiumnivået i blodet. Dersom kalsiumnivået blir lågt, kan ein få plagsame biverknader blant anna i form av prikkingar rundt munnen, i fingrar, tær og nasetipp og ein følelse av uro i kroppen. Ein må ta kalsiumtablettar og nokre må også ete D‐vitamintablettar for å få rett kalsiumnivå. Som oftast er dette forbigåande plager, og vi reknar med at mindre enn 2–3 % treng å bruke tablettane for resten av livet pga. permanent nedsett funksjon i biskjoldbruskkjertlane etter operasjonen. Som etter alle operasjonar kan det også oppstå bløding eller infeksjon i operasjonssåret, men dette er også svært sjeldan.



Etter operasjonen må du ha tilførsel stoffskiftehormonet tyroksin (Levaxin®) resten av livet. Tyroksin erstattar tyreoideahormona som kroppen ikkje lenger lagar, og som er livsnødvendige, slik at du ikkje blir hypotyreot. Vidare veit vi at TSH frå hypofysen kan stimulere vekst av eventuelle restar av kreften. Derfor må du få så stor dose tyroksin at produksjonen av TSH i hypofysen blir redusert.

Etter behandling for skjoldbruskkjertelkreft vil dei fleste få slik suppresjonsbehandling med Levaxin®, slik at TSH-verdien blir låg eller ikkje målbar. Dette vil likevel vere avhengig av klassifiseringa til sjukdommen, så pasientar med lågast risiko for tilbakefall ikkje nødvendigvis treng suppresjonsbehandling. 

Alle pasientar treng ikkje behandling med radioaktivt jod. Her blir det gjort ei individuell vurdering. Dette vil seie at pasientar med tidleg oppdaga kreft og låg risiko ikkje nødvendigvis treng dette.

Av og til vil det vere nødvendig med fleire behandlingar med radioaktivt jod med 6–9 månaders mellomrom. Radiojodbehandling er også aktuelt ved tilbakefall av sjukdom. 

For at radiojodbehandlinga skal vere så effektiv som mogleg, er det viktig at skjoldbruskkjertelcellene forbigåande er tilstrekkeleg stimulert av eit høgt TSH‐nivå. Ei tilstrekkeleg TSH‐stimulering blir nådd etter 4–5 veker utan tyroksin. Her er det vanleg at ein bruker kunstig TSH (Thyrogen®) over 2 dagar som eit alternativ til 5 veker utan tyroksin, dersom det ikkje er slik at behandlinga blir gitt på grunn av tilbakefall av sjukdommen.

Når ein blir behandla med radioaktivt jod, må nokre pasientar vere innlagt på sjukehus. Av strålevernsutstyr vil pasienten ligge på isolat 1–3 dagar, og det vil vere avgrensingar i besøk den første tida etter behandlinga. Ved låge dosar radioaktivt jod kan «heimeisolering» vere tilstrekkeleg.



Medullær skjoldbruskkjertelkreft

Behandlinga av medullær skjoldbruskkjertelkreft er operasjon. Vanlegvis blir heile skjoldbruskkjertelen og lymfeknutane på halsen fjerna. Etter operasjonen må ein bruke tyroksin (Levaxin®) resten av livet. I enkelte tilfelle kan det vere aktuelt å gi behandling med radionukleoid.
 


Anaplastisk skjoldbruskkjertelkreft

Anaplastisk skjoldbruskkjertelkreft er sjeldan. Behandlinga er ofte samansett og blir vurdert i kvart enkelt tilfelle. Det kan vere aktuelt med både cellegift, strålebehandling og operasjon.

 
 

Lindrande behandling

Ved langtkommen kreft der ein ikkje kan kurere sjukdommen, finst det no ei rekke moglegheiter både til livsforlengande behandling og god symptomforebygging og symptomlindring.
 
Mange pasientar kan leve bra i årevis med kreft som har spreidd seg, og mange døyr av heilt andre årsaker.


 





Kliniske studiar

3 kliniske studiar er opne for rekruttering. Saman med legen din kan du vurdere om ein klinisk studie er aktuell for deg.

Sjå fleire kliniske studiar

Oppfølging

Etter behandling for skjoldbruskkjertelkreft skal pasienten bli følgt livet ut med årlege kontrollar. Kva kontrollane skal omfatte, avheng både av kor utbreidd sjukdommen var, kva slags behandling som er gitt, og kor lang tid det er gått. 

Behandlingsresultata ved kreft i skjoldbruskkjertelen er generelt svært gode. Dette gjeld særleg for papillær og follikulær skjoldbruskkjertelkreft. Hos nokre kan likevel kreften komme tilbake eller spreie seg til andre delar av kroppen, sjølv mange år etter behandlinga. 

Det er derfor viktig med regelmessige kontrollar, ikkje berre dei første 5–10 åra, men resten av livet. Dessutan må jo også tyroksindoseringa bli kontrollert. Følgande undersøkingar er aktuelle:
  • Klinisk undersøking der legen undersøker halsen
  • Blodprøver for å sjå om du får rett dose tyroksin. Det er viktig at du ikkje tar tyroksintablettar like før du tar blodprøva. Vent med dagens dose til blodprøva er tatt
  • For å oppdage tilbakefall eller spreiing er måling av tyroglobulin i blodet nyttig. Tyroglobulin er eit protein som berre blir produsert i skjoldbruskkjertelceller, både i normale celler og i kreftceller. Dersom tyroglobulin blir påvist i ei blodprøve, betyr det at det er skjoldbruskkjertelvev eller kreftceller ein eller anna stad i kroppen 
  • Ved stigande tyroglobulin kan det vere aktuelt med CT eller PET/CT l 
  • Ultralyd av halsen blir gjort med 1–5 års mellomrom
  • Heilkroppsscinigrafi. Ved scintigrafi blir radioaktivt jod gitt i form av ein kapsel, ei væske eller ein injeksjon. Fordi skjoldbruskkjertelen har ei spesiell evne til å ta opp jod, vil radioaktiviteten samle seg i skjoldbruskkjertelvev. Denne radioaktiviteten kan bli påvist ved eit spesialkamera som kan avbilde heile kroppen (scintigrafi). Blodprøve for å måle tyroglobulin i blodet blir alltid tatt samtidig.

Etter at skjoldbruskkjertelen med kreften er fjerna og tyroksinbehandling er starta, blir livet normalisert igjen, sjølv om ein følelsesmessig kan trenge hjelp til å takle diagnosen. 
Ein del pasientar vil ha problem med vektauke. Det er derfor viktig å vere nøye med kosthaldet og å vere i fysisk aktivitet.

Som regel har kreft i skjoldbruskkjertelen eit langt snillare forløp enn dei aller fleste andre kreftformer, og dei aller fleste blir kurert. Det er likevel viktig at du følger anbefalte kontrollar etterpå, slik at eventuelle tilbakefall kan bli oppdaga og behandla. Du vil snart venne deg til å ta den daglege tyroksindosen og ikkje merke store forskjellen frå før du blei operert. Nokre kan likevel ha plager som enten kjem av behandlinga, eller at tyroksindoseringa ikkje er rett (som oftast resulterer dette i hjertebank og indre uro). Ta då kontakt med legen som har ansvar for behandlinga, slik at du kan få hjelp til å ev. endre dosen.

Det finst ei rekkje tilbod som kan vere til hjelp for å kome tilbake til kvardagen under og etter kreftsjukdom. Derfor er det viktig å tenkje rehabilitering og meistring av sjukdommen heilt frå sjukdomsstart og begynnelsen av behandlinga. Målet er å kunne fungere og leve med eller etter kreftsjukdom, med so god livskvalitet som mogleg.




Kreft i skjoldbruskkjertelen rammar også unge kvinner og menn. Spørsmål om graviditet og det å bli foreldre er derfor aktuelt for ganske mange. Sidan prognosen for kreft i skjoldbruskkjertelen er så god, er sjukdommen ikkje til hinder for å bli forelder etter at behandlinga er avslutta.

Ved nyoppdaga skjoldbruskkjertelkreft anbefaler vi kvinnene med å vente med å bli gravide til all behandling er avslutta, både operasjon og eventuelle behandlingar etterpå.

Radioaktivt jod MÅ IKKJE bli gitt til ei gravid kvinne, for då vil skjoldbruskkjertelen hos barnet bli øydelagt, og det er også risiko for generell fosterskade. Etter radiojodbehandling anbefaler vi at det skal gå minst 4 månader før kvinna blir gravid, og at ho er velregulert på tyroksin, noko som ofte tar 6 månader.

Ei kvinne som er ferdigbehandla, og som bruker tyroksin, må seie frå til legen sin så snart ho er blitt gravid. Som oftast er det nødvendig å auke tyroksindosen under svangerskapet. For mykje eller for lite tyroksin kan vere uheldig både for mor og for barn. Det er derfor viktig å bli følgt opp av ein spesialist gjennom heile svangerskapet. Etter fødsel er det også viktig å justere tyroksindosen. Sjølv om du bruker tyroksin, kan barnet bli amma. Verken heilkroppsscintigrafi, måling av tyreoideaglobulin i hypotyreot fase etter seponering av tyroksin eller med stimulering av Thyrogen® skal bli gjort hos gravide eller ammande. Graviditet må vere utelukka før desse undersøkingane blir gjort.
Menn som har fått behandling med radioaktivt jod, må ikkje befrukte ei kvinne før det har gått minst 4 månader sidan siste behandling med radioaktivt jod. Tyroksinbehandlinga påverkar ikkje sædcellene.




Kontakt

Førde sentralsjukehus Medisinsk avdeling

Kontakt Medisinsk avdeling
En stor bygning med en stor plen foran seg

Førde sentralsjukehus

Svanehaugvegen 2

6812 Førde

Finn fram

Transport

Buss

Det går regelmessig rutebussar mellom Førde Sentralsjukehus og Førde Rutebilstasjon.

På nettsidene til skyss.no finn du bussruter med oversikt over stoppestadar og tider for Sogn og Fjordane.

Frå Førde er det også gode bussamband til Bergen, Oslo, Ålesund og Trondheim.

Flybuss

Det går direkte flybuss frå Førde Lufthamn Bringeland til Førde Sentralsjukehus for alle fly som landar. Bussen stoppar ved busstoppet på motsatt side av Vievegen, på austsida. Herfrå går flybussen til Førde Lufthamn Bringeland 75 minutt før alle flyavgangar.

Parkering

Det er mogleg å parkere gratis på sjukehusområdet for pasientar og besøkande.

Taxi

Drosjesentralen i Førde er om lag 100 meter frå Rutebilstasjonen. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

 

Praktisk informasjon

Ved Førde sentralsjukehus finn du Sjukehusapoteka Vest HF si avdeling i Sogn og Fjordane.

​​Apoteket gjev tilbod til alle nyutskrivne og polikliniske pasientar ved Førde Sentralsjukehus, samt alle tilsette og besøkande.  Sjukehusapoteket er altså open for alle.

På veg heim frå sjukehuset kan pasientar få med seg alt dei treng av legemiddel og utstyr for vidare behandling heime. I tillegg har apoteket eit stort og variert utval av reseptfrie legemiddel, hudpleiemiddel, kost- og ernæringsmiddel samt andre apotekvarer.

Apoteket gjer klar legemidla medan du ventar og gjev råd om korleis du skal bruke dei på rett måte.

Apoteket forsyner dei fleste avdelingane i Helse Førde med legemiddel, apotekvarer og farmasøytiske tenester og gjev farmasøytisk rådgjeving til mange kommunar i Sogn og Fjordane.

​For å få behandling ved sjukehus eller poliklinikk må du i utgangspunktet vere tilvist frå lege, kiropraktor eller manuell teapeut. Har du trong for legehjelp skal du ringe fastlegen din eller den kommunale legevakta.

Les meir om eigendelar på helsenorge.no

Mange pasientar og pårørande ønskjer å ta bilete eller video som eit minne frå tida på sjukehuset. Då kan det vere lurt å hugse nokre reglar.

​Det er sjølvsagt heilt greitt så lenge det er pasientane og/eller pårørande og vener som er på bileta.

Det er likevel ikkje lov å ta bilete av medpasientar eller tilsette. Vi har hatt tilfeller der bilete av medpasientar/tilsette er blitt publisert i digitale media utan deira godkjenning.

Vi håper alle viser respekt for personvernet til alle dei møter under besøket på sjukehuset og avgrensar fotografering til å gjelde eigen familie og vener.

​Ved Førde sentralsjukehus finn du kiosk der du kan kjøpe aviser og andre kioskvarer. Du kan også levere kupongar til Norsk Tipping sine spel.

Alle kantinene i Helse Førde er opne for tilsette, pasientar og pårørande.

​Kantinene på Lærdal sjukehus og Nordfjord sjukehus finn du i underetasjen. Dei har opningstid 10.30 - 14.30.

Hovudkantina ved Førde sentralsjukehus ligg i 2. etasje. Her får du kjøpt varm mat og mykje anna. Den har opent 07.30 - 20.00.
I Førde finn du også ein kafe i 1. etasje innanfor resepsjonen. Denne har opningstid  09.00 - 15.00. Her finn du kaffe, te, anna drikke, påsmurt og kaker m.m.

Kantina ved Indre Sogn psykiatrisenter er open alle kvardagar frå klokka 10.00-13.30.

Kantina på Tronvik er open for tilsette og bebuarar.

​Du kan nytte mobiltelefon ved sjukehusa. Vi oppfordrar likevel alle til å bruke mobilvett og ta omsyn til medpasientar.

Det er viktig å sette telefonen på stille om natta, og på stilleringing eller vibrering om dagen. Av omsyn til dei andre pasientane er det best å gå ut av rommet dersom du må ta ein lengre samtale.

Vi ber om at du inne på pasientrommet ikkje snakkar eller har lyd på mobilen i tidsrommet etter klokka 21.30 til klokka 08.00 neste dag.

Det er gratis trådlaust nettverk for pasientar, pårørande og besøkande på sjukehusa. Dette kan du kople deg til frå din smarttelefon.

Førde sentralsjukehus har sett av hundre parkeringsplassar berre for pasientar og pårørande. Er alle desse plassane opptekne, er det fleire parkeringsområde rundt Førde sentralsjukehus. Ledige plassar på desse områda kan òg nyttast av besøkande.

BLODGJEVARAR og RØRSLEHEMMA har eigne parkeringsplassar mellom anna framfor hovudinngangen og rundt om på sjukehuset sitt område. Dei som kan parkere her, har eige parkeringsløyve. Utan slikt løyve er parkering rekna som ugyldig.

Ordinær parkering for pasientar og pårørande:
Parkeringsplassen er inn frå Svanehaugvegen. Sjå blått område på kartet:

 

Kart over parkeringsplassar ved Førde sentralsjukehus

 

 

​I 6. etasje har Førde sentralsjukehus eige pasienthotell.

Pasienthotellet har 22 senger. Dei er fordelt på seks enkle rom og åtte doble rom. Alle romma er tilpassa rullestolbrukarar.

​Treng du nokon å snakke med? Sjukehuspresten er til for deg anten du er pasient eller pårørande. I møte med denne omsorgstenesta kan du finne ein «fristad» og ein plass å samle tankane. I samtale med sjukehuspresten er det tid og rom for både stort og smått.

Du treng ikkje ha kristen eller religiøs tru for å ta kontakt. Det er ditt liv og dine tankar som har fokus. Det er sjølvsagt og høve til klassiske prestetenester som mellom anna sermoniar og bøn.

Uansett kva du har på hjartet er sjukehuspresten tilgjengeleg for å møte deg, der det passar deg best. Det kan vere på telefon, prestekontoret, pasientrom, i kantina eller kanskje på ein benk ute.

Ta kontakt direkte med Helene Langeland på telefon 908 79 281, eller spør personalet om å tilkalle/avtale tid med prest.

Sjukehuspresten er primært tilgjengeleg i ordinær kontortid, men kan og tilkallast til andre tider.

Kontoret er på plan 2, første dør til høgre for inngangen til kantina.

Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).
  3. Les nøye gjennom vilkåra.
  4. Trykk "Godta" når du har lese og forstått vilkåra.
Innlogginga skjer automatisk på einingar etter første pålogging, så lenge kontoen er aktiv. Det skal berre vere nødvendig å logge seg på éin gong per eining per 31 dagar.
 

Akuttmedisin:
Etter avtale på telefon 57 83 90 82.

Barneavdeling:
Visittider sengeposten 5. etg: Kontakt personale på vaktrommet.

Kirurgisk:
Visittider sengepost 12.30-13.30 og 18.30-19.30.

Kreft:
Visittider sengepost: Har ikkje faste visittider. Ta kontakt med vaktrommet.

Kvinneklinikken:
Far eller medmor kan kome når dei ønskjer utanom kviletid klokka 13.00-15.00. Søsken til barnet og andre besøkande kan takast i mot utanfor avdelinga.

Medisinsk:
Visittider medisinsk sengepost 14.30-15.30 og 19.00-19.45. Til eineromma: Etter avtale.

Nevrologisk:
Ikkje fast visitttid. Pårørande og andre er alltid velkomne.

Ortopedisk:
13.30-16.00 og 17.30-19.30.