Vi tilrår at du alltid nyttar siste versjon av nettlesaren din.
Spinalbedøvelse
Ikkje alle typar operasjonar krev narkose (generell anestesi). I mange tilfelle kan ein bedøve delar av kroppen. Dette kan gjerast med spinalbedøving eller epiduralbedøving (eller ein kombinasjon av begge).
Ryggmergen strekker seg nedover i ryggmergskanalen og sender nervegreiner til heile kroppen. Det er derfor mogleg å bedøve desse nervane på ulike nivå, alt etter kor ein ønsker å bedøve. Spinalbedøving blir som regel gitt som ein enkel injeksjon, men ein kan og nytte eit kateter om ein ønsker å gi bedøvinga over lengre tid.
Tilvising og vurdering
I sjeldne tilfelle kan det vere aktuelt at fastlegen tilviser deg for spinal- eller epiduralbedøving. Det vil som regel vere i tilfelle der ein har alvorleg kreftsjukdom som er i sluttfasen av livet, der ein ikkje kjem i mål med anna smertebehandling. Tilvisinga skal da i utgangspunktet gå til palliativt team/kreftavdelinga.
For pasientar som skal til operasjon, blir desse førebudde som alle andre operasjonspasientar. Du vil først få eit tynt plastrøyr (venekanyle) inn i ei blodåre i armen. Dette er i tilfelle du skulle trenge medisinar eller væske raskt.
Under
Om du skal få spinalbedøving vil anestesilegen be deg sitte eller ligge på sida, slik at ho/han får tilgang til ryggen din. Etter å ha vaska sterilt og dekt opp vil anestesilegen stikke med ei tynn nål og injisere lokalbedøving inn mot nervane i ryggmergen. I dei fleste tilfelle har ein ikkje behov for lokalbedøving for spinalbedøving utan kateter. Dersom ein skal lage til spinalt kateter (tynn plastslange) vil anestesilegen sette lokalbedøving først.
Alt etter kor teknisk vanskeleg det er, tar spinalbedøving alt frå 5 til 15 minutt.
Etter
Spinalbedøvinga varer nokre timar, for så å gradvis gå tilbake. Spinalbedøving med kateter kan givast over lengre tid.
Ein kan ikkje køyre bil før dagen etter spinalbedøving.
Ver merksam
Spinalbedøving er ei trygg bedøvingsform. Dessverre vil det alltid kunne tilkomme komplikasjonar, men det er veldig sjeldan.
Den vanlegaste komplikasjonen er smerter i ryggen etter stikk, dette går som regel over med tida og treng ikkje behandling. I nokre tilfelle kan ein få spinalhovudverk, det er ein sterk hovudverk som blir betra av at ein legg seg ned. I dei aller fleste tilfella går dette over etter nokre dagar og treng ikkje anna behandling enn godt med drikke og hovudverktablettar. I nokre tilfelle vil hovudverken vere så invalidiserande at legane vil velje å legge ein såkalla «blodlapp», dette blir berre gjort på sjukehuset av anestesilegar.
I svært sjeldne tilfelle kan ein få infeksjon etter spinalbedøving. Det er svært alvorlege tilstandar som krev sjukehusbehandling.
Sist faglig oppdatert 23.09.2024
Kontakt
Førde sentralsjukehusAvdeling for anestesi, intensiv og operasjon (AIO)
Førde sentralsjukehus: Pasientar som skal møte til operasjon, møter ved dagkirurgisk senter i 2. etasje i Svanabygget (houdblokka). Sjå i innkallingsbrevet ditt, dersom du skal møte opp dagen før.
Nordfjord og Lærdal sjukehus: Pasientar melder seg i ekspedisjonen i 1. etasje.
Anestesipoliklinikken og intensiv sengepost ligg i 2. etasje på Førde sentralsjukehus.
Det går regelmessig rutebussar mellom Førde Sentralsjukehus og Førde Rutebilstasjon.
På nettsidene til skyss.no finn du bussruter med oversikt over stoppestadar og tider for Sogn og Fjordane.
Frå Førde er det også gode bussamband til Bergen, Oslo, Ålesund og Trondheim.
Flybuss
Det går direkte flybuss frå Førde Lufthamn Bringeland til Førde Sentralsjukehus for alle fly som landar. Bussen stoppar ved busstoppet på motsatt side av Vievegen, på austsida. Herfrå går flybussen til Førde Lufthamn Bringeland 75 minutt før alle flyavgangar.
Parkering
Det er mogleg å parkere gratis på sjukehusområdet for pasientar og besøkande.
Taxi
Drosjesentralen i Førde er om lag 100 meter frå Rutebilstasjonen. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.
Buss
Fleire rutebusser går forbi Lærdal Sjukehus.
På nettsidene til skyss.no finn du bussruter med oversikt over stoppestadar og tider for Sogn og Fjordane.
Frå Lærdal er det også gode bussamband til Bergen og Oslo.
Flybuss
Næraste flyplass er Sogndal Lufthamn Haukåsen. Det er korrespondanseruter via Kaupanger – sjå rutetider på nettsidene til skyss.no.
Parkering
Det er mogleg å parkere gratis på sjukehusområdet for pasientar og besøkande.
Taxi
Ved behov er våre tilsette i resepsjonen tilgjengelege 24 timar i døgnet og kan bestille taxi til deg.
Buss
Nordfjordeid Rutebilstasjon ligg i Nordfjordeid sentrum og er om lag ein kilometer frå psykiatrisenteret/BUP/sjukehuset.
På nettsidene til skyss.no finn du bussruter med oversikt over stoppestadar og tider for Sogn og Fjordane.
Frå Nordfjordeid er det også bussamband til Bergen, Oslo, Ålesund og Trondheim.
Parkering
Det er mogleg å parkere gratis på sjukehusområdet for pasientar og besøkande.
Taxi
Ved behov er våre tilsette i resepsjonen tilgjengelege 24 timar i døgnet og kan bestille taxi til deg.
Praktisk informasjon
Ved Førde sentralsjukehus finn du Sjukehusapoteka Vest HF si avdeling i Sogn og Fjordane.
Apoteket gjev tilbod til alle nyutskrivne og polikliniske pasientar ved Førde Sentralsjukehus, samt alle tilsette og besøkande. Sjukehusapoteket er altså open for alle.
På veg heim frå sjukehuset kan pasientar få med seg alt dei treng av legemiddel og utstyr for vidare behandling heime. I tillegg har apoteket eit stort og variert utval av reseptfrie legemiddel, hudpleiemiddel, kost- og ernæringsmiddel samt andre apotekvarer.
Apoteket gjer klar legemidla medan du ventar og gjev råd om korleis du skal bruke dei på rett måte.
Apoteket forsyner dei fleste avdelingane i Helse Førde med legemiddel, apotekvarer og farmasøytiske tenester og gjev farmasøytisk rådgjeving til mange kommunar i Sogn og Fjordane.
For å få behandling ved sjukehus eller poliklinikk må du i utgangspunktet vere tilvist frå lege, kiropraktor eller manuell teapeut. Har du trong for legehjelp skal du ringe fastlegen din eller den kommunale legevakta.
Mange pasientar og pårørande ønskjer å ta bilete eller video som eit minne frå tida på sjukehuset. Då kan det vere lurt å hugse nokre reglar.
Det er sjølvsagt heilt greitt så lenge det er pasientane og/eller pårørande og vener som er på bileta.
Det er likevel ikkje lov å ta bilete av medpasientar eller tilsette. Vi har hatt tilfeller der bilete av medpasientar/tilsette er blitt publisert i digitale media utan deira godkjenning.
Vi håper alle viser respekt for personvernet til alle dei møter under besøket på sjukehuset og avgrensar fotografering til å gjelde eigen familie og vener.
Alle kantinene i Helse Førde er opne for tilsette, pasientar og pårørande.
Kantinene på Lærdal sjukehus og Nordfjord sjukehus finn du i underetasjen. Dei har opningstid 10.30 - 14.30.
Hovudkantina ved Førde sentralsjukehus ligg i 2. etasje. Her får du kjøpt varm mat og mykje anna. Den har opent 07.30 - 20.00. I Førde finn du også ein kafe i 1. etasje innanfor resepsjonen. Denne har opningstid 09.00 - 15.00. Her finn du kaffe, te, anna drikke, påsmurt og kaker m.m.
Kantina ved Indre Sogn psykiatrisenter er open alle kvardagar frå klokka 10.00-13.30.
Kantina på Tronvik er open for tilsette og bebuarar.
Du kan nytte mobiltelefon ved sjukehusa. Vi oppfordrar likevel alle til å bruke mobilvett og ta omsyn til medpasientar.
Det er viktig å sette telefonen på stille om natta, og på stilleringing eller vibrering om dagen. Av omsyn til dei andre pasientane er det best å gå ut av rommet dersom du må ta ein lengre samtale.
Vi ber om at du inne på pasientrommet ikkje snakkar eller har lyd på mobilen i tidsrommet etter klokka 21.30 til klokka 08.00 neste dag.
Det er gratis trådlaust nettverk for pasientar, pårørande og besøkande på sjukehusa. Dette kan du kople deg til frå din smarttelefon.
Førde sentralsjukehus har sett av hundre parkeringsplassar berre for pasientar og pårørande. Er alle desse plassane opptekne, er det fleire parkeringsområde rundt Førde sentralsjukehus. Ledige plassar på desse områda kan òg nyttast av besøkande.
Blodgjevarar og rørslehemma har eigne parkeringsplassar mellom anna framfor hovudinngangen og rundt om på sjukehuset sitt område. Dei som kan parkere her, har eige parkeringsløyve. Utan slikt løyve er parkering rekna som ugyldig.
Ordinær parkering for pasientar og pårørande: Parkeringsplassen er inn frå Svanehaugvegen, nord-aust for Svanabygget som er hovudbygningen ved sjukehuset. På nedsida av parkeringsplassen er det også ladepunkt for el-bil.
I 7. etasje har Førde sentralsjukehus eige pasienthotell.
Pasienthotellet har 36 senger fordelt på 10 enkeltrom og 13 dobbeltrom.
Treng du nokon å snakke med? Sjukehuspresten er til for deg anten du er pasient eller pårørande. I møte med denne omsorgstenesta kan du finne ein «fristad» og ein plass å samle tankane. I samtale med sjukehuspresten er det tid og rom for både stort og smått.
Du treng ikkje ha kristen eller religiøs tru for å ta kontakt. Det er ditt liv og dine tankar som har fokus. Det er sjølvsagt og høve til klassiske prestetenester som mellom anna sermoniar og bøn.
Uansett kva du har på hjartet er sjukehuspresten tilgjengeleg for å møte deg, der det passar deg best. Det kan vere på telefon, prestekontoret, pasientrom, i kantina eller kanskje på ein benk ute.
Ta kontakt direkte med Helene Langeland på telefon 908 79 281, eller spør personalet om å tilkalle/avtale tid med prest.
Sjukehuspresten er primært tilgjengeleg i ordinær kontortid, men kan og tilkallast til andre tider.
Kontoret er på plan 2, første dør til høgre for inngangen til kantina.
Slik koblar du deg til gjestenettet vårt:
Koble deg til det trådlause gjestenettet (gjest.ihelse.net)
Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).
Les nøye gjennom vilkåra.
Trykk "Godta" når du har lese og forstått vilkåra.
Innlogginga skjer automatisk på einingar etter første pålogging, så lenge kontoen er aktiv. Det skal berre vere nødvendig å logge seg på éin gong per eining per 31 dagar.
Akuttmedisin: Etter avtale på telefon 57 83 90 82.
Barneavdeling: Visittider sengeposten 5. etg: Kontakt personale på vaktrommet.
Kirurgisk: Visittider sengepost 12.30-13.30 og 18.30-19.30.
Kreft: Visittider sengepost: Har ikkje faste visittider. Ta kontakt med vaktrommet.
Kvinneklinikken: Far eller medmor kan kome når dei ønskjer utanom kviletid klokka 13.00-15.00. Søsken til barnet og andre besøkande kan takast i mot utanfor avdelinga.
Medisinsk: Visittider medisinsk sengepost 14.30-15.30 og 19.00-19.45. Til eineromma: Etter avtale.
Nevrologisk: Ikkje fast visitttid. Pårørande og andre er alltid velkomne.
Ortopedisk: 13.30-16.00 og 17.30-19.30.
Barseleininga har familierom og ingen faste visittider.
Medisinsk sengepost: 11.30 - 12. 30 og 16.00 - 18.00
Ortopedisk: Pårørande er velkomne heile døgnet.
God start eininga: Barseleininga har visittid heile døgnet.
