Frivillig innsats

• møte personar som kjem til sjukehuset, vise veg og svare på spørsmål
• vere open for personleg kontakt med pasientar som ventar på undersøking, behandling eller transport
• bistå når urolege eller desorienterte pasientar ventar på undersøking eller behandling
• assistere pasientar ved behov med enkle gjeremål, eller ta initiativ til samtale
• følge pasientar til drosje ved heimreise, etter spørsmål frå avdelingane
• følge pasientar til kantine, laboratorium, drosje eller ein tur i sjukehusparken
• bistå med praktiske gjeremål

• blir du ein del av eit aktivt sjukehusmiljø
• bestemmer du sjølv kor mykje tid du vil bruke som frivillig
• får du kurs, nødvendig opplæring og tilbod om samlingar med fagleg tema
• vil du vere eit supplement til pasientbehandlinga, men du skal ikkje utføre oppgåver som profesjonelle har ansvar for
• vil du gjere ein forskjell utan at du får betalt for engasjementet og bidraget ditt
• har du teieplikt, og må følge sjukehuset sitt reglement

Vi ser etter deg som er venleg, glad i mennesker og likar å møte andre. Det er behov for personar i ulike aldersgrupper, av begge kjønn – og gjerne med ulik kulturell bakgrunn. Gjensidig respekt og forståing for alle mennesker er viktig. Vi ønsker at du er over 18 år, snakkar godt norsk og er ein empatisk og god lyttar.

Dersom dette høyres ut som noko for deg, så vil vi gjerne høyre frå deg.
Ta gjerne kontakt med oss for ein uforpliktande samtale. 

E-post: frivillig@helse-forde.no

Kontaktpersonar:
Trude Njøsen Helgås - tlf. 97 10 11 10
Håvard Nesse Røneid - tlf. 99 60 28 54

Garderobe og bekledning

Garderobe finn du i 7. etasje, rom 7105. I samme korridor vil du finne felles møterom. På sjukehuset brukar du uniform. Privat tøy skal ikkje vere synleg under uniformen, men det er anledning til å ha korterma ull/t-skjorte under uniformen. Ta med eigne sko. Set du igjen sko i garderoben, er det på eige ansvar. Grøne kittlar og fleecejakker er tilgjengelege i garderoben. Kvit bukse hentar ein frå tilvist lager i 0. etasje. Skittentøy plasserer du i riktig skittentøyskorg etter bruk. 

Hygiene

Handvask inn og ut av alle pasientrom, etter pasientkontakt, før matservering, og liknande. Bruk handsprit-dispensarar som heng rundt i fellesområda, eventuelt handvask med såpe og vatn. Etter at du eksempelvis har pussa nasen, spritar du deg. Host i albogen, dersom du har behov for det. På sjukehuset brukar du rein uniform. Ikkje bruk parfyme, ringar, klokke, eller andre handsmykker, og fjern neglelakk/kunstige negler. Har du langt hår, samlar du det. Vi hjelper kvarandre å hugse på dette. 

ID-kort

ID-kort får du utlevert ved ID-kontoret i 1. etasje. Kortet identifiserer deg og di rolle på sjukehuset, og må takast godt vare på. 

Parkering

Parkering er gratis på tilviste parkeringsplassar på sjukehuset sitt område. Ver opp-
merksom på at somme parkeringsplassar er reservert til spesifikke funksjonar. 

Tausheitsplikt

Tausheitsplikta inneber at du ikkje kan bringe nokon form for pasientopplysningar ut av sjukehuset. Pasientopplysningar skal ikkje delast med frivillige eller andre. Lister og lappar med namn skal makulerast (eller leggast i blå makuleringsboks) før du forlet sjukehuset. Treff du kjende som er pasientar eller pårørande i sjukehuset, er det viktig å forklare at du har tausheitsplikt i rolla di som frivillig. Ber pasienten deg om å helse heim, må du be vedkomande frigjere deg frå tausheitsplikta.

Kurs og arrangement

Grunnkurs er obligatorisk for nye frivillige, og blir sett opp fleire gongar årleg. I grunnkursert får alle nye frivillige ved Førde sentralsjukehus ei grunnopplæring i sentrale tema som hygiene, smittevern, tausheitsplikt, brannvern, ernæring og kommunikasjon/etikk. Gjennom året blir det tilbod om fagleg påfyll og andre sosiale aktivitetar.