Vi tilrår at du alltid nyttar siste versjon av nettlesaren din.

Pårørande

Mange pårørande er ein viktig ressurs i behandlinga og omsorgen for sine nære, men også dei kan ha behov for støtte og hjelp til å meistre eigen livssituasjon.

​Sjølv om helsepersonell har teieplikt, er det mange tilfelle der pårørande også har rett på informasjon. Alle pårørande har rett til generell rettleiing, og det er ikkje brot på teieplikta å lytte.

I tillegg har pårørande rett til informasjon når:

  • opplysningane allereie er kjent
  • pasienten eller brukaren samtykker til det
  • forholda tilseier informasjonsdeling, for eksempel i ein nødsituasjon eller om pasienten er ute av stand til å gi samtykke
  • pasienten ikkje er i stand til å ivareta sine interessar

Foreldre har også rett til informasjon om sine barn inntil dei fyller 16 år, og inntil dei fyller 18 år om opplysningane er nødvendige for å ivareta foreldreansvaret.

Det er næraste pårørande som har rett til informasjon. Pasienten eller brukaren har rett til å peike ut sin næraste pårørande. Om han / ho ikkje er i stand til å peike ut næraste pårørande, skal det vere den som i størst utstrekking har varig og løpande kontakt med pasienten.

Anna aktuell informasjon til deg som pårørande

Barn som pårørande

Når eit familiemedlem vert alvorleg sjuk, fører det ofte til ei endring i livssituasjonen til heile familien. I slike situasjonar er det viktig at dei vaksne er merksame på korleis barna har det. Her finn du råd og tips som kan vere til hjelp. 

Les meir om barn og unge som pårørande
Eit nærbilde av ei vaksen hand som held i ei barnehand.

eBehandling

eBehandling tilbyr veileda internettbehandling til deg som slit med panikkliding, sosial angst eller depresjon.

Veileda internettbehandling inneheld dei same elementa som ordinær kognitiv åtferdsterapi med behandlar i poliklinikk. Behandlinga er nettbasert, og kvar veke får du veiledning frå ein behandlar via internett.

Les meir om eBehandling
Ei kvinne som sit i sofaen og har videokonferanse med helsepersonell

Rettar, val og moglegheiter

Vi ønsker at du som pasient, og dine næraste skal få god informasjon, hjelp og rettleiing til å leve best mogleg med sjukdomen, skaden eller tilstanden din. Her finn du ei oversikt over rettane og moglegheitene dine ved sjukehuset.

Les meir om rettane dine
Ein lege i kvit frakk som lagar eit hjerte med hendene sine

Kurs og opplæring for pasientar og pårørande

Pasientar og pårørande skal få god opplæring og informasjon om eigen sjukdom eller skade, for å vere best mogleg i stand til å meistre endringar. Vi arrangerer ei rekke kurs og opplæringsaktivitetar med fokus på dette.

Les meir om tilboda våre
Ei gruppe pasientar og helsepersonell som sit i eit pasientkurs
Sist oppdatert 25.06.2025