Vi tilrår at du alltid nyttar siste versjon av nettlesaren din.
Skjegling
Ulike typar skjegling kan trenge ulik form for behandling, alt frå rett brille til operasjon. Skjegling kan behandlast med synsforbetrande verkemiddel som briller og lapp. Somme har også nytte av prisme i brilleglaset, for å rette opp skjegling. Andre treng ytterlegare behandling som operasjon eller botoxinjeksjon, eller begge deler.
Skjegling (strabisme) er ein tilstand der auga ikkje er rettstilte. Skjeglinga kan vere både skjult og synleg.
Det er to hovudgrunnar til å behandle skjegling: Å fjerne dobbeltsyn og/eller få ei kosmetisk finare augestilling. I tillegg kan det vere stramheitsproblematikk ved nokre spesielle skjeleformer, som til dømes ved stoffskiftesjukdommen Graves. Det kan også vere medisinsk behov for å behandle skjegling ved plagsame feilstillingar av hovudet og ved smerter.
Før ein operasjon må du vere sikker på at du ikkje har ein pågåande augeinfeksjon. Ver veldig varsam dersom det er andre i familien som har augeinfeksjon («katarr»/konjunktivitt).
Behandling
Ikkje-operativ behandling
Ortoptist og augelege, og eventuelt optikar ved augneavdelinga, vil undersøkje deg og setje i gang behandling. Det kan vere rette briller, lappebehandling og synstestar på poliklinikken.
Botox-behandling med injeksjon i augemuskel
Behandling med botox blir gjord dagkirurgisk. Barn får narkose og vaksne får lokalbedøving. Etter botox-injeksjon kan du vanlegvis vere i normal aktivitet dagen etter.
Operasjon
Operasjonen blir gjord som dagkirurgisk inngrep i narkose. Inngrepet tek gjerne frå ein halv til halvannan time. Ein sjeldan gong varer det lengre, særleg dersom du har vore operert før. Du må rekne med heile dagen, då det kan vere venting før operasjon, og du må å komme deg litt etter narkosen.
Ein skjegleoperasjon vil gjere vondt same dag og vanlegvis i 2 – 7 dagar etterpå. Dersom det er førstegongsoperasjon, vil det oftast vere vondt berre nokre få dagar. Det kan kjennast ut som du har eit rusk på auget. Dersom det er fleirgongsoperasjon, kan det vere vondt over lengre tid. Somme er plaga av dobbeltsyn etter operasjonen. Det går som oftast tilbake etter ei viss tid.
Etter operasjonen vil du bli trilla inn på post‐operativ avdeling. Seinare på dagen kan du dra heim, men det må vere ein annan person i same hus som deg. Neste dag er det kontroll på poliklinikken hos den som opererte deg.
Oftast er det 2 – 3 kontrollar til, fordelt på ortoptist og augelege.
Den vanlegaste biverknaden ved ein skjegleoperasjon er dobbeltsyn. Alle operasjonar inneber ein viss risiko for komplikasjonar, men han er ikkje så stor ved vanlege rutineinngrep. Av og til er det vanskelegare å føreseie resultatet av ein operasjon. Då vil du bli informert om det på førehand.
Forholdsreglar etter operasjon
Ikkje gni deg i det opererte auget.
Ver nøye med god handhygiene, vaske hendene fleire gonger om dagen. Dersom du gløymer deg og tek uforvarande opp til auget, er det i alle fall med reine hender.
Auget kan vere klistra igjen, dei første morgonane når du vaknar. Du kan vaske langs augevippskanten med sterilt saltvatn og sterile bomullstupfere. Dette får du kjøpt på apoteket. Dersom det ikkje er noko sekret langs augevippskanten, treng du ikkje å vaske der.
Ikkje bad i klorvatn/offentlege symjebasseng dei første 4‐5 vekene etter operasjonen. Det kan vere auka mengd bakteriar i vatnet.
Ver i moderat fysisk aktivitet, ikkje løft tungt eller utfør sport der du kan falle eller få ein gjenstand inn mot auget, dei første 3 vekene etter operasjonen.
Det går regelmessig rutebussar mellom Førde Sentralsjukehus og Førde Rutebilstasjon.
På nettsidene til skyss.no finn du bussruter med oversikt over stoppestadar og tider for Sogn og Fjordane.
Frå Førde er det også gode bussamband til Bergen, Oslo, Ålesund og Trondheim.
Flybuss
Det går direkte flybuss frå Førde Lufthamn Bringeland til Førde Sentralsjukehus for alle fly som landar. Bussen stoppar ved busstoppet på motsatt side av Vievegen, på austsida. Herfrå går flybussen til Førde Lufthamn Bringeland 75 minutt før alle flyavgangar.
Parkering
Det er mogleg å parkere gratis på sjukehusområdet for pasientar og besøkande.
Taxi
Drosjesentralen i Førde er om lag 100 meter frå Rutebilstasjonen. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.
Praktisk informasjon
Ved Førde sentralsjukehus finn du Sjukehusapoteka Vest HF si avdeling i Sogn og Fjordane.
Apoteket gjev tilbod til alle nyutskrivne og polikliniske pasientar ved Førde Sentralsjukehus, samt alle tilsette og besøkande. Sjukehusapoteket er altså open for alle.
På veg heim frå sjukehuset kan pasientar få med seg alt dei treng av legemiddel og utstyr for vidare behandling heime. I tillegg har apoteket eit stort og variert utval av reseptfrie legemiddel, hudpleiemiddel, kost- og ernæringsmiddel samt andre apotekvarer.
Apoteket gjer klar legemidla medan du ventar og gjev råd om korleis du skal bruke dei på rett måte.
Apoteket forsyner dei fleste avdelingane i Helse Førde med legemiddel, apotekvarer og farmasøytiske tenester og gjev farmasøytisk rådgjeving til mange kommunar i Sogn og Fjordane.
For å få behandling ved sjukehus eller poliklinikk må du i utgangspunktet vere tilvist frå lege, kiropraktor eller manuell teapeut. Har du trong for legehjelp skal du ringe fastlegen din eller den kommunale legevakta.
Mange pasientar og pårørande ønskjer å ta bilete eller video som eit minne frå tida på sjukehuset. Då kan det vere lurt å hugse nokre reglar.
Det er sjølvsagt heilt greitt så lenge det er pasientane og/eller pårørande og vener som er på bileta.
Det er likevel ikkje lov å ta bilete av medpasientar eller tilsette. Vi har hatt tilfeller der bilete av medpasientar/tilsette er blitt publisert i digitale media utan deira godkjenning.
Vi håper alle viser respekt for personvernet til alle dei møter under besøket på sjukehuset og avgrensar fotografering til å gjelde eigen familie og vener.
Ved Førde sentralsjukehus finn du kiosk der du kan kjøpe aviser og andre kioskvarer. Du kan også levere kupongar til Norsk Tipping sine spel.
Alle kantinene i Helse Førde er opne for tilsette, pasientar og pårørande.
Kantinene på Lærdal sjukehus og Nordfjord sjukehus finn du i underetasjen. Dei har opningstid 10.30 - 14.30.
Hovudkantina ved Førde sentralsjukehus ligg i 2. etasje. Her får du kjøpt varm mat og mykje anna. Den har opent 07.30 - 20.00. I Førde finn du også ein kafe i 1. etasje innanfor resepsjonen. Denne har opningstid 09.00 - 15.00. Her finn du kaffe, te, anna drikke, påsmurt og kaker m.m.
Kantina ved Indre Sogn psykiatrisenter er open alle kvardagar frå klokka 10.00-13.30.
Kantina på Tronvik er open for tilsette og bebuarar.
Du kan nytte mobiltelefon ved sjukehusa. Vi oppfordrar likevel alle til å bruke mobilvett og ta omsyn til medpasientar.
Det er viktig å sette telefonen på stille om natta, og på stilleringing eller vibrering om dagen. Av omsyn til dei andre pasientane er det best å gå ut av rommet dersom du må ta ein lengre samtale.
Vi ber om at du inne på pasientrommet ikkje snakkar eller har lyd på mobilen i tidsrommet etter klokka 21.30 til klokka 08.00 neste dag.
Det er gratis trådlaust nettverk for pasientar, pårørande og besøkande på sjukehusa. Dette kan du kople deg til frå din smarttelefon.
Førde sentralsjukehus har sett av hundre parkeringsplassar berre for pasientar og pårørande. Er alle desse plassane opptekne, er det fleire parkeringsområde rundt Førde sentralsjukehus. Ledige plassar på desse områda kan òg nyttast av besøkande.
Blodgjevarar og rørslehemma har eigne parkeringsplassar mellom anna framfor hovudinngangen og rundt om på sjukehuset sitt område. Dei som kan parkere her, har eige parkeringsløyve. Utan slikt løyve er parkering rekna som ugyldig.
Ordinær parkering for pasientar og pårørande: Parkeringsplassen er inn frå Svanehaugvegen, nord-aust for Svanabygget som er hovudbygningen ved sjukehuset. På nedsida av parkeringsplassen er det også ladepunkt for el-bil.
I 6. etasje har Førde sentralsjukehus eige pasienthotell.
Pasienthotellet har 22 senger. Dei er fordelt på seks enkle rom og åtte doble rom. Alle romma er tilpassa rullestolbrukarar.
Treng du nokon å snakke med? Sjukehuspresten er til for deg anten du er pasient eller pårørande. I møte med denne omsorgstenesta kan du finne ein «fristad» og ein plass å samle tankane. I samtale med sjukehuspresten er det tid og rom for både stort og smått.
Du treng ikkje ha kristen eller religiøs tru for å ta kontakt. Det er ditt liv og dine tankar som har fokus. Det er sjølvsagt og høve til klassiske prestetenester som mellom anna sermoniar og bøn.
Uansett kva du har på hjartet er sjukehuspresten tilgjengeleg for å møte deg, der det passar deg best. Det kan vere på telefon, prestekontoret, pasientrom, i kantina eller kanskje på ein benk ute.
Ta kontakt direkte med Helene Langeland på telefon 908 79 281, eller spør personalet om å tilkalle/avtale tid med prest.
Sjukehuspresten er primært tilgjengeleg i ordinær kontortid, men kan og tilkallast til andre tider.
Kontoret er på plan 2, første dør til høgre for inngangen til kantina.
Slik koblar du deg til gjestenettet vårt:
Koble deg til det trådlause gjestenettet (gjest.ihelse.net)
Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).
Les nøye gjennom vilkåra.
Trykk "Godta" når du har lese og forstått vilkåra.
Innlogginga skjer automatisk på einingar etter første pålogging, så lenge kontoen er aktiv. Det skal berre vere nødvendig å logge seg på éin gong per eining per 31 dagar.
Akuttmedisin: Etter avtale på telefon 57 83 90 82.
Barneavdeling: Visittider sengeposten 5. etg: Kontakt personale på vaktrommet.
Kirurgisk: Visittider sengepost 12.30-13.30 og 18.30-19.30.
Kreft: Visittider sengepost: Har ikkje faste visittider. Ta kontakt med vaktrommet.
Kvinneklinikken: Far eller medmor kan kome når dei ønskjer utanom kviletid klokka 13.00-15.00. Søsken til barnet og andre besøkande kan takast i mot utanfor avdelinga.
Medisinsk: Visittider medisinsk sengepost 14.30-15.30 og 19.00-19.45. Til eineromma: Etter avtale.
Nevrologisk: Ikkje fast visitttid. Pårørande og andre er alltid velkomne.
