Vi tilrår at du alltid nyttar siste versjon av nettlesaren din.
En bygning med gjerde og snødekte fjell i bakgrunnen

Seksjon døgn

Døgnavdelinga til Nordfjord psykiatrisenter er for deg som treng innlegging på grunn av psykiske vanskar. Det kan mellom anna vere grunna psykose, utprøving av medisinar, alvorleg depresjon, bipolar liding eller anna som gjer kvardagen ekstra vanskeleg i ein periode. Det er fastlegen din som tilviser deg hit.

Seksjon døgn tilbyr observasjon, kartlegging og behandling av psykiske plager.
Som innlagt kan du få hjelp og støtte innanfor trygge rammer. Individuelt tilrettelagt fysisk aktivitet er ein del av behandlinga. 
God samhandling med kommunehelsetenesta, NAV, fastlege, andre tenesteytarar og pårørande er viktig. Vi ønskjer å legge best mogeleg til rette for at behandlinga di vert individuelt tilpassa og opplevd som nyttig og meiningsfull. Sentrale utgangspunkt for behandling her er gjensidig respekt og tillit, reell pasientmedverknad og støtte til oppleving av meistring.

Tilvising
Du vil få svar på tilvisinga di innan 10 yrkedagar. Du kan bli kalla inn til ei samtale slik at vi kan innhente meir informasjon og planlegge helsehjelpa.

Koordinator
På innleggingsdagen får du samtale med din koordinator. Koordinator her er enten psykolog, sosionom eller lege. Tildelt koordinator vil, saman med deg, ha ansvar for å utforme plan for behandlinga. Koordinator er også bindeledd mellom psykiatrisenteret, ulike tenester i din heimkommune og dine næraste pårørande.
Du vil få tildelt eit primærteam. Dette er dine næraste kontaktpersonar i avdelinga.

Praktisk informasjon:

  • Møt opp i resepsjonen når du kjem
  • Alle pasientromma er einerom med bad og dusj, du får eigen nøkkel
  • Felles kjøkken og stove
  • Vi har vaskerom med vaskemaskiner og tørketromlar
  • Vi har besøksrom der du kan ta imot besøk
  • Ta med gode kle og sko til inne- og uteaktivitetar
  • Du kan ta med eigen bærbar pc og liknande, vi har trådlaust nett
  • Kort veg til sentrum med kino, bibliotek, butikkar med meir

https://www.norsefeedback.no/

Behandling

Under innlegging forsøker vi å forstå utfordringane dine og korleis desse påverkar kvardagen og livssituasjonen din. Ut i frå dine problemstillingar lagar du og ditt primærteam ein behandlingsplan som inneheld mål og tiltak for oppholdet. Dette kan mellom anna vere mål knytt opp til fysisk aktivitet, meistringsbaserte samtalar, oppfølging i høve medisinering, involvering av pårørande og andre kontaktpersonar som er viktige for deg. Vi vil vere opptekne av dine ressursar under innlegginga, dette fordi vi har tru på at dei vil vere nyttige for deg etter utskriving.  

Portrett av Synnøve M. Johnsen

Navn

Synnøve Merethe Johnsen

Leiar seksjon døgn

synnove.merethe.johnsen@helse-forde.no
57 86 43 35



Kontakt

Telefon

Vaktrom Seksjon døgn

57 86 43 32

Leiar Seksjon døgn

57 86 43 35

Synnøve Merethe Johnsen

Kontakt oss via VestDialog

Kontakt oss

Slik finn du fram

Bilde av Nordfjord psykiatrisenter

Nordfjord psykiatrisenter

Sjukehusvegen 9

6770 Nordfjordeid

Finn fram

Buss

Nordfjordeid Rutebilstasjon ligg i Nordfjordeid sentrum og er om lag ein kilometer frå psykiatrisenteret/BUP/sjukehuset.

På nettsidene til skyss.no finn du bussruter med oversikt over stoppestadar og tider for Sogn og Fjordane.

Frå Nordfjordeid er det også bussamband til Bergen, Oslo, Ålesund og Trondheim.

Parkering

Det er mogleg å parkere gratis på sjukehusområdet for pasientar og besøkande.

Praktisk informasjon

Mange pasientar og pårørande ønskjer å ta bilete eller video som eit minne frå tida på sjukehuset. Då kan det vere lurt å hugse nokre reglar.

​Det er sjølvsagt heilt greitt så lenge det er pasientane og/eller pårørande og vener som er på bileta.

Det er likevel ikkje lov å ta bilete av medpasientar eller tilsette. Vi har hatt tilfeller der bilete av medpasientar/tilsette er blitt publisert i digitale media utan deira godkjenning.

Vi håper alle viser respekt for personvernet til alle dei møter under besøket på sjukehuset og avgrensar fotografering til å gjelde eigen familie og vener.

Norfjord psykiatrisenter er røykfritt.

​Psykiatrisenteret er ope for besøk av pårørande og andre heile dagen. Vi ber likevel om at besøkande ringjer på førehand slik at besøket ikkje kolliderer med andre aktivitetar.